章節 | 全民台語聖經全羅經文 | 註釋 |
1:1 | Chhéng-anGóa chò tiúⁿ-ló, siá phoe kià hō͘ chhin-ài ê Gâ-io̍h, lí sī góa tī Chú lāi só͘ thiàⁿ ê. | 註釋 串珠 盧俊義 康來昌 康來昌 原文 典藏 |
1:2 | Chhin-ài ê hiaⁿ-tī, góa chiok lí bān sū heng-thong, seng-khu ióng-kiāⁿ, chhin-chhiūⁿ lí ê sim-sîn hiahni̍h kiān-choân. | 註釋 串珠 盧俊義 康來昌 康來昌 原文 典藏 |
1:3 | Ū hiaⁿ-tī lâi chia kā góa chèng-si̍t, lí tùi chin-lí tiong-si̍t, it-ti̍t ū chiàu chin-lí teh seng-oa̍h, góa chin hoaⁿ-hí. | 註釋 串珠 盧俊義 康來昌 康來昌 原文 典藏 |
1:4 | Góa thiaⁿ tio̍h góa ê kiáⁿ-jî ū chiàu chin-lí teh seng-oa̍h, bô siáⁿ-mi̍h ē pí che hō͘ góa koh khah hoaⁿ-hí. | 註釋 串珠 盧俊義 康來昌 康來昌 原文 典藏 |
1:5 | Kó͘-lē Gâ-io̍hChhin-ài ê hiaⁿ-tī, lí tiong-si̍t khoán-thāi hiaⁿ-tī á-.sī chí-mōe, sīm-chì tùi chhut-gōa lâng mā sī ánne. | 註釋 串珠 盧俊義 康來昌 康來昌 原文 典藏 |
1:6 | In bat tī chia ê hōe-chiòng bīn-chêng, kiàn-chèng lí ê thiàⁿ-sim. Chhiáⁿ lí chiàu Siōng-tè só͘ hoaⁿ-hí ê, kā in pang-chān, hō͘ in kè-sio̍k in ê lú-thêng. | 註釋 串珠 盧俊義 康來昌 康來昌 原文 典藏 |
1:7 | In-ūi in ūi tio̍h Ki-tok ê miâ chhut-gōa thoân hok-im, lóng bô tùi bī-sìn-chiá chiap-siū siáⁿ-mi̍h. | 註釋 串珠 盧俊義 康來昌 康來昌 原文 典藏 |
1:8 | Só͘-í, lán eng-kai chiap-thāi chit khoán lâng, thang kah in ūi tio̍h chin-lí lâi chò tâng-kang. | 註釋 串珠 盧俊義 康來昌 康來昌 原文 典藏 |
1:9 | Tiō-tò-hui kah Tê-mē-tu-lí-ohGóa bat siá chi̍t tiuⁿ kán-tan ê phoe hō͘ kàu-hōe, m̄ koh, ài beh chò thâu-lâng ê Tiō-tò-hui bô beh chiap-la̍p góa ê ōe. | 註釋 串珠 盧俊義 康來昌 康來昌 原文 典藏 |
1:10 | Só͘-í, góa nā khì lín hia ê sî, beh thê-khí i bat ēng pháiⁿ ōe kong-kek goán ê tāichì; m̄ nā ánne, i pún-sin m̄ chiap-thāi sìn-tô͘, sīm-chì chó͘-tòng hiahê ài beh chiap-thāi ê lâng, koh kā in kóaⁿ-chhut kàu-hōe. | 註釋 串珠 盧俊義 康來昌 康來昌 原文 典藏 |
1:11 | Chhin-ài ê hiaⁿ-tī, m̄ thang o̍h pháiⁿ, tio̍h o̍h hó. Chò hó ê lâng sio̍k Siōng-tè, chò pháiⁿ ê lâng m̄ bat khòaⁿ tio̍h Siōng-tè. | 註釋 串珠 盧俊義 康來昌 康來昌 原文 典藏 |
1:12 | Chèng lâng lóng oló Tê-mē-tu-lí-oh, chin-lí pún-sin mā ūi i chò-chèng; goán mā ūi i chò kiàn-chèng, lí chai goán ê kiàn-chèng sī chin-si̍t. | 註釋 串珠 盧俊義 康來昌 康來昌 原文 典藏 |
1:13 | Kiat-bóe ê Chhéng-anGóa iáu ū chin chē tāichì ài beh kā lí kóng, m̄ koh, bô ài ēng pit kè-sio̍k siá. | 註釋 串珠 盧俊義 康來昌 康來昌 字典 原文 典藏 |
1:14 | Góa ǹg-bāng bô-kú ē-tàng khì lí hia, lán chiah lâi tng-bīn kóng. | 註釋 串珠 盧俊義 康來昌 康來昌 原文 典藏 |
1:15 | Goān lí pêng-an! Lí tī chia ê pêng-iú lóng kā lí chhéng-an. Chhiáⁿ thè góa kā múi chi̍t-ê pêng-iú chhéng-an. | 註釋 盧俊義 康來昌 康來昌 原文 典藏 |