章節 | 全民台語聖經全羅經文 | 註釋 |
4:1 | Iô-há-neh Khòaⁿ tio̍h Siōng-tè tī Thiⁿ téng ê Pó-chōJiân-āu góa koh khòaⁿ tio̍h thiⁿ-téng ū chi̍t sìⁿ mn̂g phah-khui, hit-ê í-chêng bat chhin-chhiūⁿ kó͘-chhoe ê hiáng-siaⁿ tùi góa kóng ōe ê siaⁿ, koh tùi góa kóng, " Khí-lâi chia, góa beh pò lí khòaⁿ chi̍t kiāⁿ chiong-lâi it-tēng ē hoat-seng ê tāichì. " | 註釋 串珠 盧俊義 盧俊義 字典 原文 典藏 |
4:2 | Góa sûi-sî siū Sèng Sîn kám-tōng, hut-jiân khòaⁿ tio̍h thiⁿ-téng ū chi̍t-ê pó-chō, koh ū chi̍t ūi chē tī pó-chō téng-bīn. | 註釋 串珠 盧俊義 盧俊義 字典 原文 典藏 |
4:3 | hit ūi ê bīn chhin-chhiūⁿ phek-ge̍k kah âng-pó-chio̍h teh hoat kng. Pó-chō sì-kho͘-ûi ū khēng, khòaⁿ khí-lâi ná chhin-chhiūⁿ le̍k-pó-chio̍h. | 註釋 串珠 盧俊義 盧俊義 字典 原文 典藏 |
4:4 | Pó-chō ê sì-kho͘-ûi ū jī-cha̍p sì ê chō-ūi, téng-bīn chē jī-cha̍p sì ê tiúⁿ-ló, sin chhēng pe̍h saⁿ, thâu tì kim-sek ê bián-liû. | 註釋 串珠 盧俊義 盧俊義 字典 原文 典藏 |
4:5 | Tùi pó-chō hoat-chhut sihnà kah tân-lûi ê siaⁿ. Pó-chō chêng ū chhit ki teng-hóe teh to̍h, to̍h-sī Siōng-tè ê chhit-ê lêng. | 註釋 串珠 盧俊義 盧俊義 字典 原文 典藏 |
4:6 | Pó-chō chêng ū chhin-chhiūⁿ chúi-chiⁿ hiah chheng ê po-lê-hái. Pó-chō ê sì-kho͘-ûi ū sì chiah oa̍h-mi̍h, chêng-āu lóng ū ba̍k-chiu. | 註釋 串珠 盧俊義 盧俊義 字典 原文 典藏 |
4:7 | Thâu-chi̍t-chiah oa̍h-mi̍h chhin-chhiūⁿ sai, tē-jī chiah oa̍h-mi̍h chhin-chhiūⁿ gû-á kiáⁿ, tē-saⁿ chiah oa̍h-mi̍h ê bīn chhin-chhiūⁿ lâng, tē-sì chiah oa̍h-mi̍h chhin-chhiūⁿ teh poe ê eng. | 註釋 串珠 盧俊義 盧俊義 字典 原文 典藏 |
4:8 | Hit sì chiah oa̍h-mi̍h ta̍k-ê lóng ū la̍k ki si̍t, gōa-bīn kah lāi-bīn ba̍k-chiu móa-móa sī. In mê-ji̍t lóng bô hioh-khùn teh chhiùⁿ, " Sèng-chài! Sèng-chài! Sèng-chài! Chú choân-lêng Siōng-tè, kòe-khì chûn-chāi, hiān-chāi chûn-chāi, chiong-lâi mā éng-oán chûn-chāi. " | 註釋 串珠 盧俊義 盧俊義 字典 原文 典藏 |
4:9 | Ta̍k pái oa̍h-mi̍h kā êng-kng, chun-kùi kah kám-siā kui hō͘ chē tī pó-chō éng-oán oa̍h hit ūi ê sî, | 註釋 串珠 盧俊義 盧俊義 字典 原文 典藏 |
4:10 | Jī-cha̍p-sì ê tiúⁿ-ló chiū phak lo̍h-khì chē tī pó-chō hit ūi ê bīn-chêng, kèng-pài oa̍h kàu bān-sè-tāi bô chīn ê hit ūi, koh kā in ê bián-liû hiat tī pó-chō chêng, kóng, | 註釋 串珠 盧俊義 盧俊義 字典 原文 典藏 |
4:11 | Goán ê Chú — goán ê Siōng-tè, Lí eng-kai tit tio̍h êng-kng, chun-kùi kah koân-lêng, in-ūi Lí bat chhòng-chō bān-mi̍h. Bān mi̍h ê siū chhòng-chō kah chûn-chāi lóng sī Lí ê chí-ì. | 註釋 串珠 盧俊義 盧俊義 原文 典藏 |