| 章節 | 全民台語聖經全羅經文 | 註釋 |
| 21:1 | Ūi Biān-iá-mín Chi-cho̍k ê Lâng Chhōe Bó͘I-su-la-el lâng tī Mi-su-peh bat chiùchōa kóng, " Goán tiong-kan bô kah chi̍t-ê lâng ē kā chabó͘ kiáⁿ kè hō͘ Biān-iá-mín lâng. " | 註釋 串珠 康來昌 原文 典藏 |
| 21:2 | Jîn-bîn lâi-kàu Be-thel, tī hia chē tī Siōng-chú ê bīn-chêng kàu ê-hng, chhut siaⁿ tōa thî-khàu, kóng, | 註釋 串珠 康來昌 原文 典藏 |
| 21:3 | " Siōng-chú — I-su-la-el ê Siōng-tè ah, kin-á-ji̍t, tī I-su-la-el tiong kiám chi̍t chi-cho̍k, I-su-la-el tiong ná ē ū chit khoán tāichì? " | 註釋 串珠 康來昌 原文 典藏 |
| 21:4 | Keh tńg kang thiⁿ-kng chá-khí, jîn-bîn khí-.lâi, tī hia khí chi̍t chō tôaⁿ, hiàn sio-chè kah pêng-an-chè. | 註釋 串珠 康來昌 字典 原文 典藏 |
| 21:5 | I-su-la-el lâng kóng, " Tī I-su-la-el chèng chi-cho̍k tiong, siáⁿ lâng bô kah hōe-chiòng khì Siōng-chú hia? " In-ūi in tōa chiùchōa kóng, " Kiàn-nā bô chiūⁿ Mi-su-peh kàu Siōng-chú ê bīn-chêng ê, tio̍h hō͘ i sí. " | 註釋 串珠 康來昌 原文 典藏 |
| 21:6 | I-su-la-el lâng ūi tio̍h in ê hiaⁿ-tī Biān-iá-mín lâng hō͘-hóe, kóng, " Kin-á-ji̍t, I-su-la-el tiong toān-choa̍t chi̍t chi-cho̍k à. | 註釋 串珠 康來昌 原文 典藏 |
| 21:7 | Lán í-keng kí Siōng-chú lâi chiùchōa, bô beh kā chabó͘ kiáⁿ kè hō͘ in, taⁿ chiū in só͘ chhun lo̍h-.lâi ê lâng, lán beh tùi tó-ūi hō͘ in ū bó͘? " | 註釋 串珠 康來昌 原文 典藏 |
| 21:8 | Koh kóng, " I-su-la-el chiahê chi-cho̍k tiong, tó chi̍t-ê bô chiūⁿ Mi-su-peh kàu Siōng-chú hia? In chiū chhâ-chhut Gi-lia̍t-ia-be-si bô kah chi̍t-ê lâng lâi-kàu iâⁿ lāi hōe-chiòng hia, | 註釋 串珠 康來昌 原文 典藏 |
| 21:9 | in-ūi tiám-sǹg jîn-bîn ê sî, hiahê tòa tī Gi-lia̍t-ia-be-si ê lâng, bô kah chi̍t-ê tī hia. | 註釋 串珠 康來昌 原文 典藏 |
| 21:10 | Hōe-chiòng chiū chhe chi̍t-bān nn̄g-chheng-ê ū tōa la̍t ê ióng-sū, kā in hoan-hù kóng, " Lín khì ēng to thâi-sí tòa tī Gi-lia̍t-ia-be-si ê lâng, í-ki̍p chabó͘ lâng kah gín'á. | 註釋 串珠 康來昌 字典 原文 典藏 |
| 21:11 | Lín só͘ tio̍h kiâⁿ ê to̍h-sī ánne: Tio̍h kā só͘-ū ê chapo͘ lâng, í-ki̍p hiahê bat kah chapo͘ lâng tâng-pâng ê chabó͘ lâng, choân-pō͘ thâi-sí. " | 註釋 串珠 康來昌 字典 原文 典藏 |
| 21:12 | In tī Gi-lia̍t-ia-be-si lâng ê tiong-kan tú tio̍h sì-pah-ê iáu-bōe kah chapo͘ lâng tâng-pâng ê chāi-sek-lí, chiū kā in chhōa lâi-kàu Ka-nân tē Sī-lô ê kun-iâⁿ. | 註釋 串珠 康來昌 字典 原文 典藏 |
| 21:13 | Choân hōe-chiòng chhe lâng kā Lim-móng chio̍h-pôaⁿ ê Biān-iá-mín lâng kóng, ēng hô-pêng ê ōe pò in. | 註釋 串珠 康來昌 原文 典藏 |
| 21:14 | Hit sî, Biān-iá-mín lâng tńg-.lâi, I-su-la-el lâng chiū kā só͘ lâu hō͘ i oa̍h ê Gi-lia̍t-ia-be-si ê chabó͘ gín'á kè hō͘ in, iáu koh bô kàu-gia̍h. | 註釋 串珠 康來昌 原文 典藏 |
| 21:15 | Jîn-bîn ūi tio̍h Biān-iá-mín lâng chiū hō͘-hóe, in-ūi Siōng-chú hō͘ I-su-la-el chi-cho̍k khih chi̍t kak. | 註釋 串珠 康來昌 原文 典藏 |
| 21:16 | Hōe tiong ê tiúⁿ-ló kóng, " Biān-iá-mín tiong-kan ê chabó͘ lâng í-keng châu-bia̍t, taⁿ chiū in só͘ chhun lo̍h-.lâi ê lâng, lán beh tùi tó-ūi lâi hō͘ in ū bó͘? " | 註釋 串珠 康來昌 原文 典藏 |
| 21:17 | Koh kóng, " Biān-iá-mín tô-cháu ê lâng iû-goân tio̍h ū gia̍p hō͘ in, bián-tit I-su-la-el tiong toān-choa̍t chi̍t chi-cho̍k. | 註釋 串珠 康來昌 原文 典藏 |
| 21:18 | Chóng-.sī, lán bē tàng kā kakī ê chabó͘ gín'á hō͘ in chò bó͘, in-ūi I-su-la-el lâng bat chiùchōa kóng, kā chabó͘ kiáⁿ kè hō͘ Biān-iá-mín lâng ê, tio̍h siū chiù-chó͘. " | 註釋 串珠 康來昌 原文 典藏 |
| 21:19 | In koh kóng, " Tī Lī-pho-ná ê lâm pêng, Be-thel ê pak pêng, to̍h-sī tùi Be-thel khì Sī-khiàm tōa lō͘ tang pêng ê Sī-lô, ta̍k nî ū Siōng-chú ê cheh-kî. " | 註釋 串珠 康來昌 字典 原文 典藏 |
| 21:20 | Chiū hoan-hù Biān-iá-mín lâng kóng, " Lín tio̍h khì bih tī phû-tô hn̂g tiong, | 註釋 串珠 康來昌 字典 原文 典藏 |
| 21:21 | nā khòaⁿ tio̍h Sī-lô ê chabó͘ gín'á chhut-lâi thiàu-bú, lín tio̍h tùi phû-tô hn̂g chhut-.lâi, tī Sī-lô ê lú-chú tiong ta̍k lâng chhiúⁿ chi̍t-ê chò bó͘, tò tńg-khì Biān-iá-mín tē. | 註釋 串珠 康來昌 字典 原文 典藏 |
| 21:22 | In ê hū-ló hiaⁿ-tī nā lâi tùi goán kò-sò͘, goán ē tùi in kóng, ' Chhiáⁿ lín tài-liām tio̍h goán, lâi tùi in si un-tián, in-ūi chá-chêng kau-chiàn ê sî, bô lâu chabó͘ gín'á hō͘ in ta̍k lâng chò bó͘. Taⁿ mā m̄-sī lín hō͘ in; nā-sī, lín chiū ū chōe. '" | 註釋 串珠 康來昌 原文 典藏 |
| 21:23 | Biān-iá-mín lâng chiū chiàu ánne kiâⁿ, chiàu in ê lâng-gia̍h tùi thiàu-bú ê chabó͘ gín'á tiong-kan só͘ lia̍h ê lâi chhōa in chò bó͘, chiū tò tńg-khì in pún-tē, koh khí siâⁿ lâi tòa tī hia. | 註釋 串珠 康來昌 原文 典藏 |
| 21:24 | Hit sî, I-su-la-el lâng lī-khui hia, ta̍k lâng tò tńg-khì in ê chi-cho̍k, in ê chong-cho̍k; tùi hia chhut-.lâi ê ta̍k lâng lóng tńg-khì in pún-tē. | 註釋 串珠 康來昌 原文 典藏 |
| 21:25 | Hit tong-sî, I-su-la-el tiong bô ông, ta̍k lâng chiàu i só͘ khòaⁿ-chò tio̍h ê lâi kiâⁿ. | 註釋 串珠 康來昌 原文 典藏 |