章節 | 全民台語聖經全羅經文 | 註釋 |
2:1 | Siōng-chú ê Thiⁿ-sài tī Bo-kimSiōng-chú ê sù-chiá tùi Gil-gal lâi-kàu Bo-kim, kóng, " Góa hō͘ lín tùi Ai-gi̍p chhut-.lâi, chhōa lín lâi-kàu Góa tùi lín chó͘-sian chiùchōa ê tē. Góa mā bat kóng, ' Kah lín só͘ li̍p ê iok, Góa éng-oán bē ûi-pōe. | 註釋 串珠 康來昌 原文 典藏 |
2:2 | Lín mā m̄ thang kah tòa tī chit só͘-chāi ê jîn-bîn li̍p-iok, tio̍h thiah-húi in ê tôaⁿ. Lín kèng-jiân m̄-thiaⁿ Góa ê ōe, sī án-chóaⁿ beh ánne kiâⁿ? ' | 註釋 串珠 康來昌 字典 原文 典藏 |
2:3 | In-ūi ánne Góa koh kóng, ' Góa bô beh tùi lín ê bīn-chêng kā in kóaⁿ chhut-.khì, in beh chò lín hia̍p-ē ê chhì, in ê sîn-bêng beh chò hāi lín ê lô-bāng. '" | 註釋 串珠 康來昌 字典 原文 典藏 |
2:4 | Siōng-chú ê sù-chiá tùi I-su-la-el jîn-bîn kóng chiahê ōe ê sî, jîn-bîn chiū khui siaⁿ thî-khàu; | 註釋 串珠 康來昌 原文 典藏 |
2:5 | chiū hō hit só͘-chāi ê miâ kiò-chò Bo-kim. In tī hia hiàn chè hō͘ Siōng-chú. | 註釋 串珠 康來昌 原文 典藏 |
2:6 | Io-siú-ah ê Sí-bôngIo-siú-ah chhe I-su-la-el lâng khì ê sî, in ta̍k lâng kui in ê sán-gia̍p, lâi tit tio̍h in ê tē. | 註釋 串珠 康來昌 原文 典藏 |
2:7 | Io-siú-ah tī-.leh ê ji̍t kah Io-siú-ah sí liáu-āu hiahê khòaⁿ tio̍h Siōng-chú ūi I-su-la-el lâng só͘ kiâⁿ tōa sū ê tiúⁿ-ló iáu tī-.leh ê sî, jîn-bîn ho̍k-sāi Siōng-chú. | C註釋 註釋 串珠 康來昌 原文 典藏 |
2:8 | Siōng-tè ê lô͘-po̍k, Nùn ê kiáⁿ Io-siú-ah, chi̍t-pah cha̍p hòe chiū sí. | 註釋 串珠 康來昌 原文 典藏 |
2:9 | In chiū kā i bâi-chòng tī i ê sán-gia̍p ê kài lāi, to̍h-sī tī E-hu-laim soaⁿ-tē ê Têng-ná-hi-lia̍t, tī Ga-sih soaⁿ ê pak pêng. | 註釋 串珠 康來昌 原文 典藏 |
2:10 | Hit tāi ê lâng lóng sí-bông liáu-āu, koh chi̍t tāi ê lâng heng-khí, m̄-chai Siōng-chú, mā m̄-chai I ūi I-su-la-el lâng só͘ kiâⁿ ê tāichì. | 註釋 串珠 康來昌 原文 典藏 |
2:11 | I-su-la-el Khì-sak Siōng-chúI-su-la-el lâng kiâⁿ Siōng-chú khòaⁿ-chò pháiⁿ ê tāichì, khì ho̍k-sāi Ba-al, | 註釋 串珠 康來昌 原文 典藏 |
2:12 | khì-sak in chó͘-sian ê Siōng-tè — Siōng-chú, to̍h-sī chhōa in chhut Ai-gi̍p tē ê, khì tòe pa̍t-ê sîn-bêng, to̍h-sī sì-kho͘-ûi hiahê jîn-bîn ê sîn-bêng, kā in kūi-pài, lâi jiá Siōng-chú ê tōa siū-khì. | 註釋 串珠 康來昌 原文 典藏 |
2:13 | In mā khì-sak Siōng-chú, khì ho̍k-sāi Ba-al kah A-si-tha-lot. | 註釋 串珠 康來昌 原文 典藏 |
2:14 | Siōng-chú siū-khì I-su-la-el ê lâng, kā in kau tī chhiúⁿ-lia̍h in ê lâng ê chhiú, in chiū kā in chhiúⁿ, I koh kā in bē hō͘ sì-kho͘-ûi tùi-te̍k ê chhiú, tì-sú in tī tùi-te̍k ê thâu-chêng bô koh khiā ē tiâu. | 註釋 串珠 康來昌 原文 典藏 |
2:15 | In bô-lūn khì tó-ūi, Siōng-chú chiū chhun chhiú kàng chai-hō hō͘ in, chiàu Siōng-chú só͘ kóng ê ōe, koh chiàu Siōng-chú tùi in só͘ chiùchōa ê, in chiū hui-siông khùn-khó͘. | 註釋 串珠 康來昌 原文 典藏 |
2:16 | Siōng-chú chiū heng-khí sū-su, in chiū kiù jîn-bîn thoat-lī chhiúⁿ-lia̍h in ê lâng ê chhiú. | 註釋 串珠 康來昌 原文 典藏 |
2:17 | Chóng-.sī, in bô chun-thàn in ê sū-su, kèng-jiân kiâⁿ siâ-îm, tòe pa̍t-ê sîn-bêng lâi kā in kūi-pài, in ê chó͘-sian chun-thàn Siōng-chú ê bēng-lēng só͘ kiâⁿ ê lō͘, in chin kín to̍h kiâⁿ oai-chhoa̍h, bô chiàu ánne kiâⁿ. | 註釋 串珠 康來昌 字典 原文 典藏 |
2:18 | Siōng-chú kā in heng-khí sū-su ê sî, Siōng-chú chiū kah sū-su tông-chāi, mā tī sū-su oa̍h-.leh ê só͘-ū ê ji̍t-chí, kiù in thoat-lī tùi-te̍k ê chhiú. In in-ūi siū ap-chè khó͘-to̍k chiū thó͘-khùi, só͘-í, Siōng-chú chiū liân-bín in. | 註釋 串珠 康來昌 原文 典藏 |
2:19 | Kàu sū-su sí liáu-āu, in chiū oa̍t tńg-sin khì kiâⁿ, pí in ê chó͘-sian koh khah pháiⁿ, tòe pa̍t-ê sîn-bêng lâi kā in ho̍k-sāi, kā in kūi-pài, lóng bô kái-piàn in ê só͘ kiâⁿ kah in kò͘-chi̍p ê lō͘. | C註釋 註釋 串珠 康來昌 字典 原文 典藏 |
2:20 | Siōng-chú chiū siū-khì I-su-la-el lâng, kóng, " In-ūi chiahê jîn-bîn ûi-pōe Góa ê iok, to̍h-sī Góa só͘ bēng-lēng in ê chó͘-sian ê, mā bô chun-thàn Góa ê ōe, | 註釋 串珠 康來昌 原文 典藏 |
2:21 | só͘-í, Io-siú-ah sí ê sî só͘ chhun lo̍h-.lâi ê ta̍k cho̍k, í-āu Góa bô beh koh tī in ê bīn-chêng kóaⁿ-chhut chi̍t cho̍k, | 註釋 串珠 康來昌 原文 典藏 |
2:22 | thang ēng chiahê lâi chhì-giām I-su-la-el lâng, khòaⁿ in khéng chip-siú Siōng-chú ê tō-lō͘ lâi chiàu ánne kiâⁿ, chhin-chhiūⁿ in ê chó͘-sian bat chip-siú, á-bô. " | 註釋 串珠 康來昌 字典 原文 典藏 |
2:23 | Só͘-í, Siōng-chú lâu chiahê cho̍k, bô chin kín kā in kóaⁿ chhut-.khì, mā bô kā in kau tī Io-siú-ah ê chhiú. | 註釋 串珠 康來昌 原文 典藏 |