章節 | 全民台語聖經全羅經文 | 註釋 |
6:1 | Gî-tióngI-su-la-el lâng koh kiâⁿ Siōng-chú só͘ khòaⁿ-chò pháiⁿ ê tāichì, Siōng-chú chiū kā in kau tī Mí-tiân ê chhiú tiong, keng-kòe chhit nî. | 註釋 串珠 康來昌 原文 典藏 |
6:2 | Mí-tiân ê chhiú ap-chè I-su-la-el lâng, i-su-la-el lâng ūi tio̍h Mí-tiân lâng ê iân-kò͘, chiū ūi kakī tī soaⁿ-.ni̍h khui hia̍t kah tōng, kah hiám-iàu ê só͘-chāi. | 註釋 串珠 康來昌 原文 典藏 |
6:3 | I-su-la-el lâng iā chéng liáu-āu, Mí-tiân lâng, A-má-le̍k lâng kah tang-hong ê lâng, lóng khí-lâi kā in kong-kek. | 註釋 串珠 康來昌 原文 典藏 |
6:4 | Chat-iâⁿ tī in ê tùi-bīn, phah-pháiⁿ hit só͘-chāi ê lông-sán-bu̍t, kàu Ga-jah, bô lâu chia̍h-mi̍h hō͘ I-su-la-el lâng, iûⁿ kah gû kah lî mā bô. | 註釋 串珠 康來昌 字典 原文 典藏 |
6:5 | In-ūi in tòa chengseⁿ kah pò͘-pêⁿ khí-.lâi, chhin-chhiūⁿ chháu-meh hiah chē lâi, lâng kah lo̍k-tô sǹg bē liáu, in ji̍p-lâi chit-ê só͘-chāi beh kā i phah-pháiⁿ. | 註釋 串珠 康來昌 字典 原文 典藏 |
6:6 | I-su-la-el lâng in-ūi Mí-tiân lâng ê iân-kò͘, khùn-khó͘ kàu-ke̍k, I-su-la-el lâng chiū kiû-kiò Siōng-chú. | 註釋 串珠 康來昌 原文 典藏 |
6:7 | I-su-la-el lâng in-ūi Mí-tiân lâng ê iân-kò͘ kiû-kiò Siōng-chú ê sî, | 註釋 串珠 康來昌 原文 典藏 |
6:8 | Siōng-chú chiū chhe sian-ti kàu I-su-la-el lâng hia, tùi in kóng, " Siōng-chú — I-su-la-el ê Siōng-tè ánne kóng, ' Góa bat chhōa lín tùi Ai-gi̍p chhut-.lâi, tùi chò lô͘-lē ê ke chhut-.lâi, | 註釋 串珠 康來昌 原文 典藏 |
6:9 | Góa mā kiù lín thoat-lī Ai-gi̍p lâng ê chhiú, mā thoat-lī it-chhè ap-chè lín ê lâng ê chhiú, tùi lín ê bīn-chêng kā in kóaⁿ chhut-.khì, kā in ê tē hō͘ lín. | 註釋 串珠 康來昌 原文 典藏 |
6:10 | Góa mā tùi lín kóng, Góa sī Siōng-chú — lín ê Siōng-tè, lín tòa A-mô͘-lī lâng ê tē, m̄-bián kiaⁿ in ê sîn-bêng. Chóng-.sī, lín m̄-thiaⁿ Góa ê ōe. '" | 註釋 串珠 康來昌 原文 典藏 |
6:11 | Siōng-chú ê sù-chiá kàu O͘-hu-lah, chē tī A-bi-e-chel cho̍k ê lâng Io-a-si ê siōng chhiū kha. Io-a-si ê kiáⁿ Gî-tióng tī chiú-khut hia teh phah-be̍h, bô ài hō͘ Mí-tiân lâng khòaⁿ-.tio̍h. | 註釋 串珠 康來昌 字典 原文 典藏 |
6:12 | Siōng-chú ê sù-chiá tùi Gî-tióng hián-hiān, tùi i kóng, " Tōa khùi-la̍t ê ióng-sū, Siōng-chú kah lí tông-chāi. " | 註釋 串珠 康來昌 原文 典藏 |
6:13 | Gî-tióng tùi i kóng, " Góa ê chú ah, nā Siōng-chú kah goán tông-chāi, goán án-chóaⁿ tú tio̍h che it-chhè ê tāichì? Goán ê chó͘-sian só͘ kā goán kóng Siōng-chú hiahê kî-sū tī tó-ūi? In kóng, ' I kám bô chhōa goán tùi Ai-gi̍p chhut-.lâi? ' Taⁿ Siōng-chú pàng-sak goán, kā goán kau tī Mí-tiân lâng ê chhiú tiong. " | 註釋 串珠 康來昌 原文 典藏 |
6:14 | Siōng-chú khòaⁿ Gî-tióng, kā i kóng, " Τio̍h ēng lí chit-ê la̍t khì, lâi kiù I-su-la-el chhut Mí-tiân lâng ê chhiú, Góa kám bô chhe lí khì? " | 註釋 串珠 康來昌 原文 典藏 |
6:15 | Gî-tióng kā I kóng, " Chú ah, góa beh ēng siáⁿ-mi̍h kiù I-su-la-el? Lí khòaⁿ, góa ê ke sī Má-ná-se tiong siōng sànchhiah ê, tī góa lāu-pē ê ke, góa sī siōng sè-hàn ê. " | 註釋 串珠 康來昌 原文 典藏 |
6:16 | Siōng-chú tùi i kóng, " Góa ē kah lí tông-chāi, lí ē phah Mí-tiân lâng, chhin-chhiūⁿ teh phah chi̍t-ê lâng. " | 註釋 串珠 康來昌 原文 典藏 |
6:17 | I ìn Siōng-chú kóng, " Góa nā tī Lí ê bīn-chêng tit tio̍h un-tián, kiû Lí hō͘ góa chi̍t-ê tiāu-thâu thang chai kah góa teh kóng ōe ê to̍h-sī Lí. | 註釋 串珠 康來昌 原文 典藏 |
6:18 | Chhiáⁿ Lí m̄ thang lī-khui chia, thèng-hāu góa koh lâi lí chia, tòa góa ê lé-mi̍h hē tī Lí ê bīn-chêng. " Siōng-chú kóng, " Góa ē thèng-hāu lí koh lâi. " | 註釋 串珠 康來昌 原文 典藏 |
6:19 | Gî-tióng khì chún-pī chi̍t chiah soaⁿ-iûⁿ-á, ēng chi̍t e-hoat ê mī-hún chò bô-kàⁿ piáⁿ, bah hē tī kheng-.ni̍h, thng té tī ô͘-.ni̍h, tòa kàu siōng chhiū kha, hiàn hō͘ Siōng-chú. | 註釋 串珠 康來昌 字典 原文 典藏 |
6:20 | Siōng-chú ê sù-chiá hoan-hù i kóng, " Bah kah bô-kàⁿ piáⁿ hē tī chit-ê chio̍h-pôaⁿ téng, thng tò chhut-.lâi. " Gî-tióng chiū chiàu ánne kiâⁿ. | 註釋 串珠 康來昌 字典 原文 典藏 |
6:21 | Siōng-chú ê sù-chiá chhun-chhut chhiú-.ni̍h só͘ gia̍h ê koái-á bóe, lâi tuh tio̍h bah kah bô-kàⁿ piáⁿ, chiū ū hóe tùi chio̍h-pôaⁿ chhut-.lâi, choân-pō͘ ê bah kah bô-kàⁿ piáⁿ sio khí-.lâi. Siōng-chú ê sù-chiá chiū lī-khui khì, bô koh-chài khòaⁿ-.tio̍h. | 註釋 串珠 康來昌 字典 原文 典藏 |
6:22 | Gî-tióng khòaⁿ-chhut i sī Siōng-chú ê sù-chiá, chiū kóng, " Hāiⁿ-ah! Chì-koân Siōng-chú ah, in-ūi góa tng-bīn khòaⁿ tio̍h Siōng-chú ê sù-chiá. " | 註釋 串珠 康來昌 原文 典藏 |
6:23 | Siōng-chú tùi i kóng, " An lí ê sim, m̄-bián kiaⁿ, lí bē tì-kàu sí. " | 註釋 串珠 康來昌 原文 典藏 |
6:24 | Gî-tióng chiū tī hia kā Siōng-chú khí chi̍t chō tôaⁿ, hō-miâ kiò-chò ' I-é-ho-bah-sia-lóm'. (Chit-ê tôaⁿ tī A-bi-e-chel cho̍k ê O͘-hu-lah, kàu kin-á-ji̍t iáu tī-.leh. ) | 註釋 串珠 康來昌 字典 原文 典藏 |
6:25 | Hit mê, Siōng-chú hoan-hù Gî-tióng kóng, " Lí khan lín lāu-pē ê gû-á lâi, to̍h-sī chhit nî ê tē-jī chiah gû, mā tio̍h thiah-húi lín lāu-pē só͘-ū Ba-al ê tôaⁿ, kā tôaⁿ piⁿ ê A-si-lah chhò tiāu, | 註釋 串珠 康來昌 字典 原文 典藏 |
6:26 | tī chit-ê soaⁿ-chē, chiàu ha̍p-gî ê hong-hoat, ūi Siōng-chú — lí ê Siōng-tè khí chi̍t chō tôaⁿ, ēng tē-jī chiah gû hiàn chò sio-chè, ēng lí só͘ beh chhò ê A-si-lah chò chhâ. " | 註釋 串珠 康來昌 字典 原文 典藏 |
6:27 | Gî-tióng chiū tùi i ê lô͘-po̍k tiong chhōa cha̍p-ê lâng, chiàu Siōng-chú hoan-hù i ê khì kiâⁿ. I in-ūi kiaⁿ lāu-pē ê ke kah siâⁿ lāi ê lâng, ji̍t-sî m̄-káⁿ chò chit-ê tāichì, chiū tī àm-sî khì chò. | 註釋 串珠 康來昌 原文 典藏 |
6:28 | Siâⁿ lāi ê lâng thàu-chá khí-.lâi, khòaⁿ tio̍h Ba-al ê tôaⁿ thiah-húi, tôaⁿ piⁿ ê A-si-lah chhò tiāu, tē-jī chiah gû hiàn tī só͘ khí ê tôaⁿ. | 註釋 串珠 康來昌 字典 原文 典藏 |
6:29 | In chò-hóe kóng, " Siáⁿ lâng chò chit-ê tāichì? " In cha-mn̄g liáu-āu, chiū kóng, " Che sī Io-a-si ê kiáⁿ Gî-tióng só͘ chò ê. " | 註釋 串珠 康來昌 原文 典藏 |
6:30 | Siâⁿ lāi ê lâng tùi Io-a-si kóng, " Lia̍h lí ê kiáⁿ chhut-.lâi, thang hō͘ i sí, in-ūi i thiah-húi Ba-al ê tôaⁿ, chhò tôaⁿ piⁿ ê A-si-lah. " | 註釋 串珠 康來昌 字典 原文 典藏 |
6:31 | Io-a-si kā só͘-ū khiā-teh kong-kek i ê lâng kóng, " Lín beh ūi Ba-al cheng-piān? Lín beh kiù i? Nā ū lâng ūi i cheng-piān, thàn-chá-khí tio̍h hō͘ i sí! Ba-al Nā-sī sîn-bêng, chiah hō͘ i ūi kakī cheng-piān, in-ūi lâng thiah-húi i ê tôaⁿ. " | 註釋 串珠 康來昌 字典 原文 典藏 |
6:32 | Tùi hit ji̍t khí, kiò i ê miâ Ia-lu-ba-al, sī kóng, " Ba-al tio̍h kah i cheng-piān, in-ūi i húi-hoāi i ê tôaⁿ. " | 註釋 串珠 康來昌 字典 原文 典藏 |
6:33 | Hit sî, Mí-tiân lâng, A-má-le̍k lâng kah tang-hong ê jîn-bîn, lóng chū-chi̍p kòe hô, tī E-chu-le-el ê soaⁿ-kok chat iâⁿ. | 註釋 串珠 康來昌 原文 典藏 |
6:34 | Siōng-chú ê Sèng Sîn lîm-kàu Gî-tióng, i chiū pûn sàu-kak; A-bi-e-chel cho̍k lóng chū-chi̍p lâi kin-tòe i. | 註釋 串珠 康來昌 字典 原文 典藏 |
6:35 | I chhe lâng piàn kiâⁿ Má-ná-se, Má-ná-se lâng mā chū-chi̍p lâi tòe i. I koh chhe lâng khì kìⁿ A-sel lâng, Che-bú-lông lâng kah Ná-hu-tha-lím lâng, in mā lóng khí-lâi kah in liân-ha̍p. | 註釋 串珠 康來昌 原文 典藏 |
6:36 | Gî-tióng tùi Siōng-chú kóng, " Lí nā chiàu Lí só͘ kóng ê, beh ēng góa ê chhiú lâi kiù I-su-la-el, | 註釋 串珠 康來昌 原文 典藏 |
6:37 | góa chiū ēng kui niá ê iûⁿ-mn̂g hē tī tiūⁿ-tiâⁿ, nā kantaⁿ iûⁿ-mn̂g ū lō͘-chúi, thô͘-kha lóng ta-ta, góa chiū chai Lí ē chiàu Lí só͘ kóng ê, ēng góa ê chhiú kiù I-su-la-el. " | 註釋 串珠 康來昌 字典 原文 典藏 |
6:38 | Chiū kó-jiân ánne, keh tńg kang, Gî-tióng chá-chá khí-.lâi, chūn iûⁿ-mn̂g, tùi iûⁿ-mn̂g ká chhut lō͘-chúi chi̍t óaⁿ móa-móa. | 註釋 串珠 康來昌 字典 原文 典藏 |
6:39 | Gî-tióng koh tùi Siōng-chú kóng, " Kiû Lí m̄ thang tùi góa siū-khì, góa koh kóng chi̍t pái niā-niā, kiû Lí chún góa koh chi̍t pái ēng iûⁿ-mn̂g chhì-khòaⁿ māi, taⁿ to̍k-to̍k hō͘ iûⁿ-mn̂g ta-ta, thô͘-kha lóng ū lō͘-chúi. " | 註釋 串珠 康來昌 原文 典藏 |
6:40 | Chit mê Siōng-chú mā ánne kiâⁿ, to̍k-to̍k iûⁿ-mn̂g ta-ta, thô͘-kha lóng ū lō͘-chúi. | 註釋 串珠 康來昌 原文 典藏 |