章節 | 全民台語聖經全羅經文 | 註釋 |
14:1 | Iol-tàn Hô Sai-pêng Thó͘-tē ê Hun-phòeI-su-la-el lâng tī Ka-nân tē só͘ tit tio̍h ê sán-gia̍p, to̍h-sī chè-si Ê-lī-a-chal kah Nùn ê kiáⁿ Io-siú-ah kah I-su-la-el ta̍k chi-cho̍k ê cho̍k-tiúⁿ, só͘ pun hō͘ in ê, lóng kì tī ē-té: | 註釋 串珠 原文 典藏 |
14:2 | Sī chiàu Siōng-chú thok Mô͘-se só͘ bēng-lēng ê, liam-khau pun hō͘ káu chi-cho̍k koh pòaⁿ chi-cho̍k. | 註釋 串珠 字典 原文 典藏 |
14:3 | In-ūi Mô͘-se tī Iol-tàn hô hit pêng, í-keng pun gia̍p hō͘ nn̄g-ê chi-cho̍k koh pòaⁿ chi-cho̍k, to̍k-to̍k tī in tiong-kan bô pun gia̍p hō͘ Lē-bī lâng. | 註釋 串珠 原文 典藏 |
14:4 | In-ūi Iô-sé-huh ê kiáⁿ-sun sī nn̄g chi-cho̍k, to̍h-sī Má-ná-se kah E-hu-laim, chóng-.sī, bô kā tē pun hō͘ Lē-bī lâng chò sán-gia̍p, chí ū hō͘ in siâⁿ thang tòa kah siâⁿ ê kau-iá thang chò chengseⁿ kah châi-bu̍t ê lō͘-ēng. | 註釋 串珠 字典 原文 典藏 |
14:5 | I-su-la-el lâng chiàu Siōng-chú só͘ bēng-lēng Mô͘-se ê khì kiâⁿ, lâi pun hit-ê tē. | 註釋 串珠 原文 典藏 |
14:6 | Ka-le̍p Pun tio̍h He-bú-lôngHit sî, Iô-tah lâng tī Gil-gal kìⁿ Io-siú-ah, ū Ki-nî-sé cho̍k E-hun-neh ê kiáⁿ Ka-le̍p, kā i kóng, " Chá tī Ka-té-si Bal-né-ah, Siōng-chú tùi I ê lô͘-po̍k Mô͘-se só͘ kóng, koan-hē lí góa ê tāichì, lí lóng chai. | 註釋 串珠 原文 典藏 |
14:7 | Siōng-tè ê lô͘-po̍k Mô͘-se tùi Ka-té-si Bal-né-ah chhe góa lâi thau-khòaⁿ chit-ê tē, hit sî góa tú-á sì-cha̍p hòe, góa chīn góa ê sim kā i hôe-hok. | 註釋 串珠 原文 典藏 |
14:8 | Chóng-.sī kah góa chiūⁿ-khì hiahê hiaⁿ-tī hō͘ jîn-bîn ê sim sit-chì; to̍k-to̍k góa choan-sim tòe Siōng-chú — góa ê Siōng-tè. | 註釋 串珠 原文 典藏 |
14:9 | Hit ji̍t, Mô͘-se chiùchōa kóng, ' Lí ê kha só͘ ta̍h ê tē, tiāⁿ tio̍h ē kui lí kah lí ê kiáⁿ-sun, éng-oán chò sán-gia̍p, in-ūi lí choan-sim kin-tòe Siōng-chú — góa ê Siōng-tè.' | 註釋 串珠 原文 典藏 |
14:10 | " Lí khòaⁿ, Siōng-chú chiàu I só͘ kóng ê, hō͘ góa oa̍h-.leh í-keng sì-cha̍p-gō͘ nî, to̍h-sī tùi I-su-la-el lâng kiâⁿ tī khòng-iá, Siōng-chú kā Mô͘-se kóng chiahê ōe ê sî. Lí khòaⁿ, taⁿ góa peh cha̍p-gō͘ hòe à, | 註釋 串珠 原文 典藏 |
14:11 | góa iáu koh ióng-kiāⁿ, kah Mô͘-se chhe góa khì hit ji̍t sio-siâng, bô-lūn sī cheng-chiàn, á-.sī chhut-ji̍p, góa ê khùi-la̍t hit sî án-chóaⁿ, chitmá góa ê khùi-la̍t mā sī iû-goân ánne. | 註釋 串珠 原文 典藏 |
14:12 | Kiû lí kā Siōng-chú hit ji̍t só͘ kóng ê soaⁿ-tē hō͘ góa, in-ūi hit ji̍t lí mā ū thiaⁿ-.tio̍h, tī hia ū A-lap cho̍k ê lâng, i ê siâⁿ khoah-tōa koh kian-kò͘. Nā Siōng-chú kah góa tông-chāi, góa chiū ē kā in kóaⁿ chhut-.khì, chiàu Siōng-chú só͘ kóng ê. " | 註釋 串珠 原文 典藏 |
14:13 | Io-siú-ah chiū kā i chiok-hok, ēng He-bú-lông hō͘ E-hun-neh ê kiáⁿ Ka-le̍p chò sán-gia̍p. | 註釋 串珠 原文 典藏 |
14:14 | Só͘-í, He-bú-lông chiâⁿ-chò Ki-nî-sé cho̍k E-hun-neh ê kiáⁿ Ka-le̍p ê sán-gia̍p, it-ti̍t kàu kin-á-ji̍t, in-ūi i choan-sim kin-tòe Siōng-chú — I-su-la-el ê Siōng-tè. | 註釋 串珠 原文 典藏 |
14:15 | ( He-bú-lông í-chêng kiò-chò Ki-lia̍t-a-ba, chit-ê Al-bah sī A-lap cho̍k tiong tē-it tōa ê lâng. ) Chiū ánne, kok lāi thài-pêng, bô koh ū kau-chiàn. | 註釋 串珠 原文 典藏 |