章節 | 全民台語聖經全羅經文 | 註釋 |
13:1 | Tùi Hái Lâi ê Béng-siùGóa koh khòaⁿ tio̍h chi̍t chiah béng-siù tùi hái-.ni̍h khí-.lâi; i ū cha̍p ki kak, chhit-ê thâu, ta̍k ki kak lóng ū tì chi̍t téng ông-koan, thâu-khak téng ū húi-pòng Siōng-tè ê miâ-hō. | 註釋 串珠 盧俊義 盧俊義 字典 原文 典藏 |
13:2 | Góa só͘ khòaⁿ-.tio̍h ê hit chiah béng-siù chhin-chhiūⁿ pà; i ê kha chhin-chhiūⁿ hîm ê kha, chhùi chhin-chhiūⁿ sai ê chhùi. Hit bóe liông kā i ê châi-lêng, chō-ūi kah tōa koân-pèng hō͘ hit chiah béng-siù. | 註釋 串珠 盧俊義 盧俊義 字典 原文 典藏 |
13:3 | Hit chiah béng-siù ê chi̍t-ê thâu-khak, ná chhin-chhiūⁿ ū siū-kòe tì-miā-siong; i ê tì-miā-siong ū tit tio̍h i hó. Choân-sè-kài ê lâng lóng kám-kak kî-koài, chiū lâi tòe hit chiah béng-siù kiâⁿ. | 註釋 串珠 盧俊義 盧俊義 字典 原文 典藏 |
13:4 | Chèng lâng pún-té to̍h teh pài hit bóe liông, in-ūi liông kā koân-pèng kau hō͘ béng-siù, só͘-í, in mā pài béng-siù, kóng, " Siáⁿ lâng ē-tàng kah chit chiah béng-siù sio pí-phēng? Siáⁿ lâng ē-tàng kah i kau-chiàn? " | 註釋 串珠 盧俊義 盧俊義 字典 原文 典藏 |
13:5 | Hit chiah béng-siù ū tit tio̍h chi̍t-ê kóng tōa-ōe kah húi-pòng ê chhùi, koh tit tio̍h ín-chún ē-tàng tī sì-cha̍p-jī goe̍h-ji̍t tiong-kan lâi chò chiahê tāichì. | 註釋 串珠 盧俊義 盧俊義 原文 典藏 |
13:6 | I chiū khui chhùi kóng-chhut siat-to̍k Siōng-tè ê ōe, lâi siat-to̍k I ê miâ kah I ê hōe-bō͘, í-ki̍p hiahê tiàm tī thiⁿ-téng ê. | 註釋 串珠 盧俊義 盧俊義 原文 典藏 |
13:7 | I mā ū tit tio̍h koân-pèng thang kah sìn-tô͘ kau-chiàn, lâi kā in cheng-ho̍k, mā ū tit tio̍h koân-pèng lâi tī-lí ta̍k-ê cho̍k-kûn, ta̍k-ê jîn-bîn, ta̍k chióng gí-giân ê lâng kah ta̍k-ê pang-kok. | 註釋 串珠 盧俊義 盧俊義 原文 典藏 |
13:8 | Só͘-ū tòa tī tē-bīn chiūⁿ ê lâng, to̍h-sī chhòng-sè í-lâi in ê miâ bô kì-chài tī siū sat-hāi ê iûⁿ-ko ê oa̍h-miā-chheh ê, lóng ē pài hit chiah béng-siù. | 註釋 串珠 盧俊義 盧俊義 字典 原文 典藏 |
13:9 | Ū hīⁿ-khang ê lâng lóng tio̍h thiaⁿ, | 註釋 串珠 盧俊義 盧俊義 原文 典藏 |
13:10 | Hiahê chù-tiāⁿ siū lia̍h ê lâng, lóng ē hō͘ lâng lia̍h-.khì; hiahê chù-tiāⁿ siū sat-hāi ê lâng, lóng ē hō͘ to thâi-sí. In-ūi ánne, sìn-tô͘ lóng tio̍h ū nāi-sim kah sìn-sim. | 註釋 串珠 盧俊義 盧俊義 字典 原文 典藏 |
13:11 | Tùi Lio̍k-tē Lâi ê Béng-siùGóa koh khòaⁿ tio̍h lēng-gōa chi̍t chiah béng-siù tùi tē-chiūⁿ khí-.lâi, ū nn̄g ki chhin-chhiūⁿ iûⁿ ê kak, kóng-ōe chhin-chhiūⁿ liông. | 註釋 串珠 盧俊義 盧俊義 字典 原文 典藏 |
13:12 | I tī thâu chi̍t-chiah béng-siù ê bīn-chêng, chip-hêng thâu chi̍t-chiah béng-siù ê koân-pèng; i kiò tē kah tòa tī tē-chiūⁿ ê lâng khì pài thâu chi̍t-chiah béng-siù, to̍h-sī hit chiah siū tio̍h tì-miā-siong koh tit tio̍h i hó ê hit chiah béng-siù. | 註釋 串珠 盧俊義 盧俊義 字典 原文 典藏 |
13:13 | Chit tē-jī chiah béng-siù koh kiâⁿ tōa kî-chek, tī lâng ê bīn-chêng kiò hóe tùi thiⁿ kàng lo̍h tē-chiūⁿ. | 註釋 串珠 盧俊義 盧俊義 原文 典藏 |
13:14 | I koh ēng tit tio̍h ín-chún tī thâu chi̍t-chiah béng-siù bīn-chêng só͘ kiâⁿ ê kî-chek lâi bê-he̍k tòa tī tē-chiūⁿ ê lâng, kiò in tio̍h kā hit chiah tio̍h-siong iáu oa̍h-.leh ê béng-siù chō ngó͘-siōng. | 註釋 串珠 盧俊義 盧俊義 字典 原文 典藏 |
13:15 | I koh tit tio̍h ín-chún thang ēng oa̍h-khì pûn ji̍p-khì béng-siù ê ngó͘-siōng, hō͘ béng-siù ê ngó͘-siōng ē kóng-ōe, koh sat-hāi só͘ ū bô pài béng-siù ngó͘-siōng ê lâng. | 註釋 串珠 盧俊義 盧俊義 字典 原文 典藏 |
13:16 | I koh kiông-pek chèng lâng, bô-lūn tōa-sè, hó-gia̍h á-.sī sànchhiah, chū-iû ê á-.sī chò lô͘-po̍k ê, lóng tio̍h tī chiàⁿ chhiú á-.sī thâu-hia̍h khàm ìn chò kì-hō. | 註釋 串珠 盧俊義 盧俊義 原文 典藏 |
13:17 | Chit-ê kì-hō to̍h-sī béng-siù ê miâ, á-.sī tāi-piáu i ê miâ ê sò͘-jī; nā bô kì-hō, chiū bē tàng chò bé-bē. | 註釋 串珠 盧俊義 盧俊義 字典 原文 典藏 |
13:18 | Tī chia su-iàu ū tì-hūi. Chhong-bêng ê lâng ē-tàng sǹg-chhut hit chiah béng-siù ê sò͘-jī, in-ūi hit-ê sò͘-jī tāi-piáu chi̍t-ê lâng. Hitê sò͘-jī to̍h-sī la̍k-pah la̍k-cha̍p-la̍k. | 註釋 串珠 盧俊義 盧俊義 字典 原文 典藏 |