章節 | 全民台語聖經全羅經文 | 註釋 |
13:1 | Iáu-bōe Chiàm-niá ê Thó͘-tēIo-siú-ah nî lāu, ū hòe à, Siōng-chú tùi i kóng, " Lí nî lāu, ū hòe à, eng-kai cheng-ho̍k ê tē, iáu ū chin chē, | 註釋 串珠 原文 典藏 |
13:2 | só͘ chhun lo̍h-.lâi ê tē, to̍h-sī Hui-lī-sū lâng ê choân kéng kah Ge-siul lâng ê choân tē. | 註釋 串珠 原文 典藏 |
13:3 | Τùi Ai-gi̍p thâu-chêng ê Si-ho͘l, ǹg pak kàu Ek-lóng ê tē-kài, che chiū sǹg-chò Ka-nân lâng ê tē. Hui-lī-sū lâng gō͘-ê siú-léng, to̍h-sī Ga-jah lâng, A-si-to͘t lâng, A-si-ke-lông lâng, Ga̍t lâng, Ek-lóng lâng, koh ū lâm-hong A-ōe lâng. | 註釋 串珠 原文 典藏 |
13:4 | Ka-nân lâng ê choân tē, Si-tòng lâng ê Bí-a-la̍h, kàu A-hek, it-ti̍t kàu A-mô͘-lī lâng ê kau-kài. | 註釋 串珠 原文 典藏 |
13:5 | Koh ū Ge-bal lâng ê tē kah ǹg ji̍t chhut choân-pō͘ ê Le-ba-nòng, tùi Hel-móng soaⁿ-kha ê Pa-lek-ka-tek, kàu Ha-mat ê lō͘-kháu. | 註釋 串珠 原文 典藏 |
13:6 | Τòa soaⁿ-tē só͘-ū ê jîn-bîn, tùi Le-ba-nòng kàu Bí-su-lī-hut-má-im, Si-tòng ê kûn-chiòng, góa beh tī I-su-la-el lâng ê bīn-chêng kā in kóaⁿ chhut-.khì. Lí thang chiàu góa só͘ bēng-lēng lí ê, pun hiahê tē hō͘ I-su-la-el lâng chò sán-gia̍p. | 註釋 串珠 原文 典藏 |
13:7 | Taⁿ lí tio̍h kā chit-ê tē pun hō͘ káu chi-cho̍k kah Má-ná-se pòaⁿ chi-cho̍k chò sán-gia̍p. " | 註釋 串珠 原文 典藏 |
13:8 | Iol-tàn Hô Tang pêng Thó͘-tē ê Hun-phòeLū-biān kah Ga̍t nn̄g chi-cho̍k, í-ki̍p Má-ná-se iáu pòaⁿ chi-cho̍k, chò-hóe tit tio̍h Mô͘-se só͘ siúⁿ-sù ê sán-gia̍p, tī Iol-tàn hô tang pêng hit pêng, to̍h-sī chiàu Siōng-tè ê lô͘-po̍k Mô͘-se só͘ hō͘ in ê; | 註釋 串珠 原文 典藏 |
13:9 | sī tùi Al-nông soaⁿ-kok piⁿ ê A-ló-el kah soaⁿ-kok tiong ê siâⁿ, í-ki̍p Me-tí-ba ê choân pêng-goân, it-ti̍t kàu Ti-bóng, | 註釋 串珠 原文 典藏 |
13:10 | kah tiàm tī He-si-bóng chò ông, A-mô͘-lī lâng ê ông Si-hông chiahê siâⁿ, kàu Am-móng lâng ê kau-kài; | 註釋 串珠 原文 典藏 |
13:11 | koh ū Gi-lia̍t tē, Ge-siul lâng kah Má-kah lâng ê tē-kài, í-ki̍p choân-pō͘ ê Hel-móng soaⁿ, choân-pō͘ ê Ba-siáng, kàu Sal-kah; | 註釋 串珠 原文 典藏 |
13:12 | koh ū Ba-siáng ông O͘-k ê choân kok, i tī A-su-tha-lo͘t kah E-tu-lé chò ông ( I sī Le-hoa-im cho̍k só͘ chhun lo̍h-.lâi ê). In-ūi chiahê lóng sī Mô͘-se só͘ phah ê, só͘ kóaⁿ chhut-.khì ê. | 註釋 串珠 原文 典藏 |
13:13 | Chóng-.sī, I-su-la-el lâng bô kóaⁿ Ge-siul lâng kah Má-kah lâng; kàu kin-á-ji̍t Ge-siul kah Má-kah iû-goân tiàm tī I-su-la-el lâng ê tiong-kan. | 註釋 串珠 原文 典藏 |
13:14 | To̍k-to̍k bô pun gia̍p hō͘ Lē-bī ê chi-cho̍k. Siōng-chú — I-su-la-el ê Siōng-tè ēng sio-chè ê chè-mi̍h chò in ê sán-gia̍p, chiàu Siōng-chú só͘ tùi i kóng ê. | 註釋 串珠 原文 典藏 |
13:15 | Lū-biān Chi-cho̍k Pun tio̍h ê Thó͘-tēMô͘-se pun hō͘ Lū-biān chi-cho̍k ê, chiàu in ê chong-cho̍k. | 註釋 串珠 原文 典藏 |
13:16 | In ê kéng-kài sī Al-nông soaⁿ-kok piⁿ ê A-ló-el kah soaⁿ-kok tiong ê siâⁿ, óa-kīn Me-tí-ba ê choân-pō͘ pêng-goân; | 註釋 串珠 原文 典藏 |
13:17 | He-si-bóng kah i pêng-goân hiahê siâⁿ, to̍h-sī Ti-bóng, Pa-boa̍t-pa-le̍k, Pek-pa-le̍k-bián, | 註釋 串珠 原文 典藏 |
13:18 | Ia-hat, Ke-ti-mo͘t, Me-hoa-at, | 註釋 串珠 原文 典藏 |
13:19 | Ki-lia̍t-tháim, Si-bú-mah kah soaⁿ-kok tiong ê soaⁿ Sè-lia̍t-hap-sa-hat, | 註釋 串珠 原文 典藏 |
13:20 | Pek-pì-jíⁿ, Pi-su-gah ê soaⁿ-phiâⁿ, Pek-iâ-se-boa̍t; | 註釋 串珠 原文 典藏 |
13:21 | koh ū pêng-goân hiahê siâⁿ, tī He-si-bóng chò ông ê A-mô͘-lī lâng ê ông Si-hông ê choân kok. Mô͘-se phah i kah Mí-tiân hiahê siú-léng, to̍h-sī Í-bī, Le-kém, Chu-ul, Hu-ul, Lī-pa; chiahê lóng sī tiàm tī hit só͘-chāi chò siú-léng, sio̍k tī Si-hông ê. | 註釋 串珠 原文 典藏 |
13:22 | I-su-la-el lâng thâi hiahê lâng ê sî, mā ēng to thâi Boh-ol ê kiáⁿ — su̍t-sū Pa-lân. | 註釋 串珠 字典 原文 典藏 |
13:23 | Lū-biān lâng ê kéng-kài, i ê sán-gia̍p tī Iol-tàn hô kah hô piⁿ ê tē. Che sī Lū-biān lâng ê sán-gia̍p, chiàu in ê chong-cho̍k, chiahê siâⁿ, chiahê chng-thâu. | 註釋 串珠 原文 典藏 |
13:24 | Ga̍t Chi-cho̍k Pun tio̍h ê Thó͘-tēMô͘-se pun hō͘ Ga̍t lâng, chiàu Ga̍t chi-cho̍k ê chong-cho̍k. | 註釋 串珠 原文 典藏 |
13:25 | In ê kéng-kài sī Ia-chel kah Gi-lia̍t só͘-ū ê siâⁿ kah Am-móng lâng chi̍t-pòaⁿ ê tē, kàu Lap-bah thâu-chêng ê A-ló-el; | 註釋 串珠 原文 典藏 |
13:26 | Tùi He-si-bóng kàu La-mat Mit-peh kah Be-to-niúm, koh tùi Ma-há-niam, kàu Te-bil ê kéng-kài, | 註釋 串珠 原文 典藏 |
13:27 | kah soaⁿ-kok tiong ê Pek-a-lân, Pek-lêng-la̍h, Su-kot kah Sat-hun, to̍h-sī He-si-bóng ông Si-hông kok lāi só͘ chhun lo̍h-.lâi ê tē, í-ki̍p Iol-tàn hô kah hô piⁿ ê tē, it-ti̍t kàu Kin-né-lo̍t hái ê ke̍k-thâu, tī Iol-tàn hô hit pêng ê tang pêng. | 註釋 串珠 原文 典藏 |
13:28 | Che sī Ga̍t lâng chiàu i ê chong-cho̍k só͘ tit tio̍h chò sán-gia̍p chiahê siâⁿ kah chng-thâu. | 註釋 串珠 原文 典藏 |
13:29 | Má-ná-se Pòaⁿ Chi-cho̍k Pun tio̍h ê Thó͘-tēMô͘-se pun hō͘ Má-ná-se pòaⁿ chi-cho̍k ê, sī chiàu Má-ná-se lâng pòaⁿ chi-cho̍k ê chong-cho̍k. | 註釋 串珠 原文 典藏 |
13:30 | In ê kéng-kài sī tùi Ma-há-niam khí, pau-hâm Ba-siáng choân tē, to̍h-sī Ba-siáng ông O͘-k ê choân kok kah tī Ba-siáng Ia-il só͘-ū ê siâⁿ, chóng-kiōng la̍k-cha̍p-ê siâⁿ. | 註釋 串珠 原文 典藏 |
13:31 | Gi-lia̍t ê chi̍t-pòaⁿ kah A-si-tha-lot, E-tu-lé, sī sio̍k Ba-siáng ông O͘-k ê kok ê siâⁿ, sī hō͘ Má-ná-se ê kiáⁿ Ma-kil, to̍h-sī Ma-kil ê kiáⁿ-sun ê chi̍t-pòaⁿ, chiàu i ê chong-cho̍k. | 註釋 串珠 原文 典藏 |
13:32 | Téng-bīn sī Mô͘-se tī Iol-tàn hô hit pêng tang pêng, I-é-lī-kho siâⁿ tùi-bīn Mô͘-ap ê pêng-goân, só͘ pun ê sán-gia̍p. | 註釋 串珠 原文 典藏 |
13:33 | To̍k-to̍k Lē-bī chi-cho̍k, Mô͘-se bô pun gia̍p hō͘ in. Siōng-chú — I-su-la-el ê Siōng-tè sī chò in ê sán-gia̍p, chiàu I só͘ kā in kóng ê. | 註釋 串珠 原文 典藏 |