章節 | 全民台語聖經全羅經文 | 註釋 |
14:1 | Iûⁿ-ko kah hit Cha̍p-sì Bān Sì-chheng LângGóa koh khòaⁿ, ū khòaⁿ tio̍h iûⁿ-ko khiā tī Si-óng soaⁿ, ū cha̍p-sì bān sì-chheng lâng kah I chò-hóe; in ê thâu-hia̍h lóng ū iûⁿ-ko ê miâ kah I ê Thiⁿ-pē ê miâ. | 註釋 串珠 盧俊義 盧俊義 字典 原文 典藏 |
14:2 | Góa thiaⁿ tio̍h ū siaⁿ tùi thiⁿ-téng chhut-.lâi, chhin-chhiūⁿ tōa-chúi teh chhiâng ê siaⁿ, mā chhin-chhiūⁿ lûi teh tân ê siaⁿ; góa só͘ thiaⁿ tio̍h chit-ê siaⁿ, chhin-chhiūⁿ khîm-chhiú teh tôaⁿ khiā-khîm ê siaⁿ. | 註釋 串珠 盧俊義 盧俊義 字典 原文 典藏 |
14:3 | In tī pó-chō kah sì chiah oa̍h-mi̍h í-ki̍p tiúⁿ-ló ê bīn-chêng, chhiùⁿ chi̍t siú sin koa; chit siú koa tû-liáu tùi tē-chiūⁿ sio̍k-hôe hit cha̍p-sì bān sì-chheng lâng í-gōa, bô lâng ē-hiáu o̍h. | 註釋 串珠 盧俊義 盧俊義 字典 原文 典藏 |
14:4 | Chiahê lâng sī m̄ bat bak tio̍h lú-sek ê tông-lâm, chiahê lâng kin-tòe iûⁿ-ko khì ta̍k só͘-chāi. In sī tùi jîn-lūi tiong-kan sio̍k-hôe, lâi chò khí-thâu se̍k ê kóe-chí, hiàn hō͘ Siōng-tè kah iûⁿ-ko ê. | 註釋 串珠 盧俊義 盧俊義 字典 原文 典藏 |
14:5 | In m̄ bat kóng pe̍h-chha̍t, lóng bô khoat-tiám. | 註釋 串珠 盧俊義 盧俊義 原文 典藏 |
14:6 | Saⁿ-ê Thiⁿ-sài ê Sìn-sitGóa koh khòaⁿ tio̍h lēng-gōa chi̍t-ê thiⁿ-sài tī khong-tiong teh poe. I ū éng-oán ê sìn-sit beh thoân hō͘ tē-chiūⁿ ê lâng, mā hō͘ ta̍k pang-kok, ta̍k chióng-cho̍k, ta̍k-khoán gí-giân kah ta̍k-ê bîn-cho̍k. | 註釋 串珠 盧俊義 盧俊義 原文 典藏 |
14:7 | Chit-ê thiⁿ-sài tōa-siaⁿ kóng, " Tio̍h kèng-ùi Siōng-tè, kui êng-kng hō͘ I! In-ūi I sím-phòaⁿ jîn-lūi ê sî-khek kàu à. Tio̍h kèng-pài chhòng-chō thiⁿ, tē, hái kah chúi-goân ê Siōng-tè. " | 註釋 串珠 盧俊義 盧俊義 原文 典藏 |
14:8 | Koh ū lēng-gōa tē-jī-ê thiⁿ-sài sòa lo̍h-khì kóng, " Tó lo̍h-khì lò͘! Hō͘ bān-pang lim i îm-loān lia̍t-chiú ê Ba-bú-lông, tó lo̍h-khì lò͘! " | 註釋 串珠 盧俊義 盧俊義 字典 原文 典藏 |
14:9 | Koh ū lēng-gōa tē-saⁿ-ê thiⁿ-sài sòa lo̍h-khì tōa-siaⁿ kóng, " Nā ū pài hit chiah béng-siù kah i ê chō-siōng, í-ki̍p tī thâu-hia̍h á-.sī chhiú-.ni̍h siū khàm ìn chò kì-hō ê lâng, | 註釋 串珠 盧俊義 盧俊義 字典 原文 典藏 |
14:10 | Mā tio̍h lim Siōng-tè tōa siū-khì ê chiú, to̍h-sī thîn tī Siōng-tè siū-khì chiú-poe ê bô chham chúi ê sûn-chiú; in ē tī sèng thiⁿ-sài kah iûⁿ-ko ê bīn-chêng, siū tio̍h hóe kah liû-hông ê khok-hêng. | 註釋 串珠 盧俊義 盧俊義 字典 原文 典藏 |
14:11 | In siū khó͘-to̍k ê ian ē chhèng koân, éng-oán bô soah; hiahê pài hit chiah béng-siù kah i ê chō-siōng, í-ki̍p siū i ê miâ khàm ìn chò kì-hō ê lâng, mê-ji̍t lóng bô thang an-hioh. " | 註釋 串珠 盧俊義 盧俊義 字典 原文 典藏 |
14:12 | In-ūi ánne, hiahê chun-siú Siōng-tè ê kài-bēng koh tùi I-é-su tiong-si̍t ê sìn-tô͘ tio̍h ū nāi-sim. | 註釋 串珠 盧俊義 盧俊義 原文 典藏 |
14:13 | Góa koh thiaⁿ tio̍h tùi thiⁿ-téng ū siaⁿ kóng, " Lí tio̍h siá lo̍h-.lâi! Tùi taⁿ í-āu, ūi tio̍h Chú lâi sòng-sit sèⁿ-miā ê lâng si̍t-chāi ū hok-khì! " Sèng Sîn hôe-èng kóng, " Sī à, in ē kiat-sok in ê lô-khó͘ lâi an-hioh, in-ūi in lô-khó͘ ê sêng-kó ē kin-tòe in khì. " | 註釋 串珠 盧俊義 盧俊義 原文 典藏 |
14:14 | Tē chiūⁿ ê Nn̄g-pái Siu-sêngGóa koh khòaⁿ, ū khòaⁿ tio̍h chi̍t-phiàn pe̍h-hûn, hûn téng chē chi̍t-ê lâng chhin-chhiūⁿ Jîn-chú, thâu-khak tì kim ê bián-liû, chhiú gia̍h chi̍t ki lāi ê liâm-le̍k'á. | 註釋 串珠 盧俊義 盧俊義 字典 原文 典藏 |
14:15 | Koh ū lēng-gōa chi̍t-ê thiⁿ-sài tùi sèng-tiān chhut-.lâi, tùi chē tī hûn téng hit ūi tōa-siaⁿ hoah, " Tio̍h ēng Lí ê liâm-le̍k'á lâi siu-koah, in-ūi siu-koah ê sî-kî í-keng kàu, tē-chiūⁿ ê lông-chok-bu̍t lóng kàu se̍k à. " | 註釋 串珠 盧俊義 盧俊義 字典 原文 典藏 |
14:16 | Chē tī hûn téng hit ūi chiū kā liâm-le̍k'á hiat lo̍h-khì tē-chiūⁿ, tē-chiūⁿ ê lông-chok-bu̍t chiū hō͘ I siu koah khí-.lâi. | 註釋 串珠 盧俊義 盧俊義 字典 原文 典藏 |
14:17 | Koh ū lēng-gōa chi̍t-ê thiⁿ-sài tùi thiⁿ-téng ê sèng-tiān chhut-.lâi, i mā gia̍h chi̍t ki lāi ê liâm-le̍k'á. | 註釋 串珠 盧俊義 盧俊義 字典 原文 典藏 |
14:18 | Koh ū lēng-gōa chi̍t-ê teh chiáng-koán hóe ê thiⁿ-sài tùi chè-tôaⁿ chhut-.lâi, tùi gia̍h lāi ê liâm-le̍k'á hit-ê thiⁿ-sài tōa-siaⁿ hoah, " Ēng lí hit ki lāi ê liâm-le̍k'á khì siu-koah tē-chiūⁿ kui pha ê phû-tô, in-ūi phû-tô í-keng kàu se̍k à. " | 註釋 串珠 盧俊義 盧俊義 字典 原文 典藏 |
14:19 | Hitê thiⁿ-sài chiū kā liâm-le̍k'á hiat lo̍h-khì tē-chiūⁿ, kā tē-chiūⁿ ê phû-tô koah khí-.lâi, koh kā phû-tô hiat lo̍h-khì Siōng-tè tōa siū-khì ê chiú-khut. | 註釋 串珠 盧俊義 盧俊義 字典 原文 典藏 |
14:20 | Hitê chiú-khut tī siâⁿ gōa hō͘ lâng thún-ta̍h, chiū ū hoeh tùi chiú-khut lâu chhut-.lâi, koân tāi-iok nn̄g kong-chhioh, tn̂g chha-put-to ū saⁿ-pah kong-lí. | 註釋 串珠 盧俊義 盧俊義 字典 原文 典藏 |