章節 | 全民台語聖經全羅經文 | 註釋 |
21:1 | Sin Thiⁿ Sin TēGóa koh khòaⁿ tio̍h ū sin ê thiⁿ kah sin ê tē, in-ūi í-chêng ê thiⁿ kah í-chêng ê tē í-keng bô-.khì, hái mā bô koh chûn-chāi. | 註釋 串珠 盧俊義 盧俊義 原文 典藏 |
21:2 | Góa koh khòaⁿ tio̍h sèng-siâⁿ, to̍h-sī sin ê Ê-lú-sa-lèm, tùi thiⁿ-téng Siōng-tè hia kàng lo̍h-.lâi, chhin-chhiūⁿ sin-niû tá-pān hó-sè, lâi gêng-chiap sin-lông. | 註釋 串珠 盧俊義 盧俊義 原文 典藏 |
21:3 | Góa koh thiaⁿ tio̍h ū tōa-siaⁿ tùi pó-chō hoat-chhut, kóng, " Siōng-tè ê hōe-bō͘ tī lâng ê tiong-kan! Siōng-tè beh kah in chò-hóe tòa, in beh chò I ê chú-bîn, Siōng-tè pún-sin beh kah in tông-chāi, chò in ê Siōng-tè. | 註釋 串珠 盧俊義 盧俊義 字典 原文 典藏 |
21:4 | I ē kā in ba̍k-chiu ê ba̍k-sái lóng chhit kah ta. Bô koh ū sí-bông, mā bô koh ū ai-siong, thî-khàu, thàng-thiàⁿ, in-ūi í-chêng ê tāichì í-keng kòe-khì à. " | 註釋 串珠 盧俊義 盧俊義 原文 典藏 |
21:5 | Chē tī pó-chō hit ūi kóng, " Góa kā bān-mi̍h ōaⁿ sin! " Koh kóng, " Lí tio̍h siá lo̍h-.lâi, in-ūi chiahê ōe sī chin-si̍t khó-khò ê. " | 註釋 串珠 盧俊義 盧俊義 字典 原文 典藏 |
21:6 | hit ūi koh kā góa kóng, " Í-keng oân-sêng à! Góa to̍h-sī khí-thâu ê Al-hoah(A), koh sī kiat-bóe ê O͘-mè-gah(Ω). Góa beh kā oa̍h-miā ê chúi-chôaⁿ pe̍h-pe̍h hō͘ chhùi-ta ê lâng lim. | 註釋 串珠 盧俊義 盧俊義 原文 典藏 |
21:7 | Tek-sèng ê lâng ē sêng-chiap chiahê un-sù; góa beh chò i ê Siōng-tè, i beh chò góa ê kiáⁿ-jî. | 註釋 串珠 盧俊義 盧俊義 原文 典藏 |
21:8 | M̄ koh, hiahê sió-táⁿ ê, m̄-sìn ê, khó-ò͘ⁿ ê, thâi lâng ê, îm-loān ê, kiâⁿ siâ-su̍t-ê, pài ngó͘-siōng ê kah só͘-ū kóng pe̍h-chha̍t ê lâng, in chù tiāⁿ tio̍h khì ê só͘-chāi sī hit-ê ū hóe kah liû-hông teh sio ê ô͘; chit-ê to̍h-sī tē-jī pái ê sí. " | 註釋 串珠 盧俊義 盧俊義 原文 典藏 |
21:9 | Sin Ê-lú-sa-lèmPhâng chhit tè óaⁿ, té-móa siōng lō͘-bóe chhit-hāng chai-hō ê thiⁿ-sài, kî-tiong chi̍t-ê lâi kah góa kóng-ōe, kóng, " Lâi! Góa beh pò lí khòaⁿ sin-niû, to̍h-sī iûⁿ-ko ê bó͘. " | 註釋 串珠 盧俊義 盧俊義 字典 原文 典藏 |
21:10 | Góa siū Sèng Sîn ê kám-tōng, hō͘ thiⁿ-sài chhōa-khì chi̍t chō tōa koh koân ê soaⁿ, i pò góa khòaⁿ tùi thiⁿ-téng Siōng-tè hia kàng lo̍h-.lâi ê sèng-siâⁿ Ê-lú-sa-lèm. | 註釋 串珠 盧俊義 盧俊義 原文 典藏 |
21:11 | Chit-ê siâⁿ ū Siōng-tè ê êng-kng, siâⁿ ê kng chhin-chhiūⁿ siōng pó-kùi ê pó-chio̍h, chhin-chhiūⁿ phek-ge̍k, chhin-chhiūⁿ chúi-chiⁿ hiahni̍h kng. | 註釋 串珠 盧俊義 盧俊義 原文 典藏 |
21:12 | Siâⁿ ū tōa koh koân ê chhiûⁿ, siâⁿ chhiûⁿ ū cha̍p-jī-ê mn̂g, chiahê mn̂g ū cha̍p-jī-ê thiⁿ-sài teh kò͘-siú; múi chi̍t-ê siâⁿ mn̂g kok khek I-su-la-el kiáⁿ-sun cha̍p-jī chi-cho̍k ê miâ. | 註釋 串珠 盧俊義 盧俊義 字典 原文 典藏 |
21:13 | Tang pêng ū saⁿ-ê mn̂g, pak pêng ū saⁿ-ê mn̂g, lâm pêng ū saⁿ-ê mn̂g, sai pêng ū saⁿ-ê mn̂g. | 註釋 串珠 盧俊義 盧俊義 字典 原文 典藏 |
21:14 | Siâⁿ chhiûⁿ ū cha̍p-jī-ê tē-ki, tē-ki téng-bīn ū iûⁿ-ko ê cha̍p-jī sù-tô͘ ê miâ. | 註釋 串珠 盧俊義 盧俊義 字典 原文 典藏 |
21:15 | Kah góa kóng-ōe hit-ê thiⁿ-sài ū the̍h chi̍t ki kim-chhioh, beh niû hit-ê siâⁿ, í-ki̍p siâⁿ mn̂g kah siâⁿ chhiûⁿ. | 註釋 串珠 盧俊義 盧俊義 字典 原文 典藏 |
21:16 | Siâⁿ sī sì-kak-hêng, tn̂g kah khoah sio-siâng. Thiⁿ-sài ēng chhioh niû siâⁿ, kiat-kó sī nn̄g-chheng sì-pah kong-lí, tn̂g, khoah, koân lóng sio-siâng. | 註釋 串珠 盧俊義 盧俊義 字典 原文 典藏 |
21:17 | Thiⁿ-sài chiàu lâng ê chhùn-chhioh, to̍h-sī thiⁿ-sài ê chhùn-chhioh niû siâⁿ chhiûⁿ, kiat-kó sī chhiûⁿ-koân la̍k-cha̍p kong-chhioh. | 註釋 串珠 盧俊義 盧俊義 字典 原文 典藏 |
21:18 | Siâⁿ chhiûⁿ sī ēng phek-ge̍k lâi khí, siâⁿ pún-sin sī ēng chheng kah chhin-chhiūⁿ po-lê ê sûn-kim khí-chō ê. | 註釋 串珠 盧俊義 盧俊義 字典 原文 典藏 |
21:19 | Siâⁿ chhiûⁿ ê tē-ki ū an ta̍k chióng ê pó-chio̍h, thâu chi̍t-ê tē-ki sī phek-ge̍k, tē-jī-ê sī lâm-ge̍k, tē-saⁿ-ê sī chhong-ge̍k, tē-sì-ê sī chheⁿ-ge̍k, | 註釋 串珠 盧俊義 盧俊義 字典 原文 典藏 |
21:20 | Tē-gō͘-ê sī âng-ge̍k, tē-la̍k-ê sī bé-ló, tē-chhit-ê sī n̂g-ge̍k, tē-peh-ê sī le̍k-ge̍k, tē káu-ê sī khin n̂g-ge̍k, tē-cha̍p-ê sī húi-chhùi-ge̍k, tē-cha̍p-it-ê sī chí-sek-ge̍k, tē-cha̍p-jī-ê sī chhiah-ge̍k. | 註釋 串珠 盧俊義 盧俊義 原文 典藏 |
21:21 | Cha̍p-jī-ê mn̂g sī cha̍p-jī lia̍p chin-chu, chiahê mn̂g ta̍k-ê lóng sī chi̍t lia̍p chin-chu chò ê. Siâⁿ ê ke-lō͘ sī sûn-kim ê, kim kah chhin-chhiūⁿ thàu-bêng ê po-lê. | 註釋 串珠 盧俊義 盧俊義 字典 原文 典藏 |
21:22 | Góa bô khòaⁿ tio̍h siâⁿ lāi ū sèng-tiān, in-ūi Chú — choân-lêng Siōng-tè kah iûⁿ-ko chò chit-ê siâⁿ ê sèng-tiān. | 註釋 串珠 盧俊義 盧俊義 字典 原文 典藏 |
21:23 | Chit-ê siâⁿ bô su-iàu ji̍t á-.sī goe̍h lâi chiò-kng, in-ūi ū Siōng-tè ê êng-kng teh chiò; iûⁿ-ko to̍h-sī chit-ê siâⁿ ê teng. | 註釋 串珠 盧俊義 盧俊義 字典 原文 典藏 |
21:24 | Lia̍t kok ê lâng óa-khò chit-ê kng lâi kiâⁿ lō͘, tē-chiūⁿ ê kun-ông ē kā in ê êng-kng tòa-lâi hō͘ chit-ê siâⁿ. | 註釋 串珠 盧俊義 盧俊義 原文 典藏 |
21:25 | Siâⁿ-mn̂g kui ji̍t lóng bô koaiⁿ, in-ūi tī hia lóng bô àm-sî. | 註釋 串珠 盧俊義 盧俊義 字典 原文 典藏 |
21:26 | Lâng ē kā lia̍t kok ê êng-kng kah chun-kùi tòa-lâi hō͘ chit-ê siâⁿ. | 註釋 串珠 盧俊義 盧俊義 原文 典藏 |
21:27 | Hoān-nā bô chheng-khì ê mi̍h, í-ki̍p hêng-ûi khó-ò͘ⁿ kah kóng pe̍h-chha̍t ê lâng, choa̍t-tùi bē tit ji̍p-khì hia; kantaⁿ miâ ū kì tī iûⁿ-ko ê oa̍h-miā-chheh ê lâng, chiah ē tit ji̍p-.khì. | 註釋 串珠 盧俊義 盧俊義 字典 原文 典藏 |