章節 | 全民台語聖經全羅經文 | 註釋 |
9:1 | Pûn Tē-gō͘ Ki kah Tē La̍k Ki Kó͘-chhoe Ī-kò ê Chai-hōTē-gō͘-ê thiⁿ-sài chi̍t ē pûn, góa khòaⁿ tio̍h chi̍t lia̍p chheⁿ tùi thiⁿ-téng lak lo̍h tē. Chit lia̍p chheⁿ ū niá-siū bô-té chhim kheⁿ ê só-sî. | 註釋 串珠 盧俊義 盧俊義 字典 原文 典藏 |
9:2 | Chit lia̍p chheⁿ phah-khui bô-té chhim kheⁿ, chiū ū chhin-chhiūⁿ tōa hóe-lô͘ ê ian tùi chhim kheⁿ chhèng khí-.lâi, ji̍t-thâu kah thài-khong lóng in-ūi chhim kheⁿ ê ian piàn-sêng o͘-àm. | 註釋 串珠 盧俊義 盧俊義 字典 原文 典藏 |
9:3 | Ū chháu-meh tùi ian ê lāi-bīn chhut-.lâi, hioh tī tē-chiūⁿ; in ū niá-siū chhin-chhiūⁿ tē-chiūⁿ ê giat-á-thâng só͘-ū ê koân-pèng. | 註釋 串珠 盧俊義 盧俊義 字典 原文 典藏 |
9:4 | Hiahê chháu-meh ū siū kau-tài, m̄ thang siong-hāi tē-chiūⁿ ê chheⁿ-chháu, chhiū-ba̍k kah só͘-ū ê si̍t-bu̍t, kantaⁿ thang siong-hāi hiahê tī thâu-hia̍h bô hō͘ Siōng-tè khàm ìn chò kì-hō ê lâng. | 註釋 串珠 盧俊義 盧俊義 字典 原文 典藏 |
9:5 | Koh m̄-chún chháu-meh hāi-sí chiahê lâng, kantaⁿ hō͘ in siū khó͘ gō͘ goe̍h-ji̍t; in ê thòng-khó͘ tú chhin-chhiūⁿ hō͘ giat-á-thâng kā tio̍h. | 註釋 串珠 盧俊義 盧俊義 字典 原文 典藏 |
9:6 | Tī hit gō͘ goe̍h-ji̍t tiong-kan, lâng kiû beh sí mā bē tit sí, ài beh sí mā sí bē khì. | 註釋 串珠 盧俊義 盧俊義 原文 典藏 |
9:7 | Chháu-me̍h ê hêng-chōng chhin-chhiūⁿ chún-pī beh chhut-chiàn ê bé, thâu-khak téng kahná ū tì kim ê bián-liû, in ê bīn chhin-chhiūⁿ lâng ê bīn. | 註釋 串珠 盧俊義 盧俊義 字典 原文 典藏 |
9:8 | In ū chhin-chhiūⁿ chabó͘ lâng ê thâu-mn̂g, koh ū chhin-chhiūⁿ sai ê gê. | 註釋 串珠 盧俊義 盧俊義 字典 原文 典藏 |
9:9 | In ê heng-khám ū chhin-chhiūⁿ thih ê chiàn-kah, in ê si̍t hoat-chhut ê siaⁿ, chhin-chhiūⁿ chin chē bé-chhia phun-cháu-khì kau-chiàn ê siaⁿ. | 註釋 串珠 盧俊義 盧俊義 字典 原文 典藏 |
9:10 | In ū chhin-chhiūⁿ giat-á-thâng ê bóe-liu ū chhì, in ū koân-lêng thang ēng chit-ê bóe-liu lâi siong-hāi lâng gō͘ goe̍h-ji̍t. | 註釋 串珠 盧俊義 盧俊義 字典 原文 典藏 |
9:11 | Chháu-me̍h ū chi̍t-ê ông, to̍h-sī koán-hat bô-té chhim kheⁿ ê thiⁿ-sài, i ê miâ Hi-bú-lâi gí kiò-chò " A-ba-tòng", Hi-la̍h gí kiò-chò " A-po-lû-óng". | 註釋 串珠 盧俊義 盧俊義 原文 典藏 |
9:12 | Thâu chi̍t-ê chai-hō í-keng kòe-.khì, í-āu iáu ū nn̄g-ê chai-hō teh beh lâi. | 註釋 串珠 盧俊義 盧俊義 原文 典藏 |
9:13 | Tē-la̍k-ê thiⁿ-sài chi̍t ē pûn, góa thiaⁿ tio̍h chi̍t-ê siaⁿ, tùi Siōng-tè ê bīn-chêng ê kim-tôaⁿ sì-ê kak chhut-.lâi, | 註釋 串珠 盧俊義 盧俊義 字典 原文 典藏 |
9:14 | Kā gia̍h kó͘-chhoe ê tē-la̍k-ê thiⁿ-sài kóng, " Lí tio̍h kā pa̍k tī Iu-hu-la-té tōa hô hit sì-ê thiⁿ-sài tháu-pàng chhut-.lâi. " | 註釋 串珠 盧俊義 盧俊義 字典 原文 典藏 |
9:15 | Hit sì-ê thiⁿ-sài siū tháu-pàng ê tāichì, chá to̍h an-pâi hó-sè, tī hit-ê sî, hit-ê ji̍t, hit-ê goe̍h, hit-ê nî, beh lâi hāi-sí-lâng lūi ê saⁿ-hūn chi-it. | 註釋 串珠 盧俊義 盧俊義 原文 典藏 |
9:16 | Góa ū thiaⁿ-kóng bé-peng ê sò͘-bo̍k chóng-kiōng ū nn̄g ek. | 註釋 串珠 盧俊義 盧俊義 原文 典藏 |
9:17 | Góa tī ī-siōng tiong khòaⁿ tio̍h bé kah khiâ bé ê lâng chhin-chhiūⁿ ánne, in chhēng ê chiàn-kah sek-tì âng kah chhin-chhiūⁿ hóe, nâ kah chhin-chhiūⁿ nâ-pó-chio̍h, n̂g kah chhin-chhiūⁿ liû-hông; bé ê thâu chhin-chhiūⁿ sai ê thâu, tùi in ê chhùi thò͘-chhut hóe, ian kah liû-hông. | 註釋 串珠 盧俊義 盧俊義 字典 原文 典藏 |
9:18 | Jîn-lūi ê saⁿ-hūn chi-it, hō͘ tùi hit chiah bé ê chhùi thò͘ chhut-.lâi ê hóe, ian kah liû-hông saⁿ hāng ê chai-hō sat-hāi. | 註釋 串珠 盧俊義 盧俊義 原文 典藏 |
9:19 | Chiahê bé ê koân-pèng tī in ê chhùi kah bóe-liu, in-ūi in ê bóe-liu chhin-chhiūⁿ chôa ū thâu, in ēng hiahê thâu lâi siong-hāi lâng. | 註釋 串珠 盧俊義 盧俊義 字典 原文 典藏 |
9:20 | Kî-tha bô siū chiahê chai-hō sat-hāi ê lâng iáu koh bô beh hóe-kái, bô beh hòng-khì in ê chhiú só͘ chō ê ngó͘-siōng, iû-goân teh pài hiahê kúi kah bē khòaⁿ, bē thiaⁿ, bē kiâⁿ, ēng kim, gîn, tâng, chio̍h, chhâ só͘ chō ê ngó͘-siōng. | 註釋 串珠 盧俊義 盧俊義 字典 原文 典藏 |
9:21 | Hiahê lâng hoān tio̍h thâi lâng, siâ-su̍t, îm-loān kah thau-the̍h ê chōe, mā bô hóe-kái. | 註釋 串珠 盧俊義 盧俊義 原文 典藏 |