章節 | 全民台語聖經全羅經文 | 註釋 |
24:1 | Pa-lân khòaⁿ tio̍h Siōng-chú hoaⁿ-hí sù-hok hō͘ I-su-la-el, chiū bô chhin-chhiūⁿ éng-pái khì chhōe hoat-su̍t, sī bīn ǹg khòng-iá. | 註釋 串珠 康來昌 原文 典藏 |
24:2 | Pa-lân gia̍h thâu, khòaⁿ tio̍h I-su-la-el lâng chiàu chi-cho̍k tòa, Siōng-tè ê lêng chiū lîm-kàu i. | 註釋 串珠 康來昌 原文 典藏 |
24:3 | I chiū thê-khí i ê koa, kóng, Boh-ol ê kiáⁿ Pa-lân kóng, ba̍k-chiu ha̍p-.leh ê lâng kóng, | 註釋 串珠 康來昌 原文 典藏 |
24:4 | thiaⁿ-kìⁿ Siōng-tè ê ōe, khòaⁿ-kìⁿ Choân-lêng-.ê ê ī-siōng, ba̍k-chiu thí-khui tó-.leh ê lâng kóng: | 註釋 串珠 康來昌 原文 典藏 |
24:5 | Iâ-kop ah, lí ê pò͘-pêⁿ ná ē hiah súi! I-su-la-el ah, lí ê tiùⁿ-pâng ná ē hiah hó khòaⁿ! | 註釋 串珠 康來昌 字典 原文 典藏 |
24:6 | Chhin-chhiūⁿ sio-liân-sòa ê soaⁿ-kok, chhin-chhiūⁿ hô piⁿ ê hn̂g, chhin-chhiūⁿ Siōng-chú só͘ chai ê tîm-hiuⁿ chhiū, chhin-chhiūⁿ chúi piⁿ ê pek-hiuⁿ chhiū. | 註釋 串珠 康來昌 字典 原文 典藏 |
24:7 | Chúi ē tùi i ê tháng lâu chhut, chéng-chí beh iā tī chin chē chúi ê só͘-chāi, i ê ông ē pôaⁿ-kòe A-gak, i ê kok ē heng-khí. | 註釋 串珠 康來昌 原文 典藏 |
24:8 | Siōng-tè chhōa i chhut Ai-gi̍p, i chhin-chhiūⁿ ū iá-gû ê la̍t; i ē thun-chia̍h tùi-te̍k ê kok, at-tn̄g in ê kut-thâu; ēng chìⁿ kā in siā kàu thàng-kòe. | 註釋 串珠 康來昌 字典 原文 典藏 |
24:9 | I thèⁿ-kha, koh tó-.leh chhin-chhiūⁿ kang ê sai, mā chhin-chhiūⁿ bó ê sai; siáⁿ lâng káⁿ jiá tio̍h i? Kiàn-nā chiok-hok lí ê, goān i siū chiok-hok, kiàn-nā chiù-chó͘ lí ê, goān i siū chiù-chó͘. | 註釋 串珠 康來昌 字典 原文 典藏 |
24:10 | Ba-al tōa siū-khì Pa-lân, chiū tah chhiú; Ba-al koh kā Pa-lân kóng, " Góa kiò lí lâi chiù-chó͘ góa ê tùi-te̍k, lí kèng-jiân ngē-ngē beh kā in chiok-hok, kàu saⁿ pái. | 註釋 串珠 康來昌 原文 典藏 |
24:11 | Taⁿ lí cháu-khì pún só͘-chāi, góa pún-lâi siūⁿ beh hō͘ lí tit tio̍h tōa chun-kùi, m̄ koh, Siōng-chú chó͘-tòng, hō͘ lí bô tit tio̍h chun-kùi. " | 註釋 串珠 康來昌 原文 典藏 |
24:12 | Pa-lân tùi Ba-al kóng, " Góa kám bô tùi lí só͘ chhe lâi-kàu góa hia ê sù-chiá kóng: | 註釋 串珠 康來昌 原文 典藏 |
24:13 | ' Ba-al to̍h-sī kā i móa chhù ê kim-gîn hō͘ góa, góa mā bē tàng pôaⁿ-kòe Siōng-chú ê bēng-lēng, pîn kakī ê sim lâi chò hó chò pháiⁿ; Siōng-chú só͘ kóng ê, góa chiū chiàu ánne kóng. '" | 註釋 串珠 康來昌 字典 原文 典藏 |
24:14 | Pa-lân Chòe-āu ê Ī-giânPa-lân tùi Ba-al kóng, " Lí khòaⁿ, taⁿ góa beh tńg-khì pún cho̍k; lí lâi, góa kā lí kóng, chiahê jîn-bîn ji̍t-āu ē án-chóaⁿ khoán-thāi lí ê jîn-bîn. " | 註釋 串珠 康來昌 原文 典藏 |
24:15 | I chiū thê-khí i ê koa, kóng: Boh-ol ê kiáⁿ Pa-lân kóng: ba̍k-chiu ha̍p-.leh ê lâng kóng; | 註釋 串珠 康來昌 原文 典藏 |
24:16 | Thiaⁿ-kìⁿ Siōng-tè ê ōe, tit tio̍h chai Chì-koân-.ê ê tì-sek, khòaⁿ-kìⁿ choân-lêng-ê ê ī-siōng, ba̍k-chiu thí-khui, tó-.leh ê lâng kóng, | 註釋 串珠 康來昌 原文 典藏 |
24:17 | Góa khòaⁿ i, chóng-.sī, bô tī hiān-sî, góa koan-khòaⁿ i, chóng-.sī, m̄-sī kīn-kīn; ū chi̍t lia̍p chheⁿ beh tùi Iâ-kop chhut, ū chi̍t-ê koân-pèng, beh tùi I-su-la-el heng-khí, beh phah-phòa Mô͘-ap ê piⁿ-kak, húi-hoāi jiáu-loān ê lâng. | 註釋 串珠 康來昌 字典 原文 典藏 |
24:18 | E-tóm beh chò sán-gia̍p, Se-il mā beh hō͘ i ê tùi-te̍k chò sán-gia̍p, I-su-la-el beh chò tāichì ióng-kám. | 註釋 串珠 康來昌 原文 典藏 |
24:19 | Ū chi̍t ūi chiáng-koân-.ê beh tùi Iâ-kop chhut, i beh châu-bia̍t siâⁿ tiong só͘ lâu lo̍h-.lâi ê. | 註釋 串珠 康來昌 原文 典藏 |
24:20 | I koh khòaⁿ tio̍h A-má-le̍k, chiū thê-khí i ê koa, kóng: A-má-le̍k goân-pún chò chiahê kok ê thâu, chóng-.sī, i ê kiat-kio̍k ē éng-oán bia̍t-bông. | 註釋 串珠 康來昌 原文 典藏 |
24:21 | I koh khòaⁿ Ke-nî lâng, chiū thê-khí i ê koa, kóng: Lí tòa ê só͘-chāi sī kian-kò͘, lí chò siū tī soaⁿ-giâm. | 註釋 串珠 康來昌 原文 典藏 |
24:22 | Chóng-.sī, Ke-nî ē tì-kàu soe-bî, ti̍t-kàu hō͘ A-siul kā lí lia̍h-.khì. | 註釋 串珠 康來昌 原文 典藏 |
24:23 | I koh thê-khí koa, kóng: Ai-ah, Siōng-tè kiâⁿ chit-ê tāichì ê sî, siáⁿ lâng ē tit tio̍h oa̍h? | 註釋 串珠 康來昌 原文 典藏 |
24:24 | Ē ū chûn tùi Kit-thê hia lâi, khó͘-to̍k A-siul, khó͘-to̍k Ê-bel; i mā ē éng-oán bia̍t-bông. | 註釋 串珠 康來昌 字典 原文 典藏 |
24:25 | Pa-lân chiū khí-.lâi, tńg-khì i pún só͘-chāi; Ba-al mā chiàu ánne kiâⁿ i ê lō͘. | 註釋 串珠 康來昌 字典 原文 典藏 |