章節 | 全民台語聖經全羅經文 | 註釋 |
5:1 | Chheh kah Iûⁿ-koGóa khòaⁿ tio̍h chē tī pó-chō hit ūi ê chiàⁿ chhiú the̍h chi̍t kńg chheh, lāi-gōa-bīn lóng ū bûn-jī, ēng chhit-ê ìn hong-.leh. | 註釋 串珠 盧俊義 盧俊義 字典 原文 典藏 |
5:2 | Góa koh khòaⁿ tio̍h chi̍t-ê ū koân-lêng ê thiⁿ-sài tōa-siaⁿ soan-pò͘ kóng, " Siáⁿ lâng ū chu-keh thang thiah-khui hit-ê hong-ìn, hian khui hit-kńg chheh? " | 註釋 串珠 盧俊義 盧俊義 字典 原文 典藏 |
5:3 | Tī thiⁿ-téng, tē-chiūⁿ kah tē-hā lóng bô lâng ē-tàng hian-khui á-.sī tha̍k hit kńg chheh. | 註釋 串珠 盧俊義 盧俊義 字典 原文 典藏 |
5:4 | In-ūi chhōe bô lâng ē-tàng hian-khui á-.sī tha̍k hit kńg chheh, góa chiū tōa-siaⁿ khàu. | 註釋 串珠 盧俊義 盧俊義 字典 原文 典藏 |
5:5 | Hiahê tiúⁿ-ló tiong-kan ê chi̍t-ê tùi góa kóng, " M̄-thang khàu, lí khòaⁿ! Tùi Iô-tah chi-cho̍k chhut-.lâi ê sai, Ta-bi̍t ê kin-thâu, I í-keng tek-sèng thang thiah-khui hit chhit-ê hong-ìn, hian khui hit-kńg chheh. " | 註釋 串珠 盧俊義 盧俊義 字典 原文 典藏 |
5:6 | Jiân-āu góa khòaⁿ tio̍h hō͘ sì chiah oa̍h-mi̍h kah hiahê tiúⁿ-ló ûi teh ê pó-chō chêng, ū chi̍t chiah iûⁿ-ko khiā-.leh, iûⁿ-ko ná chhin-chhiūⁿ bat siū sat-hāi. Iûⁿ-ko ū chhit ki kak, chhit lúi ba̍k-chiu, to̍h-sī siū Siōng-tè chhe-phài khì choân sè-kài hit chhit-ê lêng. | 註釋 串珠 盧俊義 盧俊義 字典 原文 典藏 |
5:7 | Iûⁿ-ko chiū kiâⁿ chìn-chêng, tùi chē tī pó-chō hit ūi ê chiàⁿ chhiú the̍h hit kńg chheh. | 註釋 串珠 盧俊義 盧俊義 字典 原文 典藏 |
5:8 | Iûⁿ-ko the̍h tio̍h hit kńg chheh ê sî, hit sì chiah oa̍h-mi̍h kah jī-cha̍p sì ê tiúⁿ-ló, lóng phak tī iûⁿ-ko ê bīn-chêng, ta̍k-ê ū the̍h khîm kah té hiuⁿ móa-móa ê kim lô͘; hiahê hiuⁿ to̍h-sī Siōng-tè chú-bîn ê kî-tó. | 註釋 串珠 盧俊義 盧俊義 字典 原文 典藏 |
5:9 | In gîm chi̍t siú sin ê si, kóng, " Lí ū chu-keh the̍h hit kńg chheh, thiah-khui i ê hong-ìn, in-ūi Lí ū siū sat-hāi, ēng Lí ê hoeh tùi kok cho̍k-kûn, kok chióng gí-giân, kok bîn-cho̍k, kok kok sio̍k-hôe lâng lâi kui Siōng-tè. | 註釋 串珠 盧俊義 盧俊義 字典 原文 典藏 |
5:10 | Lí hō͘ in chiâⁿ-chò kok-tō͘ kah chè-si lâi ho̍k-sāi Siōng-tè. In mā ē tī tē-chiūⁿ chiáng-koân. " | 註釋 串珠 盧俊義 盧俊義 原文 典藏 |
5:11 | Góa koh siông-sè khòaⁿ, ū thiaⁿ tio̍h chheng-chheng bān-bān thiⁿ-sài ê siaⁿ, in lóng ûi tī pó-chō kah oa̍h-mi̍h í-ki̍p tiúⁿ-ló ê sì-kho͘-ûi, | 註釋 串珠 盧俊義 盧俊義 字典 原文 典藏 |
5:12 | Tōa siaⁿ kóng, " Siū sat-hāi ê iûⁿ-ko eng-kai tit tio̍h koân-lêng, hù-jū, tì-hūi, khùi-la̍t, chun-kùi, êng-kng kah oló! " | 註釋 串珠 盧俊義 盧俊義 字典 原文 典藏 |
5:13 | Góa koh thiaⁿ tio̍h thiⁿ-téng, tē-chiūⁿ, tē-hā kah hái-.ni̍h it-chhè siū chō ê mi̍h í-ki̍p kî-tiong ê bān-mi̍h lóng gîm-si kóng, " Goān oló, chun-kùi, êng-kng kah koân-sè lóng kui hō͘ chē tī pó-chō hit ūi kah iûⁿ-ko, it-ti̍t kàu bān-sè-tāi bô chīn! " | 註釋 串珠 盧俊義 盧俊義 字典 原文 典藏 |
5:14 | Hit sì chiah oa̍h-mi̍h ìn kóng, " A-men! " Hiahê tiúⁿ-ló chiū phak lo̍h-khì kèng-pài. | 註釋 串珠 盧俊義 盧俊義 字典 原文 典藏 |