章節 | 全民台語聖經全羅經文 | 註釋 |
18:1 | Kî-tha Thó͘-tē ê Hun-phòeI-su-la-el lâng ê choân hōe-chiòng lóng chū-chi̍p tī Sī-lô, tah hōe-bō͘ tī hia, in-ūi in í-keng cheng-ho̍k hi̍t tē-hng. | 註釋 串珠 字典 原文 典藏 |
18:2 | I-su-la-el lâng tiong, iáu ū chhit chi-cho̍k bē tàng tit tio̍h in ê sán-gia̍p. | 註釋 串珠 原文 典藏 |
18:3 | Io-siú-ah tùi I-su-la-el lâng kóng, " Siōng-chú — lín chó͘-sian ê Siōng-tè só͘ siúⁿ-sù hō͘ lín ê tē, lín iân-chhiân m̄-khì chhú, beh kàu tang-sî? | 註釋 串珠 原文 典藏 |
18:4 | Lín ta̍k chi-cho̍k tio̍h kéng saⁿ-ê lâng, góa beh chhe in khì, in chiū chhut-hoat piàn kiâⁿ hit-ê tē, chiàu in ê hūn-gia̍h ōe-tô͘, chiū tńg-lâi góa chia. | 註釋 串珠 原文 典藏 |
18:5 | In tio̍h kā tē hun-chò chhit hūn, Iô-tah iû-goân tī lâm-hong, tòa tī i ê kéng lāi; Iô-sé-huh ke iû-goân tī pak-hong, tòa tī i ê kéng lāi. | 註釋 串珠 原文 典藏 |
18:6 | Lín tio̍h kā tē hun-chò chhit hūn, ōe-tô͘ the̍h-lâi góa chia. Góa chiū ē tī Siōng-chú — lán ê Siōng-tè ê bīn-chêng kā lín liam-khau. | 註釋 串珠 字典 原文 典藏 |
18:7 | To̍k-to̍k Lē-bī lâng tī lín tiong-kan bô hūn, in-ūi Siōng-chú chè-si ê chit to̍h-sī in ê sán-gia̍p. Ga̍t, Lū-biān kah Má-ná-se pòaⁿ chi-cho̍k, í-keng tī Iol-tàn hô hit pêng tang pêng tit tio̍h tē chò sán-gia̍p, to̍h-sī Siōng-tè ê lô͘-po̍k Mô͘-se só͘ hō͘ in ê. " | 註釋 串珠 原文 典藏 |
18:8 | Hiahê lâng chhut-hoat khì, Io-siú-ah bēng-lēng hiahê khì beh ōe tē-tô͘ ê lâng, kóng, " Lín khì piàn kiâⁿ hit-ê tē, ōe-tô͘ tò tńg-lâi góa chia. Góa beh tī Sī-lô chia, Siōng-chú ê bīn-chêng, kā lín liam-khau. " | 註釋 串珠 字典 原文 典藏 |
18:9 | In chiū khì, piàn kiâⁿ hit-ê tē, chiàu in ê siâⁿ ōe chò chhit hūn, kì tī chheh-.ni̍h, tò-tńg kàu Sī-lô ê iâⁿ tiong, kìⁿ Io-siú-ah. | 註釋 串珠 字典 原文 典藏 |
18:10 | Io-siú-ah chiū tī Sī-lô Siōng-chú ê bīn-chêng, kā in liam-khau. Io-siú-ah tī hia pun tē hō͘ I-su-la-el lâng, chiàu in ê chong-cho̍k. | 註釋 串珠 字典 原文 典藏 |
18:11 | Biān-iá-mín Chi-cho̍k Pun tio̍h ê Thó͘-tēKā Biān-iá-mín ê chi-cho̍k liam-khau, chiàu in ê chong-cho̍k só͘ tit tio̍h ê tē, hit-ê kài sī tī Iô-tah ê kiáⁿ-sun, Iô-sé-huh ê kiáⁿ-sun ê tiong-kan. | 註釋 串珠 字典 原文 典藏 |
18:12 | In pak pêng ê kài, sī tùi Iol-tàn hô khí; i ê kài it-ti̍t khì-kàu I-é-lī-kho siâⁿ piⁿ-á ê pak pêng, koh-chài khì, pôaⁿ-kòe soaⁿ, ǹg sai pêng khì, ti̍t-ti̍t kàu Bia̍t-a-biân ê khòng-iá. | 註釋 串珠 原文 典藏 |
18:13 | Hitê kài tùi hia khì-kàu Lù-chuh, kàu Lù-chuh lâm pêng ê piⁿ-á ( Lù-chuh to̍h-sī Be-thel ), i ê kài koh lo̍h-khì kàu A-tha-lio̍k-a-ta̍t, óa-kīn ē-bīn ê Bia̍t-ho-lông lâm pêng ê soaⁿ; | 註釋 串珠 原文 典藏 |
18:14 | i ê kài tùi sai pêng oat lo̍h lâm, tùi Pak-hô-lûn thâu-chêng lâm pêng ê soaⁿ, it-ti̍t kàu Iô-tah lâng ê siâⁿ Ki-lia̍t-pa-le̍k( Chiū-sī Ki-lia̍t-iâ-lîm ), che sī in sai pêng ê kài. | 註釋 串珠 原文 典藏 |
18:15 | Lâm-pêng sī tùi Ki-lia̍t-iâ-lîm ê ke̍k-thâu khí, i ê kài tùi sai pêng khai-sí, it-ti̍t kàu Nî-hut-to-a ê chúi-chôaⁿ; | 註釋 串珠 原文 典藏 |
18:16 | i ê kài koh lo̍h-khì kàu Biān-hin-nóm soaⁿ-kok tùi-bīn ê soaⁿ piⁿ, to̍h-sī Le-hoa-im soaⁿ-kok pak pêng ê soaⁿ, koh lo̍h-khì kàu Hin-nóm soaⁿ-kok, kàu I-é-bú-suh ê lâm pêng, koh lo̍h-khì kàu Ian-lo-gel; | 註釋 串珠 原文 典藏 |
18:17 | koh tùi pak pêng chhut-.khì, kàu Ún-sī-le̍k, chhut-khì kàu A-to͘-bêng soaⁿ-phiâⁿ tùi-bīn ê Ki-lī-lio̍k, koh lo̍h-khì kàu Lū-biān ê kiáⁿ Pho-hán ê chio̍h-pôaⁿ. | 註釋 串珠 原文 典藏 |
18:18 | Koh khì A-la̍h-bah tùi-bīn pak pêng ê piⁿ-á, lo̍h-khì kàu A-la̍h-bah; | 註釋 串珠 原文 典藏 |
18:19 | i ê kài kàu Pek-hat-la̍h pak pêng ê piⁿ-á, chit-ê kài ti̍t-ti̍t kàu Iâm-hái pak pêng ê hái-oan, to̍h-sī Iol-tàn hô lâm pêng ê hô kháu, che sī i lâm pêng ê kài. | 註釋 串珠 原文 典藏 |
18:20 | Tang pêng ê kài kàu Iol-tàn hô. Che sī Biān-iá-mín lâng ê sán-gia̍p, chiàu in ê chong-cho̍k, in sì-kho͘-ûi ê kau-kài. | 註釋 串珠 原文 典藏 |
18:21 | Biān-iá-mín ê chi-cho̍k chiàu in ê chong-cho̍k só͘ tit tio̍h ê siâⁿ, to̍h-sī I-é-lī-kho siâⁿ, Pek-hat-la̍h, I-be̍k-ki-sek, | 註釋 串珠 原文 典藏 |
18:22 | Bia̍t-a-la̍h-bah, Che-má-láim, Be-thel, | 註釋 串珠 原文 典藏 |
18:23 | Am-móng, Ba-la̍h, O͘-hu-lah, | 註釋 串珠 字典 原文 典藏 |
18:24 | Ke-phal-am-mô͘-nî, Gô-hut-nî, Ge-bah, kiōng cha̍p-jī chō siâⁿ kah i ê chng-thâu. | 註釋 串珠 原文 典藏 |
18:25 | Koh ū Gi-bóng, La̍h-má, Pí-lo̍k, | 註釋 串珠 原文 典藏 |
18:26 | Mi-su-peh, Ke-hui-la̍h, Mo-chah, | 註釋 串珠 原文 典藏 |
18:27 | Lī-kian, Tha-lī-pì-le̍k, Tha-la̍h-la̍h, | 註釋 串珠 原文 典藏 |
18:28 | Ché-la̍h, Í-lī-hut, I-é-bú-suh ( Chiū-sī Ê-lú-sa-lèm ), Gi-be-at, Gi-lia̍t, kiōng cha̍p-sì chō siâⁿ kah i ê chng-thâu. Che sī Biān-iá-mín lâng só͘ tit tio̍h ê sán-gia̍p, chiàu in ê chong-cho̍k. | 註釋 串珠 原文 典藏 |