| 章節 | 全民台語聖經全羅經文 | 註釋 |
| 18:1 | Îm-loān ê Kìm-lēngSiōng-chú hoan-hù Mô͘-se kóng, | 註釋 串珠 康來昌 原文 典藏 |
| 18:2 | " Lí tio̍h hoan-hù I-su-la-el lâng, kā in kóng, Góa sī Siōng-chú — lín ê Siōng-tè. | 註釋 串珠 康來昌 原文 典藏 |
| 18:3 | Lín í-chêng só͘ tòa ê Ai-gi̍p tē, hit ūi ê lâng só͘ kiâⁿ ê lín m̄ thang chun-thàn in lâi kiâⁿ, Góa beh chhōa lín kàu Ka-nân tē, hit ūi ê lâng só͘ kiâⁿ ê, lín mā m̄ thang chun-thàn in lâi kiâⁿ, mā m̄ thang chiàu in ê kui-lē lâi kiâⁿ. | 註釋 串珠 康來昌 原文 典藏 |
| 18:4 | Lín tio̍h chun-thàn Góa ê hoat-tō͘, siú Góa ê lu̍t-lē, chiàu chit-ê lâi kiâⁿ, Góa sī Siōng-chú — lín ê Siōng-tè. | 註釋 串珠 康來昌 原文 典藏 |
| 18:5 | Só͘-í, lín tio̍h siú Góa ê lu̍t-lē kah hoat-tō͘, lâng nā kiâⁿ chiahê chiū ē tùi chiahê lâi oa̍h, Góa sī Siōng-chú. | 註釋 串珠 康來昌 原文 典藏 |
| 18:6 | " Lín lóng m̄ thang chhin-kīn kut-jio̍k ê chhin, lâi lō͘-hiān i ê ē-sin, Góa sī Siōng-chú. | 註釋 串珠 康來昌 原文 典藏 |
| 18:7 | " M̄-thang lō͘-hiān lí ê lāu-bú ê ē-sin, lâi lêng-jio̍k lí ê lāu-pē. I sī lí ê lāu-bú, m̄ thang lō͘-hiān i ê ē-sin. | 註釋 串珠 康來昌 原文 典藏 |
| 18:8 | " Lí ê lāu-pē ê āu-bó͘ ê ē-sin, lí m̄ thang lō͘-hiān, in-ūi he sī lí ê lāu-pē ê ē-sin. | 註釋 串珠 康來昌 原文 典藏 |
| 18:9 | " Lí ê chí-mōe, bô-lūn sī tâng-pē ê á-.sī tâng-bú ê, chhut-sì tī chhù lāi á-.sī chhut-sì tī ke-gōa, lóng m̄ thang lō͘-hiān in ê ē-sin. | 註釋 串珠 康來昌 原文 典藏 |
| 18:10 | " Lí ê hāu-seⁿ ê chabó͘ kiáⁿ, á-.sī lí ê chabó͘ kiáⁿ ê chabó͘ kiáⁿ, m̄ thang lō͘-hiān in ê ē-sin, in-ūi he sī lí pún-sin ê ē-sin. | 註釋 串珠 康來昌 原文 典藏 |
| 18:11 | " Lí ê lāu-pē ê āu-bó͘ ê chabó͘ kiáⁿ, tùi lí ê lāu-pē seⁿ ê, sī lí ê sió-mōe, m̄ thang lō͘-hiān i ê ē-sin. | 註釋 串珠 康來昌 原文 典藏 |
| 18:12 | " M̄-thang lō͘-hiān lí ê a-ko͘ ê ē-sin, i sī lí ê lāu-pē kut-jio̍k ê chhin. | 註釋 串珠 康來昌 原文 典藏 |
| 18:13 | " M̄-thang lō͘-hiān lí ê a-î ê ē-sin, i sī lí ê lāu-bú kut-jio̍k ê chhin. | 註釋 串珠 康來昌 原文 典藏 |
| 18:14 | " Lí m̄ thang lêng-jio̍k lí ê chek-peh, lō͘-hiān i ê bó͘ ê ē-sin, i sī lí ê a-ḿ, lí ê a-chím. | 註釋 串珠 康來昌 原文 典藏 |
| 18:15 | " Lí m̄ thang lō͘-hiān lí ê sim-pū ê ē-sin, i sī lí ê kiáⁿ ê bó͘, m̄ thang lō͘-hiān i ê ē-sin. | 註釋 串珠 康來昌 原文 典藏 |
| 18:16 | " M̄-thang lō͘-hiān lí ê hiaⁿ-tī ê bó͘ ê ē-sin, he sī lí ê hiaⁿ-tī ê ē-sin. | 註釋 串珠 康來昌 原文 典藏 |
| 18:17 | " Cha-bó͘ lâng kah i ê chabó͘ kiáⁿ ê ē-sin lóng m̄ thang lō͘-hiān, m̄ thang kā i ê kiáⁿ ê chabó͘ kiáⁿ, á-.sī i ê chabó͘ kiáⁿ ê chabó͘ kiáⁿ ê ē-sin lō͘-hiān, in sī kut-jio̍k ê chhin, ánne chò sī chin pháiⁿ. | 註釋 串珠 康來昌 原文 典藏 |
| 18:18 | " Bó͘ iáu tī-.leh, lí m̄ thang lēng-gōa koh chhōa i ê chí-mōe, lō͘-hiān i ê ē-sin, lâi chò i ê tùi-thâu. | 註釋 串珠 康來昌 原文 典藏 |
| 18:19 | " Cha-bó͘ lâng keng-kî kàu bô chheng-khì ê sî, lí m̄ thang kīn-óa i lâi lō͘-hiān i ê ē-sin. | 註釋 串珠 康來昌 原文 典藏 |
| 18:20 | " Lí m̄ thang kah chhù-piⁿ ê bó͘ kiâⁿ kan-îm, lâi òe lahsap kakī. | 註釋 串珠 康來昌 原文 典藏 |
| 18:21 | " M̄-thang hō͘ lí ê kiáⁿ-jî tùi hóe tiong kòe-.khì, kui hō͘ Mô͘-lo̍k, mā m̄ thang siat-to̍k lí ê Siōng-tè ê miâ. Góa to̍h-sī Siōng-chú. | 註釋 串珠 康來昌 原文 典藏 |
| 18:22 | " M̄-thang kah chapo͘ lâng kau-ha̍p, chhin-chhiūⁿ kah chabó͘ lâng sio-siâng, che sī chin khó-ò͘ⁿ ê tāichì. | 註釋 串珠 康來昌 字典 原文 典藏 |
| 18:23 | " Bô-lūn siáⁿ-mi̍h siù, m̄ thang kah i kau-ha̍p lâi òe lahsap kakī. Cha-bó͘ lâng mā m̄ thang khiā tī siù ê thâu-chêng kah i kau-ha̍p, che sī ge̍k-sèng ê tāichì. | 註釋 串珠 康來昌 字典 原文 典藏 |
| 18:24 | " Tī chiahê it-chhè ê tāichì, lín lóng m̄ thang òe lahsap kakī, in-ūi Góa tī lín ê bīn-chêng só͘ kóaⁿ-chhut ê lia̍t pang, tī chiahê it-chhè ū òe lahsap kakī. | 註釋 串珠 康來昌 原文 典藏 |
| 18:25 | Tē mā òe lahsap, só͘-í, Góa pān i ê chōe, hit-ê tē mā thò͘-chhut tòa tī hia ê jîn-bîn. | 註釋 串珠 康來昌 原文 典藏 |
| 18:26 | Só͘-í, lín tio̍h siú Góa ê lu̍t-lē kah Góa ê hoat-tō͘, chiahê it-chhè khó-ò͘ⁿ ê tāichì, bô-lūn sī pún-tē-lâng á-.sī kià-kha tī lín tiong-kan ê chhut-gōa lâng, lóng m̄ thang ánne kiâⁿ. | 註釋 串珠 康來昌 原文 典藏 |
| 18:27 | ( In-ūi tī lín í-chêng tòa hit-ê tē ê lâng kiâⁿ chiahê it-chhè khó-ò͘ⁿ ê tāichì, tē chiū òe lahsap. ) | 註釋 串珠 康來昌 原文 典藏 |
| 18:28 | Bián-tit lín òe lahsap hit-ê tē ê sî, tē chiū kā lín thò͘ chhut-.lâi kah thò͘-chhut tī lín í-chêng ê jîn-bîn kāng-khoán. | 註釋 串珠 康來昌 原文 典藏 |
| 18:29 | " In-ūi kiàn-nā kiâⁿ chiahê it-chhè khó-ò͘ⁿ ê tāichì ê chi̍t hāng, ánne kiâⁿ ê lâng ē hông tùi i ê jîn-bîn tiong chián-tû. | 註釋 串珠 康來昌 原文 典藏 |
| 18:30 | Só͘-í, lín tio̍h siú Góa só͘ kau-tài ê, bián-tit lín chun-thàn hiahê khó-ò͘ⁿ ê hong-sio̍k, to̍h-sī tī lín í-chêng ê lâng só͘ tiāⁿtiāⁿ kiâⁿ ê, tì-sú lín tùi hiahê lâi òe lahsap kakī. Góa to̍h-sī Siōng-chú — lín ê Siōng-tè. " | 註釋 串珠 康來昌 原文 典藏 |