章節 | 全民台語聖經全羅經文 | 註釋 |
5:1 | Iâⁿ Kòe Sè-kanSiong-sìn I-é-su sī Ki-tok ê lâng, lóng sī Siōng-tè ê kiáⁿ-jî; thiàⁿ pē-bú ê, mā ē thiàⁿ in só͘ seⁿ ê kiáⁿ-jī. | 註釋 串珠 盧俊義 康來昌 原文 典藏 |
5:2 | Lán nā thiàⁿ Siōng-tè koh chun-siú I ê kài-bēng, ánne lán chiū chai lán ū teh thiàⁿ Siōng-tè ê kiáⁿ-jî. | 註釋 串珠 盧俊義 康來昌 原文 典藏 |
5:3 | Chun-siú Siōng-tè ê kài-bēng, to̍h-sī thiàⁿ Siōng-tè; I ê kài-bēng m̄-sī oh chun-siú ê. | 註釋 串珠 盧俊義 康來昌 原文 典藏 |
5:4 | In-ūi Siōng-tè ê kiáⁿ-jî lóng ē-tàng iâⁿ-kòe sè-kan; lán ê sìn-gióng hō͘ lán iâⁿ-kòe sè-kan. | 註釋 串珠 盧俊義 康來昌 原文 典藏 |
5:5 | Iâⁿ-kòe sè-kan ê sī siáⁿ lâng? Kám m̄-sī hiahê siong-sìn I-é-su sī Siōng-tè ê Kiáⁿ ê lâng? | 註釋 串珠 盧俊義 康來昌 原文 典藏 |
5:6 | Kiàn-chèng I-é-su Ki-tokChit-ê I-é-su Ki-tok sī tùi chúi kah hoeh lâi ê; m̄-sī kantaⁿ ēng chúi, sī ēng chúi kah hoeh. | 註釋 串珠 盧俊義 康來昌 原文 典藏 |
5:7 | Sèng Sîn chhin-chū kiàn-chèng chit-ê sū-si̍t, in-ūi Sèng Sîn to̍h-sī chin-lí. | 註釋 串珠 盧俊義 康來昌 原文 典藏 |
5:8 | Ū saⁿ-ê teh chò kiàn-chèng, to̍h-sī Sèng Sîn, chúi kah hoeh, chit saⁿ-ê kiàn-chèng lóng ū it-tì. | 註釋 串珠 盧俊義 康來昌 原文 典藏 |
5:9 | Lâng ê kiàn-chèng lán to teh chiap-siū, Siōng-tè ê kiàn-chèng tong-jiân koh khah ū hāu-le̍k, in-ūi chit-ê sī Siōng-tè ūi tio̍h I ê Kiáⁿ só͘ chò ê kiàn-chèng. | 註釋 串珠 盧俊義 康來昌 原文 典藏 |
5:10 | Sìn Siōng-tè ê Kiáⁿ ê lâng, tī sim-lāi ū chit-ê kiàn-chèng; m̄-sìn Siōng-tè ê lô͘-po̍k, to̍h-sī lia̍h-chò Siōng-tè teh kóng pe̍h-chha̍t, in-ūi i m̄-sìn Siōng-tè ūi tio̍h I ê Kiáⁿ só͘ chò ê kiàn-chèng. | 註釋 串珠 盧俊義 康來昌 原文 典藏 |
5:11 | Chit-ê kiàn-chèng to̍h-sī, Siōng-tè í-keng ū siúⁿ-sù éng-oán ê oa̍h-miā hō͘ lán, chit-ê oa̍h-miā sī tùi I ê Kiáⁿ lâi ê. | 註釋 串珠 盧俊義 康來昌 原文 典藏 |
5:12 | Ū kah Siōng-tè ê Kiáⁿ kiat-liân ê lâng chiū ū chit-ê oa̍h-miā; bô kah Siōng-tè ê Kiáⁿ kiat-liân ê lâng chiū bô chit-ê oa̍h-miā. | 註釋 串珠 盧俊義 康來昌 原文 典藏 |
5:13 | Éng-oán ê Oa̍h-miāGóa siá chiahê tāichì, sī beh hō͘ lín chai-iáⁿ, sìn Siōng-tè ê Kiáⁿ ê lâng ū éng-oán ê oa̍h-miā. | 註釋 串珠 盧俊義 康來昌 原文 典藏 |
5:14 | Lán tī Siōng-tè ê bīn-chêng ióng-kám bô kiaⁿ-hiâⁿ, in-ūi lán khak-sìn, nā chiàu I ê chí-ì, bô-lūn kiû siáⁿ-mi̍h, I lóng ē thiaⁿ lán ê kî-kiû. | 註釋 串珠 盧俊義 康來昌 原文 典藏 |
5:15 | Kì-jiân lán khak-sìn I ē thiaⁿ lán ê kî-kiû, lán chiū ánne chai-iáⁿ, lán tùi I kî-kiû ê í-keng tit tio̍h. | 註釋 串珠 盧俊義 康來昌 原文 典藏 |
5:16 | Lâng nā khòaⁿ tio̍h hiaⁿ-tī á-.sī chí-mōe hoān tio̍h bē tì-kàu sí ê chōe, tio̍h ǹg Siōng-tè kî-kiû, Siōng-tè ē siúⁿ-sù i oa̍h-miā; lâng só͘ hoān ê nā-sī ē tì-kàu sí ê chōe, góa bô kóng tio̍h ūi chit khoán chōe-jîn kî-tó. | 註釋 串珠 盧俊義 康來昌 原文 典藏 |
5:17 | Só͘-ū put-gī ê hêng-ûi lóng sī hoān chōe, m̄ koh, mā ū bián tì-kàu sí ê chōe. | 註釋 串珠 盧俊義 康來昌 原文 典藏 |
5:18 | Kéng-kàiLán chai Siōng-tè ê kiáⁿ-jî bē kè-sio̍k hoān chōe, in-ūi ū Siōng-tè ê Kiáⁿ teh kā i pó-siú, hit-ê Mô͘-kúi kha̍p i bē tio̍h. | 註釋 串珠 盧俊義 康來昌 原文 典藏 |
5:19 | Lán chai lán sī sio̍k Siōng-tè, m̄ koh, choân sè-kan lóng siū hit-ê Mô͘-kúi koán-hat. | 註釋 串珠 盧俊義 康來昌 原文 典藏 |
5:20 | Lán mā chai Siōng-tè ê Kiáⁿ í-keng lîm-kàu, I koh hō͘ lán hiáu-ngō͘, lâi jīn-bat hit ūi chin-si̍t ê Siōng-tè. Lán kah chin-si̍t ê Siōng-tè kiat-liân, in-ūi lán kah I ê Kiáⁿ I-é-su Ki-tok mā ū kiat-liân. chit ūi sī chin-si̍t ê Siōng-tè, mā sī éng-oán ê oa̍h-miā. | 註釋 串珠 盧俊義 康來昌 原文 典藏 |
5:21 | Sè-kiáⁿ, lín tio̍h kín-sīn, siám-phiah ngó͘-siōng. | 註釋 串珠 盧俊義 康來昌 字典 原文 典藏 |