章節 | 全民台語聖經全羅經文 | 註釋 |
19:1 | Tī Thiⁿ téng ê Khèng-chiokJiân-āu, góa koh thiaⁿ tio̍h tī thiⁿ-téng ū chhin-chhiūⁿ chi̍t-tōa-tīn lâng tōa-siaⁿ teh hoah, " Halélúiah! O-ló Chú! Chín-kiù, êng-kng, koân-lêng lóng sio̍k lán ê Siōng-tè! | 註釋 串珠 盧俊義 盧俊義 原文 典藏 |
19:2 | I ê sím-phòaⁿ chin-si̍t koh kong-gī, in-ūi I bat sím-phòaⁿ hit-ê ēng îm-loān pāi-hoāi tē-chiūⁿ ê tōa îm-hū, koh hêng-hoa̍t i lâu Siōng-tè lô͘-po̍k ê hoeh ê chōe. " | 註釋 串珠 盧俊義 盧俊義 原文 典藏 |
19:3 | In koh-chài hoah, " Halélúiah! O-ló Chú! Siâⁿ hō͘ hóe sio ê ian ti̍t-ti̍t chhèng koân, éng-oán bē thêng! " | 註釋 串珠 盧俊義 盧俊義 原文 典藏 |
19:4 | Hit jī-cha̍p sì ê tiúⁿ-ló kah sì chiah oa̍h-mi̍h phak lo̍h-khì kèng-pài chē tī pó-chō ê Siōng-tè, kóng, " A-men! Halélúiah! O-ló Chú! " | 註釋 串珠 盧俊義 盧俊義 字典 原文 典藏 |
19:5 | Iûⁿ-ko ê Hun-iànŪ siaⁿ tùi pó-chō chhut-.lâi, kóng, " Só͘-ū Siōng-tè ê lô͘-po̍k kah kèng-pài I ê lâng, bô-lūn tōa-sè lóng tio̍h oló lán ê Chú! " | 註釋 串珠 盧俊義 盧俊義 字典 原文 典藏 |
19:6 | Góa koh ū thiaⁿ tio̍h chhin-chhiūⁿ chi̍t-tōa-tīn lâng ê siaⁿ, chhin-chhiūⁿ chin-chē tiâu hô-liû ê siaⁿ, chhin-chhiūⁿ lûi tōa-tân ê siaⁿ, kóng, " Halélúiah! In-ūi lán ê Chú — choân-lêng Siōng-tè í-keng chò ông ā! | 註釋 串珠 盧俊義 盧俊義 原文 典藏 |
19:7 | Lán tio̍h hoaⁿ-hí khoài-lo̍k, kā êng-kng kui hō͘ I, in-ūi iûⁿ-ko hun-in ê kî í-keng kàu à, I ê sin-niû í-keng chún-pī hó-sè à. | 註釋 串珠 盧俊義 盧俊義 字典 原文 典藏 |
19:8 | Siōng-tè í-keng hō͘ i chhēng pe̍h-siaksiak koh chheng-khì ê iù-môa-pò͘ saⁿ. "( iù-môa-pò͘ sī teh chí sìn-tô͘ só͘ kiâⁿ ê chiàⁿ gī-hêng ūi. ) | 註釋 串珠 盧俊義 盧俊義 字典 原文 典藏 |
19:9 | Jiân-āu thiⁿ-sài kā góa kóng, " Lí tio̍h siá lo̍h-.lâi, siū iau-chhiáⁿ lâi hù iûⁿ-ko hun-iàn ê lâng, chin ū hok-khì. " I koh kā góa kóng, " Che sī Siōng-tè chin-si̍t ê ōe. " | 註釋 串珠 盧俊義 盧俊義 字典 原文 典藏 |
19:10 | Góa chiū phak tī thiⁿ-sài ê kha chêng beh kā i pài. I kā góa kóng, " Chhian-bān m̄ thang! Góa kah lí, í-ki̍p hiahê ūi I-é-su chò kiàn-chèng ê lâng, pêⁿ-pêⁿ lóng sī chò lô͘-po̍k ê, lí tio̍h pài Siōng-tè! " In-ūi hiahê ūi I-é-su chò kiàn-chèng ê lâng kah sian-ti kāng-khoán, lóng sī siū tio̍h Sèng Sîn ê kám-tōng. | 註釋 串珠 盧俊義 盧俊義 原文 典藏 |
19:11 | Ki-tok Phah-pāi Béng-siùGóa koh khòaⁿ tio̍h thiⁿ khui, tī hia ū chi̍t chiah pe̍h bé, khiâ tī bé-téng hit ūi kiò-chò " Tiong-sìn " Kah" Chin-si̍t ", I chiàu kong-gī lâi sím-phòaⁿ, lâi kau-chiàn. | 註釋 串珠 盧俊義 盧俊義 字典 原文 典藏 |
19:12 | I ê ba̍k-chiu chhin-chhiūⁿ hóe-iām, thâu-khak téng tì chin chē ông-koan, seng-khu koh ū siá chi̍t-ê miâ, I pún-sin í-gōa bô lâng bat chit-ê miâ. | 註釋 串珠 盧俊義 盧俊義 字典 原文 典藏 |
19:13 | I chhēng ê hit niá tn̂g-phàu bak kah choân-sī hoeh. I ê miâ kiò-chò " Siōng-tè ê tō ". | 註釋 串珠 盧俊義 盧俊義 字典 原文 典藏 |
19:14 | Thiⁿ téng ê kun-peng khiâ pe̍h bé lâi tòe I, in lóng chhēng pe̍h koh chheng-khì ê iù-môa-pò͘ saⁿ. | 註釋 串珠 盧俊義 盧俊義 字典 原文 典藏 |
19:15 | Tùi I ê chhùi thò͘-chhut chi̍t ki lāi-kiàm, ēng lâi cheng-ho̍k lia̍t kok. I beh ēng thih-koái tī-lí in, I mā beh ta̍h choân-lêng Siōng-tè tōa siū-khì ê chiú-khut. | 註釋 串珠 盧俊義 盧俊義 字典 原文 典藏 |
19:16 | Tī I ê tn̂g-phàu kah kha-thúi ū siá chi̍t-ê miâ, to̍h-sī " Bān-ông ê Ông, bān-chú ê Chú ". | 註釋 串珠 盧俊義 盧俊義 字典 原文 典藏 |
19:17 | Góa koh khòaⁿ tio̍h chi̍t-ê thiⁿ-sài khiā tī ji̍t-thâu ê tiong-ng, tùi khong-tiong só͘-ū ê poe-chiáu tōa-siaⁿ hoah, " Lâi! Chò-hóe lâi chham-ka Siōng-tè ê tōa iàn-se̍k! | 註釋 串珠 盧俊義 盧俊義 字典 原文 典藏 |
19:18 | Lâi chia̍h chiahê kun-ông, chiong-kun kah ióng-sū ê bah, bé kah khiâ bé ê lâng ê bah, só͘-ū chū-iû ê lâng kah lô͘-lē ê bah, sī-sè kah sī-tōa ê bah. " | 註釋 串珠 盧俊義 盧俊義 字典 原文 典藏 |
19:19 | Góa koh khòaⁿ tio̍h hit chiah béng-siù kah tē-chiūⁿ ê kun-ông, í-ki̍p in ê kun-peng lóng chū-chi̍p, beh kah khiâ bé hit ūi, í-ki̍p I ê kun-peng kau-chiàn. | 註釋 串珠 盧俊義 盧俊義 字典 原文 典藏 |
19:20 | Hit chiah béng-siù kah í-chêng tī i bīn-chêng kiâⁿ kî-chek ê ké sian-ti chò-hóe siū lia̍h. Chit-ê ké sian-ti bat ēng kî-chek lâi bê-he̍k hiahê ū béng-siù ê kì-hō kah pài béng-siù chō-siōng ê lâng. Hit chiah béng-siù kah hit-ê ké sian-ti, in nn̄g-ê hông oa̍h-oa̍h hiat lo̍h-khì ū liû-hông teh sio ê hóe-ô͘. | 註釋 串珠 盧俊義 盧俊義 字典 原文 典藏 |
19:21 | Chhun lo̍h-.lâi ê kun-peng lóng hō͘ khiâ bé hit ūi ê chhùi thò͘-chhut ê kiàm sat-hāi. Só͘-ū ê poe-chiáu lóng lâi chia̍h in ê bah, chia̍h kàu pá. | 註釋 串珠 盧俊義 盧俊義 字典 原文 典藏 |