章節 | 全民台語聖經全羅經文 | 註釋 |
1:1 | Chhéng-anGóa sī I-é-su Ki-tok ê lô͘-po̍k, Iâ-kop ê hiaⁿ-tī, Iô-tah. Góa siá phoe kià hō͘ hiahê siū soán-tiàu, tit tio̍h Thiⁿ-pē Siōng-tè ê thiàⁿ, koh siū I-é-su Ki-tok pó-siú ê lâng. | C註釋 註釋 串珠 盧俊義 康來昌 原文 典藏 |
1:2 | Goān lín chhiong-móa Siōng-tè ê liân-bín, pêng-an kah thiàⁿ-thàng. | 註釋 串珠 盧俊義 康來昌 原文 典藏 |
1:3 | Tùi Ké Kàu-su ê Phòaⁿ-toànChhin-ài ê hiaⁿ-tī chí-mōe, góa chá to̍h it-ti̍t siūⁿ beh siá phoe hō͘ lín, lâi tâm-lūn lán lóng ū-hūn ê chín-kiù. Taⁿ góa kám-kak chin su-iàu siá phoe lâi kā lín kó͘-lē, lín tio̍h ūi Siōng-tè chi̍t pái to̍h oân-chéng thoân hō͘ sìn-tô͘ ê sìn-gióng-lâi hùn-tàu. | C註釋 註釋 串珠 盧俊義 康來昌 原文 典藏 |
1:4 | In-ūi ū chi̍t-kóa bô kèng-ùi Siōng-tè ê lô͘-po̍k thau-thau-á chǹg ji̍p-lâi lán tiong-kan, khiok-kái Siōng-tè ê un-tián lâi tòng-chò in hòng-chhiòng ê chià-kháu, koh kī-choa̍t to̍k-it ê Chú-cháiⁿ — lán ê Chú I-é-su Ki-tok. Keng-tián chá to̍h ī-giân chiahê lâng it-tēng tio̍h siū hêng-hoa̍t. | 註釋 串珠 盧俊義 康來昌 原文 典藏 |
1:5 | Lín sûi-jiân í-keng chai chiahê tāichì, góa iáu koh beh kā lín thê-chhéⁿ, Siōng-tè chi̍t pái to̍h kā I-su-la-el chú-bîn tùi Ai-gi̍p ê só͘-chāi kiù chhut-.lâi, āu-lâi koh kā hiahê m̄-sìn ê lâng húi-bia̍t. | 註釋 串珠 盧俊義 康來昌 原文 典藏 |
1:6 | Koh ū hiahê bô siú pún-hūn ê thiⁿ-sài, in lī-khui kakī ê chit-ūi, só͘-í, Siōng-tè ēng éng-oán ê só-liān kā in liān tòa o͘-àm ê chhim-ian, tī hia thèng-hāu tōa ji̍t-kî ê sím-phòaⁿ. | 註釋 串珠 盧俊義 康來昌 字典 原文 典藏 |
1:7 | So͘-tóm kah Am-mo͘-la̍h í-ki̍p sì-kho͘-ûi siâⁿ-chhī ê lâng, mā kah hiahê thiⁿ-sài kāng-khoán kiâⁿ kan-îm, hòng-chhiòng ûi-hoán chū-jiân ê sèng-io̍k, tì-sú siū tio̍h éng-oán bē hoa ê hóe ê hêng-hoa̍t. Che thang chò chèng lâng ê kéng-kài. | 註釋 串珠 盧俊義 康來昌 原文 典藏 |
1:8 | Hiahê khong-su bōng-sióng ê lâng mā kāng-khoán hō͘ in ê jio̍k-thé hoān chōe, koh biáu-sī Siōng-tè ê koân-ui, siat-to̍k thiⁿ-téng chun-kùi ê. | 註釋 串珠 盧俊義 康來昌 原文 典藏 |
1:9 | Thiⁿ-sài-tiúⁿ Mî-khá-el kah Mô͘-kúi ūi tio̍h Mô͘-se ê sin-si teh cheng-lūn ê sî, mā m̄-káⁿ ēng húi-pòng ê ē kā i chek-pī, kantaⁿ kóng, " Chú tio̍h kā lí chek-pī! " | 註釋 串珠 盧俊義 康來昌 原文 典藏 |
1:10 | M̄ koh, chiahê lâng siat-to̍k in kakī m̄-chai ê tāichì, koh kah bô lêng-sèng ê tōng-bu̍t kāng-khoán, khì chò pún-lêng liáu-kái ê tāichì, kiat-kó hō͘ kakī pāi-hoāi. | 註釋 串珠 盧俊義 康來昌 字典 原文 典藏 |
1:11 | In ē ū chai-hō à! In-ūi in kiâⁿ Kai-ín ê lō͘, koh ūi tio̍h chîⁿ-châi hām-lo̍h tī Pa-lân ê chhò-gō͘, mā kah Khó-la̍h kāng-khoán, in-ūi pōe-poān lâi bia̍t-bông. | 註釋 串珠 盧俊義 康來昌 字典 原文 典藏 |
1:12 | Chiahê lâng tī lín ê ài-chhan chia̍h-toh tiong, kò͘ chia̍h kò͘ lim bô kò͘ thé-biān, in iúⁿ-chhī kakī, lóng bô kiaⁿ pòaⁿ-lâng; in ná chhin-chhiūⁿ bē lo̍h pòaⁿ-tiám hō͘ ê hûn, hō͘ hong sàu lâi sàu-khì, koh ná chhiu-thiⁿ bô kiat kóe-chí ê chhiū, hō͘ lâng liân kin to khau khí-.lâi, sí kah ta-khok-khok. | 註釋 串珠 盧俊義 康來昌 原文 典藏 |
1:13 | In mā chhin-chhiūⁿ hái tiong ê kông-éng, lō͘-chhut kakī thang kiàn-siàu ê phoe̍h, koh chhin-chhiūⁿ lī-khui kúi-tō ê chheⁿ, lak-lo̍h-khì Siōng-tè ūi tio̍h in pó-liû ê o͘-àm chhim-ian. | C註釋 註釋 串珠 盧俊義 康來昌 原文 典藏 |
1:14 | A-tám ê tē chhit tāi sun Ê-no͘k ī-giân chiahê lâng kóng, " Lí khòaⁿ! Siōng-tè ē chhōa chheng-chheng bān-bān ê sèng thiⁿ-sài lâi, | 註釋 串珠 盧俊義 康來昌 原文 典藏 |
1:15 | Beh sím-phòaⁿ só͘-ū ê lâng, hêng-hoa̍t só͘ ū bô kèng-khiân ê chōe-jîn, in-ūi in ēng bô kèng-khiân ê chhiú-tōaⁿ, chò it-chhè bô kèng-khiân ê tāichì, koh kóng siat-to̍k Siōng-tè ê ōe. " | 註釋 串珠 盧俊義 康來昌 原文 典藏 |
1:16 | Chiahê lâng put-sî nga̍uh-nga̍uh-liām, bâi-oàn, hòng-chhiòng su-io̍k, kóng khoa-kháu ê ōe, ūi tio̍h kakī ê lī-ek kā lâng phô͘-tháⁿ. | 註釋 串珠 康來昌 原文 典藏 |
1:17 | Kéng-kò kah Kà-sīChhin-ài ê hiaⁿ-tī chí-mōe, tio̍h ē kì-tit lán ê Chú I-é-su Ki-tok ê sù-tô͘ chá-chêng só͘ kóng ê ōe. | 註釋 串珠 康來昌 原文 典藏 |
1:18 | In ū kā lín kóng, " Boa̍t-ji̍t ê sî, ū chi̍t-kóa chiàu in kakī bô kèng-khiân ê su-io̍k chò tāichì ê lâng ē chhut-hiān, in ài thí-chhiò pa̍t lâng ê sìn-gióng. " | 註釋 串珠 康來昌 原文 典藏 |
1:19 | Chiahê lâng chè-chō hun-cheng, in siū kakī ê pún-sèng khòng-chè, bô kah Sèng Sîn kiat-liân. | 註釋 串珠 康來昌 原文 典藏 |
1:20 | M̄ koh, lín chiahê hiaⁿ-tī chí-mōe, tio̍h kā kakī kiàn-li̍p tī chì-sèng ê sìn-gióng téng-bīn, tio̍h khò Sèng Sîn lâi kî-tó. | 註釋 串珠 康來昌 原文 典藏 |
1:21 | Mā tio̍h kè-sio̍k seng-oa̍h tī Siōng-tè ê thiàⁿ lāi-bīn, gióng-bōng lán ê Chú I-é-su Ki-tok ê liân-bín, it-ti̍t kàu tit tio̍h éng-oán ê oa̍h-miā. | 註釋 串珠 康來昌 原文 典藏 |
1:22 | Lín tio̍h liân-bín hiahê ū giâu-gî-sim ê lâng. | 註釋 串珠 康來昌 原文 典藏 |
1:23 | Ū chi̍t-kóa lâng, lín tio̍h tùi hóe tiong kā in kiù chhut-.lâi, koh ū chi̍t-kóa lâng, lín tio̍h kín-sīn lâi kā in liân-bín, liân in hō͘ chêng-io̍k bak lahsap ê saⁿ-khò͘ mā tio̍h thó-ià. | C註釋 註釋 串珠 康來昌 字典 原文 典藏 |
1:24 | Siōng-chànSiōng-tè ē pó-siú lín bē tūi-lo̍h, mā ē hō͘ lín bô khoat-tiám, hoaⁿ-hoaⁿ hí-hí khiā tī I êng-kng ê bīn-chêng. | C註釋 註釋 串珠 康來昌 原文 典藏 |
1:25 | Goān to̍k-it ê Siōng-tè— lán ê Kiù-chú, thong-kòe lán ê Chú I-é-su Ki-tok, tit tio̍h êng-kng, ui-giâm, koân-lêng, khùi-la̍t, tùi bān sè í-chêng kàu hiān-kim, ti̍t-kàu éng-oán. A-men! | 註釋 串珠 康來昌 原文 典藏 |