章節 | 全民台語聖經全羅經文 | 註釋 |
7:1 | Hit Cha̍p-sì Bān Sì Chheng-ê I-su-la-el Lâng Siū Hong-ìnJiân-āu góa khòaⁿ tio̍h sì-ê thiⁿ-sài khiā tī tē ê sì-kak-thâu, kā tē sì-bīn ê hong tòng teh, hō͘ hong bē chhoe-lâi tē, hái kah it-chhè ê chhiū-ba̍k. | 註釋 串珠 盧俊義 盧俊義 原文 典藏 |
7:2 | Góa koh khòaⁿ tio̍h lēng-gōa chi̍t-ê thiⁿ-sài chhiú the̍h éng-oán oa̍h ê Siōng-tè ê ìn, tùi ji̍t chhut ê só͘-chāi khí-.lâi, tùi niá-siū koân-pèng thang siong-hāi tē kah hái ê hit sì-ê thiⁿ-sài tōa-siaⁿ hoah, | 註釋 串珠 盧俊義 盧俊義 字典 原文 典藏 |
7:3 | Kóng, " Goán iáu-bōe tī lán ê Siōng-tè ê lô͘-po̍k ê thâu-hia̍h khàm ìn chò kì-hō í-chêng, lín m̄ thang siong-hāi tē, hái kah chhiū-ba̍k. " | 註釋 串珠 盧俊義 盧俊義 字典 原文 典藏 |
7:4 | Góa ū thiaⁿ tio̍h I-su-la-el ê kiáⁿ-sun kok chi-cho̍k ê tiong-kan, siū khàm ìn ê jîn-sò͘ chóng-kiōng ū cha̍p-sì bān sì-chheng. | 註釋 串珠 盧俊義 盧俊義 字典 原文 典藏 |
7:5 | Sio̍k Iô-tah chi-cho̍k siū khàm ìn ê ū chi̍t-bān nn̄g-chheng, sio̍k Lū-biān chi-cho̍k ê ū chi̍t-bān nn̄g-chheng, sio̍k Ga̍t chi-cho̍k ê ū chi̍t-bān nn̄g-chheng, | 註釋 串珠 盧俊義 盧俊義 字典 原文 典藏 |
7:6 | Sio̍k A-sel chi-cho̍k ê ū chi̍t-bān nn̄g-chheng, sio̍k Ná-hu-tha-lím chi-cho̍k ê ū chi̍t-bān nn̄g-chheng, sio̍k Má-ná-se chi-cho̍k ê ū chi̍t-bān nn̄g-chheng, | 註釋 串珠 盧俊義 盧俊義 原文 典藏 |
7:7 | Sio̍k Si-miān chi-cho̍k ê ū chi̍t-bān nn̄g-chheng, sio̍k Lē-bī chi-cho̍k ê ū chi̍t-bān nn̄g-chheng, sio̍k It-sa-kal chi-cho̍k ê ū chi̍t-bān nn̄g-chheng, | 註釋 串珠 盧俊義 盧俊義 原文 典藏 |
7:8 | Sio̍k Che-bú-lông chi-cho̍k ê ū chi̍t-bān nn̄g-chheng, sio̍k Iô-sé-huh chi-cho̍k ê ū chi̍t-bān nn̄g-chheng, sio̍k Biān-iá-mín chi-cho̍k ê ū chi̍t-bān nn̄g-chheng. | 註釋 串珠 盧俊義 盧俊義 字典 原文 典藏 |
7:9 | Chi̍t-tōa-tīn Lâng kah Tē-chhit-ê Hong-ìnJiân-āu góa koh khòaⁿ tio̍h chi̍t-tōa-tīn lâng, sò͘-bo̍k bô lâng sǹg ē liáu. In tùi ta̍k kok, ta̍k cho̍k, ta̍k-khoán jîn-bîn, ta̍k chióng gí-giân lâi, in lóng khiā tī pó-chō ê bīn-chêng, sin chhēng pe̍h saⁿ, chhiú gia̍h chang chhiū-ki. | 註釋 串珠 盧俊義 盧俊義 字典 原文 典藏 |
7:10 | In tōa-siaⁿ hoah, goān chín-kiù kui hō͘ chē tī pó-chō ê Siōng-tè, mā kui hō͘ iûⁿ-ko! | 註釋 串珠 盧俊義 盧俊義 字典 原文 典藏 |
7:11 | Chèng thiⁿ-sài khiā tī pó-chō kah tiúⁿ-ló í-ki̍p sì chiah oa̍h-mi̍h ê sì-kho͘-ûi, phak lo̍h-khì pó-chō chêng kèng-pài Siōng-tè, | 註釋 串珠 盧俊義 盧俊義 字典 原文 典藏 |
7:12 | Kóng, " A-men! Goān oló, êng-kng, tì-hūi, kám-siā, chun-kùi, koân-lêng, khùi-la̍t, lóng kui hō͘ lán ê Siōng-tè, it-ti̍t kàu bān-sè-tāi bô chīn. A-men! " | 註釋 串珠 盧俊義 盧俊義 原文 典藏 |
7:13 | Tiúⁿ-ló tiong-kan ū chi̍t-ê mn̄g góa kóng, " Chiahê chhēng pe̍h-saⁿ ê sī siáⁿ lâng? In sī tùi tó-ūi lâi? " | 註釋 串珠 盧俊義 盧俊義 字典 原文 典藏 |
7:14 | Góa ìn kóng, " Sin-seⁿ, lí chiah chai iáⁿ. " I kā góa kóng, " Chiahê sī keng-kòe hit-ê tōa chai-lān chhut-.lâi ê. In ēng iûⁿ-ko ê hoeh kā in ê saⁿ sé kah pe̍h-pe̍h-pe̍h. | 註釋 串珠 盧俊義 盧俊義 字典 原文 典藏 |
7:15 | In chiū ánne tī Siōng-tè ê pó-chō chêng, mê-ji̍t tī I ê sèng-tiān ho̍k-sāi I. Chē tī pó-chō ê hit ūi ē kah in tông-chāi lâi pó-siú in. | 註釋 串珠 盧俊義 盧俊義 字典 原文 典藏 |
7:16 | In bē koh iau, mā bē koh chhùi-ta, ji̍t-thâu kah it-chhè ê sio-joa̍h lóng bē kā in siong-hāi. | 註釋 串珠 盧俊義 盧俊義 原文 典藏 |
7:17 | In-ūi chē tī pó-chō ê iûⁿ-ko beh chò in ê bo̍k-chiá, chhōa in lâi-kàu oa̍h-miā ê chúi-chôaⁿ. Siōng-tè ē tùi in ê ba̍k-chiu, chhit-tiāu in só͘-ū ê ba̍k-sái. " | 註釋 串珠 盧俊義 盧俊義 字典 原文 典藏 |