章節 | 全民台語聖經全羅經文 | 註釋 |
20:1 | Tô-siám ê SiâⁿSiōng-chú hoan-hù Io-siú-ah kóng, | 註釋 串珠 原文 典藏 |
20:2 | " Lí hoan-hù I-su-la-el lâng, kóng, ' Lín tio̍h chiàu Góa thok Mô͘-se só͘ kā lín kóng ê, ūi kakī siat-li̍p tô-siám ê siâⁿ, | 註釋 串珠 原文 典藏 |
20:3 | hō͘ hit-ê bô-ì-tiong chhò-gō͘ thâi lâng ê, thang cháu kàu hia, hiahê siâⁿ thang chò lín siám-phiah pò-siû lâng-miā ê lâng ê só͘-chāi. | 註釋 串珠 原文 典藏 |
20:4 | I ē cháu kàu chiahê siâⁿ ê chi̍t-ê, khiā tī siâⁿ mn̂g-kháu, kā i ê tāichì kóng hō͘ hit-ê siâⁿ ê tiúⁿ-ló thiaⁿ. In chiū ē siu i ji̍p siâⁿ, hō͘ i chi̍t-ê só͘-chāi, hō͘ i tòa tī in tiong-kan. | 註釋 串珠 字典 原文 典藏 |
20:5 | Pò-siû lâng-miā ê nā jiok i, in m̄ thang kā thâi lâng ê kau tī i ê chhiú, in-ūi i chhò-gō͘ thâi-sí i ê chhù-piⁿ, pêng-sî pēng bô oàn-hūn i. | 註釋 串珠 原文 典藏 |
20:6 | I beh tòa tī hit-ê siâⁿ, thèng-hāu khiā tī hōe-chiòng ê bīn-chêng siū sím-phòaⁿ, thèng-hāu hit sî ê tōa-chè-si í-keng sí, thâi lâng ê chiah thang tńg-khì kàu pún-siâⁿ, pún-ke, to̍h-sī i só͘ tùi hia cháu chhut-lâi hit-ê siâⁿ. '" | 註釋 串珠 原文 典藏 |
20:7 | In chiū tiāⁿ tio̍h siat tī Ná-hu-tha-lím soaⁿ-tē, tī Ga-lí-la-iah ê Ke-té-sih kah tī E-hu-laim soaⁿ-tē ê Sī-khiàm, í-ki̍p tī Iô-tah soaⁿ-tē ê Ki-lia̍t-a-ba, to̍h-sī He-bú-lông. | 註釋 串珠 原文 典藏 |
20:8 | Koh tī Iol-tàn hô hit pêng, kīn I-é-lī-kho siâⁿ tang pêng, siat-li̍p sio̍k Lū-biān chi-cho̍k, tī khòng-iá, tī pêng-goân ê Be-chel kah sio̍k Ga̍t chi-cho̍k Gi-lia̍t ê La̍h-mot, í-ki̍p sio̍k Má-ná-se chi-cho̍k, Ba-siáng ê Ko-lân. | 註釋 串珠 原文 典藏 |
20:9 | Chiahê sī ūi tio̍h I-su-la-el jîn-bîn kah kià-kha tī tiong-kan só͘ siat ê siâⁿ, hō͘ chhò-gō͘ thâi lâng ê lóng thang cháu kàu hia, bô sí tī pò-siû lâng-miā ê lâng ê chhiú, thèng-hāu i khiā tī hōe-chiòng ê bīn-chêng. | 註釋 串珠 原文 典藏 |