章節 | 全民台語聖經全羅經文 | 註釋 |
28:1 | Chun-siú Kài-bēng Ē Bông-hok( LBK 26: 3-13; SBK 7: 12-24)" Lí nā tì-ì thiaⁿ Siōng-chú — lí ê Siōng-tè ê ōe, siú I it-chhè ê kài-bēng lâi chiàu ánne kiâⁿ, to̍h-sī góa kin-á-ji̍t só͘ bēng-lēng lí ê, Siōng-chú — lí ê Siōng-tè ē hō͘ lí pôaⁿ-kòe thian-hā bān-kok. | 註釋 串珠 盧俊義 康來昌 原文 典藏 |
28:2 | Lí nā thiaⁿ Siōng-chú — lí ê Siōng-tè ê ōe, chiahê só͘ chiok-hok ê chiū ē jiok lí, ē kàu tī lí: | 註釋 串珠 盧俊義 康來昌 原文 典藏 |
28:3 | " Lí tī siâⁿ lāi ē tit tio̍h hok-khì, tī chhân-.ni̍h ē tit tio̍h hok-khì. | 註釋 串珠 盧俊義 康來昌 原文 典藏 |
28:4 | " Lí ê seng-khu só͘ seⁿ ê, lí ê thó͘-tē só͘ chhut ê, lí ê chengseⁿ só͘ chhut ê, í-ki̍p gû ê gû-á kiáⁿ, iûⁿ ê iûⁿ-á-kiáⁿ, lóng ē tit tio̍h hok-khì. | 註釋 串珠 盧俊義 康來昌 字典 原文 典藏 |
28:5 | " Lí ê kheng-á kah lí chhiau mī ê khì-kū, lóng ē tit tio̍h hok-khì. | 註釋 串珠 盧俊義 康來昌 字典 原文 典藏 |
28:6 | " Lí ji̍p-.lāi ē tit tio̍h hok-khì, chhut-.khì mā ē tit tio̍h hok-khì. | 註釋 串珠 盧俊義 康來昌 原文 典藏 |
28:7 | " Lí ê tùi-te̍k khí-lâi kong-kek lí ê, Siōng-chú ē hō͘ in thâi-su tī lí ê bīn-chêng; in tùi chi̍t tiâu lō͘ chhut-lâi kong-kek lí, ē tī lí ê bīn-chêng tùi chhit tiâu lō͘ lâi tô-cháu. | 註釋 串珠 盧俊義 康來昌 字典 原文 典藏 |
28:8 | " Siōng-chú ē bēng-lēng hok-khì hō͘ lí, tī lí ê chhek-chhng kah lí ê chhiú só͘ chò it-chhè ê tāichì, mā ē kā lí sù-hok tī Siōng-chú — lí ê Siōng-tè só͘ siúⁿ-sù hō͘ lí ê tē. | 註釋 串珠 盧俊義 康來昌 字典 原文 典藏 |
28:9 | " Lí nā chun-siú Siōng-chú — lí ê Siōng-tè ê kài-bēng, kiâⁿ I ê tō-lō͘, Siōng-chú ē siat-li̍p lí chò I kakī sèng ê chú-bîn, chiàu I só͘ tùi lí chiùchōa ê. | 註釋 串珠 盧俊義 康來昌 字典 原文 典藏 |
28:10 | " Thian-hā bān-bîn khòaⁿ tio̍h lí sio̍k tī Siōng-chú ê miâ-ē, chiū ē kiaⁿ-ùi lí. | 註釋 串珠 盧俊義 康來昌 原文 典藏 |
28:11 | Lí tī Siōng-chú tùi lí ê chó͘-sian chiùchōa siúⁿ-sù hō͘ lí ê tē, Siōng-chú ē hō͘ lí ê seng-khu só͘ seⁿ ê, chengseⁿ só͘ chhut ê, thó͘-tē só͘ chhut ê, chhiong-chiok kah ū chhun. | 註釋 串珠 盧俊義 康來昌 原文 典藏 |
28:12 | Siōng-chú ē kā lí khui I thiⁿ-téng pó-pòe ê khò͘-pâng, lo̍h ki̍p-sî ê hō͘ tī lí ê tē, tī lí ê chhiú só͘ chò it-chhè ê tāichì kā lí sù-hok. Lí ē chioh hō͘ chin chē kok, lí mā m̄-bián chioh. | 註釋 串珠 盧俊義 康來昌 字典 原文 典藏 |
28:13 | Lí nā chun-thàn Siōng-chú — lí ê Siōng-tè ê kài-bēng, to̍h-sī góa kin-á-ji̍t só͘ bēng-lēng lí ê, chip-siú lâi chiàu ánne kiâⁿ, | 註釋 串珠 盧俊義 康來昌 原文 典藏 |
28:14 | bô phian chó-.bô phian iū, lâi oai-chhoa̍h góa kin-á-ji̍t só͘ bēng-lēng lí chiahê ōe, khì chun-thàn pa̍t-ê sîn-bêng lâi kā i ho̍k-sāi, Siōng-chú chiū ē hō͘ lí chò thâu, bô chò bóe, lí ē tiàm tī téng-bīn, bô tiàm tī ē-bīn. " | 註釋 串珠 盧俊義 康來昌 原文 典藏 |
28:15 | Ûi-pōe Kài-bēng ê Hiō-kó( LBK 26: 14-46)" Lí nā bô chun-thàn Siōng-chú — lí ê Siōng-tè ê ōe, bô chip-siú lâi kiâⁿ I it-chhè ê kài-bēng, lu̍t-lē, to̍h-sī góa kin-á-ji̍t só͘ bēng-lēng lí ê, chiahê chiù-chó͘ chiū ē jiok tio̍h lí, ē kàu tī lí. | 註釋 串珠 盧俊義 康來昌 原文 典藏 |
28:16 | " Tī siâⁿ lāi lí ē siū chiù-chó͘, tī chhân-.ni̍h lí mā ē siū chiù-chó͘. | 註釋 串珠 盧俊義 康來昌 原文 典藏 |
28:17 | " Lí ê kheng-á kah lí chhiau mī ê khì-kū, lóng ē siū chiù-chó͘. | 註釋 串珠 盧俊義 康來昌 字典 原文 典藏 |
28:18 | " Lí ê seng-khu só͘ seⁿ ê, lí ê tē só͘ chhut ê, í-ki̍p gû ê gû-á kiáⁿ, iûⁿ ê iûⁿ-á-kiáⁿ, lóng ē siū chiù-chó͘. | 註釋 串珠 盧俊義 康來昌 字典 原文 典藏 |
28:19 | " Lí ji̍p-.lāi ē siū chiù-chó͘, chhut-.khì mā ē siū chiù-chó͘. | 註釋 串珠 盧俊義 康來昌 原文 典藏 |
28:20 | " In-ūi lí só͘ kiâⁿ ê pháiⁿ lâi khì-sak góa, Siōng-chú ē tī lí ê chhiú só͘ chò it-chhè ê tāichì, hō͘ chiù-chó͘, jiáu-loān, chek-hoa̍t kàu tī lí, it-ti̍t kàu lí siū húi-bia̍t, kín-kín bia̍t-bông. | 註釋 串珠 盧俊義 康來昌 原文 典藏 |
28:21 | Siōng-chú ē hō͘ un-e̍k kā lí tîⁿ tiâu-.leh, kàu I tī lí só͘ ji̍p-khì sêng-chiap ê tē kā lí bia̍t-bông. | 註釋 串珠 盧俊義 康來昌 原文 典藏 |
28:22 | Siōng-chú ē ēng siau-sán, jia̍t-pēⁿ, hoat-iām, to̍k-jia̍t, to-kiàm, ko͘-tâ, hiú-nōa lâi kā lí kong-kek, chiahê lóng ē kā lí jiok, it-ti̍t kàu lí bia̍t-bông. | 註釋 串珠 盧俊義 康來昌 字典 原文 典藏 |
28:23 | Lí thâu-khak téng ê thiⁿ ē piàn-chò tâng, kha chêng ê tē ē piàn-chò thih. | 註釋 串珠 盧俊義 康來昌 原文 典藏 |
28:24 | Siōng-chú ē hō͘ lí tē-chiūⁿ ê hō͘ piàn-chò thô͘-hún, piàn-chò soa, i ē tùi thiⁿ lo̍h tī lí, it-ti̍t kàu lí bia̍t-bông. | 註釋 串珠 盧俊義 康來昌 原文 典藏 |
28:25 | " Siōng-chú ē hō͘ lí tī tùi-te̍k ê bīn-chêng thâi-su, lí tùi chi̍t tiâu lō͘ chhut-khì kā in tí-te̍k, ē tī in ê bīn-chêng tùi chhit tiâu lō͘ lâi tô-cháu. Lí ē tī thian-hā bān-kok tiong sì-kè liû-lōng. | 註釋 串珠 盧俊義 康來昌 字典 原文 典藏 |
28:26 | Lí ê sin-si ē hō͘ khong-tiong ê poe-chiáu kah tē-chiūⁿ ê cháu-siù chò chia̍h-mi̍h, mā bô lâng kā i kóaⁿ-cháu. | 註釋 串珠 盧俊義 康來昌 字典 原文 典藏 |
28:27 | Siōng-chú ē ēng Ai-gi̍p ê liàp-á, tī-chhng, sián, kè, bē i-tit ê, lâi phah lí. | 註釋 串珠 盧俊義 康來昌 原文 典藏 |
28:28 | Siōng-chú ē ēng tian-kông, chheⁿmê kah sim ê kiaⁿ-hiâⁿ phah lí. | 註釋 串珠 盧俊義 康來昌 原文 典藏 |
28:29 | Lí ē tī ji̍t-tiong-tàu sì-kè bong, chhin-chhiūⁿ chheⁿmê-.ê khòaⁿ bô teh loān bong; lí ê lō͘ bē heng-thong, tiāⁿtiāⁿ tú tio̍h chè-ap kah chhiúⁿ-toa̍t, bô lâng kā lí chín-kiù. | 註釋 串珠 盧俊義 康來昌 字典 原文 典藏 |
28:30 | " Lí beh phèng-tiāⁿ bó͘, pa̍t lâng kah i tâng-pâng; lí beh khí chhù, bô thang khiā tī hit lāi-bīn; lí beh chai-chèng phû-tô hn̂g, mā bē tàng chia̍h i ê kóe-chí. | 註釋 串珠 盧俊義 康來昌 字典 原文 典藏 |
28:31 | Lí ê gû tī lí ê ba̍k-chiu chêng hông thâi, lí bô thang chia̍h-.tio̍h; lí ê lî tī lí ê ba̍k-chiu chêng hông chhiúⁿ-toa̍t, m̄ hêng lí; lí ê iûⁿ ē kui lí ê tùi-te̍k, bô lâng thè lí kā i kiù. | 註釋 串珠 盧俊義 康來昌 字典 原文 典藏 |
28:32 | Lí ê kiáⁿ-jî ē kau tī pa̍t kok ê jîn-bîn, lí ê ba̍k-chiu beh khòaⁿ, kui ji̍t liâu-bāng i, it-ti̍t kàu sit-bêng, lí ê chhiú mā bô la̍t thang chò siáⁿ-mi̍h. | 註釋 串珠 盧俊義 康來昌 原文 典藏 |
28:33 | Lí ê lông-sán-bu̍t kah lí lô-khó͘ só͘ tit tio̍h ê, ē hō͘ lí só͘ m̄ bat ê jîn-bîn chia̍h liáu-liáu, lí kantaⁿ hông khi-hū, hông ap-chè, | 註釋 串珠 盧俊義 康來昌 原文 典藏 |
28:34 | lí ē ūi tio̍h lí ê ba̍k-chiu só͘ khòaⁿ-.tio̍h ê tāichì tì-sú tian-kông. | 註釋 串珠 盧俊義 康來昌 原文 典藏 |
28:35 | Siōng-chú ē ēng bē i-tit ê to̍k liàp-á phah lí, tī lí ê kha-thâu-u kah kha-thúi, tùi lí ê kha-chiúⁿ kàu thâu-khak téng. | 註釋 串珠 盧俊義 康來昌 原文 典藏 |
28:36 | " Siōng-chú ē chhian-sóa lí kah lí só͘ siat-li̍p lâi kā lí koán-hat ê ông, lâi-kàu lí kah lí ê chó͘-sian só͘ m̄ bat ê kok, tī hia lí ē ho̍k-sāi pa̍t-ê sîn-bêng, sī chhâ-ê kah chio̍h ê. | 註釋 串珠 盧俊義 康來昌 原文 典藏 |
28:37 | Lí tī Siōng-chú só͘ beh chhōa lí kàu ê lia̍t kok tiong, ē hō͘ lâng tio̍h-kiaⁿ kah gāng-.khì, hō͘ lâng chò ōe-pèⁿ, hông khau-sé. | 註釋 串珠 盧俊義 康來昌 原文 典藏 |
28:38 | " Lí ē tòa chin chē chéng-chí kàu chhân-.ni̍h, m̄ koh, só͘ siu ê sī chin chió, in-ūi chháu-meh ē chia̍h hiahê lông-chok-bu̍t. | 註釋 串珠 盧俊義 康來昌 字典 原文 典藏 |
28:39 | Lí ē chai-chèng phû-tô hn̂g lâi kā i siu-chéng, chóng-.sī, bô thang lim chiú, bô thang bán kóe-chí, in-ūi thâng ē kā in chia̍h tiāu. | 註釋 串珠 盧俊義 康來昌 字典 原文 典藏 |
28:40 | Thong kéng lāi lí ē ū kaⁿ-ná chhiū, chóng-.sī, bô i ê iû thang boah lí ê seng-khu, in-ūi lí ê kaⁿ-ná chhiū bē tiâu lia̍p. | 註釋 串珠 盧俊義 康來昌 字典 原文 典藏 |
28:41 | Lí ē seⁿ kiáⁿ-jî, bô thang chò lí ê, in-ūi in ē hō͘ lâng lia̍h-.khì. | 註釋 串珠 盧俊義 康來昌 原文 典藏 |
28:42 | Lí ê chhiū-ba̍k kah lí ê lông-sán-bu̍t, chháu-meh ē kā choân-pō͘ chia̍h liáu-liáu. | 註釋 串珠 盧俊義 康來昌 字典 原文 典藏 |
28:43 | " Lí tiong-kan ê chhut-gōa lâng ē ná seng ná koân, lí ē ná kàng ná kē. | 註釋 串珠 盧俊義 康來昌 原文 典藏 |
28:44 | I ē chioh lí, lí mā bô thang chioh i; i ē chò thâu, lí ē chò bóe. | 註釋 串珠 盧俊義 康來昌 原文 典藏 |
28:45 | " Chiahê chiù-chó͘ ē lóng kàu tī lí ê sin chiūⁿ, beh jiok lí, ē jiok tio̍h lí, it-ti̍t kàu lí bia̍t-bông, in-ūi lí bô chun-thàn Siōng-chú — lí ê Siōng-tè ê ōe, bô siú I só͘ bēng-lēng lí hiahê kài-bēng kah lu̍t-lē. | 註釋 串珠 盧俊義 康來昌 原文 典藏 |
28:46 | Chiahê chiù-chó͘ ē lîm-kàu tī lí kah lí ê kiáⁿ-sun, chiâⁿ-chò sîn-jiah kî-sū, ti̍t-kàu éng-oán. | 註釋 串珠 盧俊義 康來昌 原文 典藏 |
28:47 | " In-ūi lí bô ūi tio̍h lí ê hó-gia̍h, ēng hoaⁿ-hí ê sim kah khoài-lo̍k ê ì-sù, lâi ho̍k-sāi Siōng-chú — lí ê Siōng-tè. | 註釋 串珠 盧俊義 康來昌 原文 典藏 |
28:48 | Só͘-í, lí ē tú tio̍h iau-gō, chhùi-ta, thǹgpaktheh, bô pòaⁿ-hāng mi̍h, ho̍k-sāi Siōng-chú só͘ chhe lâi kong-kek lí ê tùi-te̍k. I ē ēng thih-taⁿ khòa tī lí ê ām-kún, it-ti̍t kàu kā lí bia̍t-bông. | 註釋 串珠 盧俊義 康來昌 字典 原文 典藏 |
28:49 | " Siōng-chú ē tùi hn̄g-hn̄g, tùi tē-ke̍k, chhōa chi̍t-ê kok chhin-chhiūⁿ eng poe-lâi kong-kek lí. Hitê kok ê ōe, lí bē hiáu thiaⁿ. | 註釋 串珠 盧俊義 康來昌 字典 原文 典藏 |
28:50 | Hitê kok ê lâng bīn hiông kài-kài, bô thé-thiap lāu lâng, mā bô liân-bín gín'á. | 註釋 串珠 盧俊義 康來昌 原文 典藏 |
28:51 | In ē chia̍h lí ê chengseⁿ só͘ seⁿ ê kah lí ê lông-sán-bu̍t, it-ti̍t kàu lí bia̍t-bông. Lí ê ngó͘-kok, chiú, iû, í-ki̍p gû ê gû-á kiáⁿ, iûⁿ ê iûⁿ-á-kiáⁿ, lóng bô kā lí lâu-.leh, it-ti̍t kàu in kā lí bia̍t-bông. | 註釋 串珠 盧俊義 康來昌 字典 原文 典藏 |
28:52 | I ē kā lí ûi-khùn tī lí ta̍k-ê siâⁿ mn̂g lāi, it-ti̍t kàu lí só͘ óa-khò koân koh kian-kò͘ ê siâⁿ chhiûⁿ lóng tī lí ê choân tē tó-hoāi. I ē tī lí ta̍k-ê siâⁿ mn̂g lāi kā lí ûi-khùn, tī Siōng-chú — lí ê Siōng-tè só͘ siúⁿ-sù hō͘ lí ê choân tē. | 註釋 串珠 盧俊義 康來昌 字典 原文 典藏 |
28:53 | " Lí ê tùi-te̍k kā lí ûi-khùn, lí tī pek-hāi khùn-khó͘ ê tiong-kan, i ē chia̍h lí ê seng-khu só͘ seⁿ ê, to̍h-sī Siōng-chú — lí ê Siōng-tè só͘ siúⁿ-sù hō͘ lí ê kiáⁿ-jî ê bah. | 註釋 串珠 盧俊義 康來昌 原文 典藏 |
28:54 | Lín tiong-kan iù-siù put-chí sè-jī ê lâng, ba̍k-chiu ē gîn i ê hiaⁿ-tī kah i sim-hoâi tiong ê bó͘, í-ki̍p kî-tha só͘ chhun lo̍h-.lâi ê kiáⁿ-jî. | 註釋 串珠 盧俊義 康來昌 原文 典藏 |
28:55 | Tì-sú i bô beh ēng i só͘ chia̍h kiáⁿ-jî ê bah, pun chi̍t-tiám-á hō͘ in tiong-kan ê chi̍t-ê lâng, in-ūi lí tī ta̍k-ê siâⁿ mn̂g lāi, siū tùi-te̍k ûi-khùn tōa-tōa pek-hāi lí ê sî, i bô chhun kah pòaⁿ-hāng. | 註釋 串珠 盧俊義 康來昌 字典 原文 典藏 |
28:56 | Lín tiong-kan iù-siù sè-jī ê chabó͘ lâng, in-ūi i ê iù-siù sè-jī, pêng-sî m̄-káⁿ ēng kha-chiúⁿ ta̍h tē ê, ē gîn i sim-hoâi tiong ê tiōng-hu kah i ê kiáⁿ, i ê chabó͘ kiáⁿ, | 註釋 串珠 盧俊義 康來昌 原文 典藏 |
28:57 | í-ki̍p i seng-khu só͘ chhut ê thai-ui kah i só͘ seⁿ hiahê kiáⁿ, in-ūi tī lí siū ûi, hō͘ tùi-te̍k tī lí chiahê siâⁿ mn̂g lāi pek-hāi lí khùn-khó͘ ê sî, i in-ūi pah hāng-mi̍h khiàm-khoeh, só͘-í, ē thau-chia̍h. | 註釋 串珠 盧俊義 康來昌 字典 原文 典藏 |
28:58 | " Lí nā bô chip-siú lâi kiâⁿ chit pún chheh só͘ kì lu̍t-hoat it-chhè ê ōe, bô kèng-ùi ū êng-kng thang kiaⁿ-ùi ê miâ, to̍h-sī Siōng-chú — lí ê Siōng-tè, | 註釋 串珠 盧俊義 康來昌 字典 原文 典藏 |
28:59 | Siōng-chú chiū ē ēng kî-koài ê chai-hō, to̍h-sī ke̍k tōa ke̍k-kú ê chai-hō kah ke̍k tāng ke̍k-kú ê pēⁿ, lîm-kàu tī lí kah lí ê kiáⁿ-sun. | 註釋 串珠 盧俊義 康來昌 原文 典藏 |
28:60 | Mā ē hō͘ lí só͘ kiaⁿ Ai-gi̍p hiahê pēⁿ-chèng lóng lîm-kàu tī lí, mā ē tîⁿ lí ê seng-khu. | 註釋 串珠 盧俊義 康來昌 原文 典藏 |
28:61 | Liân hiahê bô kì tī chit pún lu̍t-hoat ê chheh ê chai-hō, pēⁿ-chèng, Siōng-chú mā ē hō͘ i lóng lîm-kàu tī lí, it-ti̍t kàu lí bia̍t-bông. | 註釋 串珠 盧俊義 康來昌 字典 原文 典藏 |
28:62 | Lín í-chêng sûi-jiân chhin-chhiūⁿ thiⁿ-téng ê chheⁿ hiah chē, chóng-.sī, in-ūi lí bô chun-thàn Siōng-chú — lí ê Siōng-tè ê ōe, só͘-í, lí só͘ chhun lo̍h-.lâi ê sò͘-gia̍h chiū ē piàn chió. | 註釋 串珠 盧俊義 康來昌 原文 典藏 |
28:63 | Í-chêng Siōng-chú lia̍h sù-hok hō͘ lín heng-ōng chò hoaⁿ-hí, āu-lâi Siōng-chú mā ē lia̍h húi-bia̍t lín kā lín bia̍t-bông chò hoaⁿ-hí; lín mā ē tùi lín só͘ ji̍p-khì sêng-chiap ê tē hông poe̍h khí-.lâi. | 註釋 串珠 盧俊義 康來昌 原文 典藏 |
28:64 | " Siōng-chú ē hō͘ lín tī bān-bîn tiong sì-sòaⁿ, tùi tē chit-ê ke̍k-thâu kàu tē hit-ê ke̍k-thâu, lí ē tī hia ho̍k-sāi pa̍t-ê sîn-bêng, sī lí kah lí ê chó͘-sian só͘ m̄ bat ê, chhâ-ê, chio̍h ê. | 註釋 串珠 盧俊義 康來昌 原文 典藏 |
28:65 | Tī hiahê kok lāi, lí bē tàng an-jiân, lí ê kha mā bē tàng hioh-khùn; Siōng-chú mā ē hō͘ lí tī hia sim-koaⁿ pho̍k-pho̍k-chhéng, ba̍k-chiu sit-bêng, cheng-sîn soe-pāi. | 註釋 串珠 盧俊義 康來昌 原文 典藏 |
28:66 | Lí ê sèⁿ-miā tī lí ê bīn-chêng bô tiāⁿ bô tio̍h, lí mê-ji̍t kiaⁿ-hiâⁿ, lí ê sèⁿ-miā bô ún-tàng. | 註釋 串珠 盧俊義 康來昌 原文 典藏 |
28:67 | Lí in-ūi sim-lāi só͘ kiaⁿ-hiâⁿ ê, ba̍k-chiu só͘ khòaⁿ-.tio̍h ê, chá-khí sî ē kóng, ' Khó͘ bē tàng chit sî thiⁿ àm! ' Àm-sî ē kóng, ' Khó͘ bē tàng chit sî thiⁿ-kng! ' | 註釋 串珠 盧俊義 康來昌 原文 典藏 |
28:68 | Siōng-chú ē hō͘ lí chē chûn tńg-khì Ai-gi̍p, tùi hit tiâu lō͘, to̍h-sī góa bat tùi lí kóng lí bē koh khòaⁿ-.tio̍h ê; tī hia lí beh bē kakī pún-sin hō͘ tùi-te̍k chò lô͘-po̍k, lú-pī, chóng-.sī, bô lâng bé. " | 註釋 串珠 盧俊義 康來昌 字典 原文 典藏 |