章節 | 全民台語聖經全羅經文 | 註釋 |
1:1 | Ta-bi̍t Thiaⁿ tio̍h Sàu-lô Sí-bông ê Siau-sitSàu-lô sí-liáu, Ta-bi̍t mā thâi-sí A-má-le̍k lâng tńg-.lâi ê sî, Ta-bi̍t tī Chik-lak tòa nn̄g ji̍t. | 註釋 串珠 盧俊義 原文 典藏 |
1:2 | Kàu tē-saⁿ ji̍t, lí khòaⁿ, ū chi̍t-ê lâng tùi iâⁿ-pâng, tùi Sàu-lô hia lâi, saⁿ-khò͘ thiah-li̍h, thâu-khak sám thô͘-soa hún, lâi-kàu Ta-bi̍t hia, chiū phak tī thô͘-kha kā i pài. | 註釋 串珠 盧俊義 字典 原文 典藏 |
1:3 | Ta-bi̍t mn̄g i kóng, " Lí tùi tó-ūi lâi? " I ìn kóng, " Góa tùi I-su-la-el ê kun-iâⁿ lâi. " | 註釋 串珠 盧俊義 原文 典藏 |
1:4 | Ta-bi̍t koh mn̄g i, kóng, " Tāi-chì án-chóaⁿ? Chhiáⁿ lí kā góa kóng. " I ìn kóng, " Jîn-bîn tùi chiàn-tīn tô-cháu, jîn-bîn chin chē tó-teh sí-.khì; Sàu-lô kah i ê kiáⁿ Io-ná-than mā sí. " | 註釋 串珠 盧俊義 原文 典藏 |
1:5 | Ta-bi̍t kā tùi i kóng ê siàu-liân lâng kóng, " Lí án-chóaⁿ chai-iáⁿ Sàu-lô kah i ê kiáⁿ Io-ná-than sí-.khì? " | 註釋 串珠 盧俊義 原文 典藏 |
1:6 | Kā i kóng ê siàu-liân lâng kóng, " Góa ngó͘-jiân kàu Gil-boah soaⁿ, khòaⁿ tio̍h Sàu-lô óa tī i ê chhiuⁿ, ū chiàn-chhia kah bé-peng jiok óa i. | 註釋 串珠 盧俊義 字典 原文 典藏 |
1:7 | I oa̍t thâu khòaⁿ góa, chiū kiò góa. Góa ìn kóng, ' Góa tī chia. ' | 註釋 串珠 盧俊義 原文 典藏 |
1:8 | I mn̄g góa kóng, ' Lí sī siáⁿ lâng? ' Góa ìn kóng, ' Góa sī A-má-le̍k lâng. ' | 註釋 串珠 盧俊義 原文 典藏 |
1:9 | I koh kā góa kóng, ' Chhiáⁿ lí kīn-óa góa lâi kā góa thâi-sí, in-ūi góa chin thòng-khó͘, góa ê sèⁿ-miā iáu hó-hó. ' | 註釋 串珠 盧俊義 原文 典藏 |
1:10 | Góa chiū kīn-óa i, lâi kā i thâi-sí, in-ūi góa chai i tó lo̍h-khì liáu-āu, it-tēng bē oa̍h, góa chiū the̍h i thâu-khak-.ni̍h ê bián-liû kah i ê chhiú-khoân, tòa kàu góa ê chú chia. " | 註釋 串珠 盧俊義 字典 原文 典藏 |
1:11 | Ta-bi̍t chiū thiah-li̍h saⁿ, kin-tòe i ê lâng mā sī ánne. | 註釋 串珠 盧俊義 字典 原文 典藏 |
1:12 | Ūi tio̍h Sàu-lô kah i ê kiáⁿ Io-ná-than, kah Siōng-chú ê chú-bîn, í-ki̍p I-su-la-el ê chú-bîn, pi-ai, thî-khàu, kìm-chia̍h kàu ji̍t àm, in-ūi in tó tī to hā. | 註釋 串珠 盧俊義 字典 原文 典藏 |
1:13 | Ta-bi̍t kā tùi i kóng ê siàu-liân lâng kóng, " Lí tùi tó-ūi lâi? " I ìn kóng, " Góa sī chhut-gōa lâng ê kiáⁿ, A-má-le̍k lâng. " | 註釋 串珠 盧俊義 原文 典藏 |
1:14 | Ta-bi̍t tùi i kóng, " Lí chhun chhiú thâi-sí Siōng-chú só͘ boah iû ê, ná ē bô kiaⁿ? " | 註釋 串珠 盧俊義 原文 典藏 |
1:15 | Ta-bi̍t kiò chi̍t-ê siàu-liân lâng, kóng, " Lí óa-khì kā i thâi-sí. " I chiū khì kā i phah-sí. | C註釋 註釋 串珠 盧俊義 原文 典藏 |
1:16 | Ta-bi̍t kā i kóng, " Lí ê hoeh kui tī lí ê thâu-khak, in-ūi lí ê chhùi kakī kiàn-chèng kóng, ' Góa thâi-sí Siōng-chú só͘ boah iû ê. '" | C註釋 註釋 串珠 盧俊義 原文 典藏 |
1:17 | Ta-bi̍t Ūi Sàu-lô kah Io-ná-than Chò Ai-koTa-bi̍t chò ai-ko, tui-tō Sàu-lô kah i ê kiáⁿ Io-ná-than. | 註釋 串珠 盧俊義 原文 典藏 |
1:18 | Koh kóng, " Kā chit-ê ai-ko kà-sī Iô-tah lâng, chit-ê ai-ko miâ kiò-chò " Kiong koa ", siá tī chèng-ti̍t lâng si-koa chi̍p. Koa ánne siá: | 註釋 串珠 盧俊義 字典 原文 典藏 |
1:19 | I-su-la-el, lí ê êng-hián ê siū sat-hāi tī soaⁿ-thâu! Hāi ah! Eng-hiông ê sí tì-kàu ánne ah! | 註釋 串珠 盧俊義 原文 典藏 |
1:20 | M̄-thang tī Gat pò-kò; m̄ thang tī A-si-ke-lông ê ke-lō͘ soan-iông; khióng-kiaⁿ Hui-lī-sū ê chabó͘ gín'á hoaⁿ-hí; khióng-kiaⁿ bô siū kat-lé ê lâng ê chabó͘ gín'á tōa hoaⁿ-hí. | 註釋 串珠 盧俊義 字典 原文 典藏 |
1:21 | Gil-boah soaⁿ ah, goān bô lō͘-chúi, bô hō͘, tī lí hia, mā bô chhut lé-mi̍h ê chhân! In-ūi tī hia ióng-sū ê tîn-pâi siū hiat-ka̍k, Sàu-lô ê tîn-pâi, chhin-chhiūⁿ bô siū boah-iû ê. | 註釋 串珠 盧俊義 字典 原文 典藏 |
1:22 | Tùi siū thâi-.ê ê hoeh, tùi ióng-sū ê iû, Io-ná-than ê kiong bô tò-thè, Sàu-lô ê to bô khang-khang tò tńg-.lâi. | 註釋 串珠 盧俊義 字典 原文 典藏 |
1:23 | Sàu-lô kah Io-ná-than — oa̍h-.leh ê sî thang thiàⁿ, thang hoaⁿ-hí ê, sí ê sî mā bô hun-lī — in pí eng-chiáu khah kín, pí sai khah kiông. | 註釋 串珠 盧俊義 字典 原文 典藏 |
1:24 | I-su-la-el ê chabó͘ kiáⁿ, tio̍h ūi tio̍h Sàu-lô thî-khàu! I bat hō͘ lín chhēng chu-âng sek lâi hoaⁿ-hí, hō͘ lín ê saⁿ-khò͘ ū n̂g-kim ê táⁿ-pān. | 註釋 串珠 盧俊義 字典 原文 典藏 |
1:25 | Ióng-sū ná ē tó tī chiàn-tīn! Io-ná-than siū thâi tī lí ê soaⁿ-thâu. | 註釋 串珠 盧俊義 原文 典藏 |
1:26 | Góa ê a-hiaⁿ Io-ná-than, góa ūi lí siong-sim! Góa hui-siông kah-ì lí! Lí ê thiàⁿ góa chin kî-biāu, iâⁿ-kòe chabó͘ lâng ê thiàⁿ. | 註釋 串珠 盧俊義 原文 典藏 |
1:27 | Ióng-sū sí kah ánne, chiàn-khì húi-bia̍t kah ánne! | 註釋 串珠 盧俊義 字典 原文 典藏 |