章節 | 全民台語聖經全羅經文 | 註釋 |
20:1 | Kah Tùi-te̍k Kau-chiàn ê Kui-tēng" Lí chhut-khì kah tùi-te̍k kau-chiàn ê sî, khòaⁿ tio̍h bé, chhia, í-ki̍p jîn-bîn pí lí khah chē ê, m̄-bián kiaⁿ in, in-ūi chhōa lí chhut Ai-gi̍p tē ê Siōng-chú — lí ê Siōng-tè kah lí tông-chāi. | 註釋 串珠 盧俊義 康來昌 字典 原文 典藏 |
20:2 | Lín teh beh lîm-tīn kau-chiàn ê sî, chè-si tio̍h kàu jîn-bîn ê bīn-chêng soan-pò͘, | 註釋 串珠 盧俊義 康來昌 原文 典藏 |
20:3 | tùi in kóng, ' I-su-la-el lâng, lín tio̍h thiaⁿ, lín kin-á-ji̍t beh kah jîn-bîn ê tùi-te̍k kau-chiàn, m̄ thang sit táⁿ, m̄-bián kiaⁿ kah phi̍h-phi̍h chhoah, mā m̄ thang in-ūi in lâi lún neh; | 註釋 串珠 盧俊義 康來昌 原文 典藏 |
20:4 | in-ūi Siōng-chú — lín ê Siōng-tè to̍h-sī kah lín chò-hóe khì ê, ē thè lín kah tùi-te̍k kau-chiàn, lâi chín-kiù lín. | 註釋 串珠 盧俊義 康來昌 原文 典藏 |
20:5 | Hiahê koaⁿ-tiúⁿ mā tio̍h tùi jîn-bîn soan-pò͘, kóng, ' Siáⁿ lâng khí sin-chhù iáu-bōe kiâⁿ lo̍k-sêng ê lé? I tio̍h tńg-khì in tau, khióng-kiaⁿ i ē tīn-bông soah hō͘ pa̍t lâng kiâⁿ lo̍k-sêng ê lé. | 註釋 串珠 盧俊義 康來昌 原文 典藏 |
20:6 | Siáⁿ lâng chèng phû-tô hn̂g iáu-bōe ū chia̍h tio̍h i ê kóe-chí? I mā thang tńg-khì in tau, khióng-kiaⁿ i ē tīn-bông soah hō͘ pa̍t lâng bán khì chia̍h. | 註釋 串珠 盧俊義 康來昌 字典 原文 典藏 |
20:7 | Siáⁿ lâng phèng-tiāⁿ bó͘ iáu-bōe chhōa i? I mā thang tńg-khì in tau, khióng-kiaⁿ i ē tīn-bông soah hō͘ pa̍t lâng chhōa i. | 註釋 串珠 盧俊義 康來昌 原文 典藏 |
20:8 | " Hiahê koaⁿ-tiúⁿ koh tio̍h tùi jîn-bîn soan-pò͘, kóng, ' Siáⁿ lâng kiaⁿ-hiâⁿ sit táⁿ? I thang tńg-khì in tau, khióng-kiaⁿ i ê hiaⁿ-tī ê sim ē siau-iûⁿ kah i ê sim sio-siâng. | 註釋 串珠 盧俊義 康來昌 原文 典藏 |
20:9 | Hiahê koaⁿ-tiúⁿ tùi jîn-bîn soan-pò͘ liáu-āu, tio̍h siat-li̍p hiahê kun-tiúⁿ chò thâu lâi chhōa jîn-bîn. | 註釋 串珠 盧俊義 康來昌 原文 典藏 |
20:10 | " Lí óa-kīn chi̍t-ê siâⁿ beh phah ê sî, tio̍h tāi-seng tùi in soan-pò͘ hô-pêng ê ōe. | 註釋 串珠 盧俊義 康來昌 原文 典藏 |
20:11 | In nā ēng hô-pêng ê ōe kā lí tap-hok, kā lí khui siâⁿ mn̂g, hit tiong-kan só͘-ū ê jîn-bîn lóng ē chò lí ê chhe-ēng, lâi ho̍k-sāi lí. | 註釋 串珠 盧俊義 康來昌 原文 典藏 |
20:12 | In nā m̄-khéng kah lí hô-hó, tian-tò beh kah lín kau-chiàn, lín chiū tio̍h ûi-khùn hit-ê siâⁿ. | 註釋 串珠 盧俊義 康來昌 原文 典藏 |
20:13 | Siōng-chú — lí ê Siōng-tè kā i kau-hù lí, lí chiū tio̍h ēng to kā i hiahê chapo͘ teng choân-pō͘ thâi-sí. | 註釋 串珠 盧俊義 康來昌 字典 原文 典藏 |
20:14 | To̍k-to̍k chabó͘ lâng, gín'á, chengseⁿ kah siâⁿ lāi it-chhè só͘ chhiúⁿ ê mi̍h, lí thang chhiúⁿ-lâi chò kakī ê lō͘-ēng. Lí só͘ chhiúⁿ lí ê tùi-te̍k ê mi̍h, to̍h-sī Siōng-chú — lí ê Siōng-tè só͘ siúⁿ-sù hō͘ lí ê, lí thang chia̍h-ēng. | 註釋 串珠 盧俊義 康來昌 原文 典藏 |
20:15 | Lī-khui lí hn̄g-hn̄g hiahê siâⁿ, m̄-sī chiahê lia̍t kok ê siâⁿ, lí tio̍h ánne kā i khoán-thāi. | 註釋 串珠 盧俊義 康來昌 原文 典藏 |
20:16 | " To̍k-to̍k sio̍k chiahê jîn-bîn ê siâⁿ, Siōng-chú — lí ê Siōng-tè í-keng siúⁿ-sù hō͘ lí chò sán-gia̍p, kî-tiong kiàn-nā ū chhoán-khùi ê, lí m̄ thang hō͘ i oa̍h-.leh; | 註釋 串珠 盧俊義 康來昌 原文 典藏 |
20:17 | Tio̍h chiàu Siōng-chú — lí ê Siōng-tè só͘ bēng-lēng lí ê, kā Hiat lâng, A-mô͘-lī lâng, Ka-nân lâng, Pe-lí-ji lâng, Hi-bī lâng, I-é-bú-suh lâng, choân-pō͘ bia̍t-tiāu, | 註釋 串珠 盧俊義 康來昌 原文 典藏 |
20:18 | bián-tit in kà-sī lín o̍h it-chhè khó-ò͘ⁿ ê tāichì, to̍h-sī in tùi in ê sîn-bêng só͘ kiâⁿ ê, tì-sú lín tek-chōe Siōng-chú — lín ê Siōng-tè. | 註釋 串珠 盧俊義 康來昌 原文 典藏 |
20:19 | " Lí nā chin kú ûi-khùn chi̍t-ê siâⁿ, kong-kek beh cheng-ho̍k i, chiū m̄ thang ēng pó͘-thâu phah-pháiⁿ chhiū-bo̍k, in-ūi lí thang chia̍h i ê kóe-chí, só͘-í, m̄ thang kā i chhò tiāu, chhân-iá ê chhiū-ba̍k kám sī lâng, hō͘ lí ûi-khùn? | 註釋 串珠 盧俊義 康來昌 字典 原文 典藏 |
20:20 | Chóng-.sī, lí só͘ bat m̄-sī thang chò chia̍h-mi̍h ê chhiū, thang chhò lâi kā i húi-hoāi, ēng i lâi chò kong siâⁿ ê khì-kū, kong-kek hit-ê kah lí kau-chiàn ê siâⁿ, kàu kong-phòa ûi-chí. " | 註釋 串珠 盧俊義 康來昌 字典 原文 典藏 |