章節 | 全民台語聖經全羅經文 | 註釋 |
3:1 | Siōng-tè ê Kiáⁿ-jîLín siūⁿ khòaⁿ Thiⁿ-pē sī gōa-ni̍h thiàⁿ lán, I hō͘ lán thang kiò-chò Siōng-tè ê kiáⁿ-jî; sū-si̍t siōng, lán khak-si̍t sī I ê kiáⁿ-jî. Só͘-í, sè-kan lâng m̄ bat lán, sī in-ūi in m̄ bat Siōng-tè. | 註釋 串珠 盧俊義 康來昌 原文 典藏 |
3:2 | Chhin-ài ê hiaⁿ-tī chí-mōe, chitmá lán chò Siōng-tè ê kiáⁿ-jî, chiong-lâi ē piàn án-chóaⁿ, iáu-bōe hián-bêng. Lán chai, I nā chài-lîm, lán chiū ē chhin-chhiūⁿ I, in-ūi lán ē khòaⁿ tio̍h I ê chin-siōng. | 註釋 串珠 盧俊義 康來昌 原文 典藏 |
3:3 | Ki-tok sī sûn-kiat, só͘-í, tùi Ki-tok ū chit khoán ǹg-bāng ê lâng ē kakī pó-chhî sûn-kiat. | 註釋 串珠 盧俊義 康來昌 原文 典藏 |
3:4 | Lâng nā hoān chōe, to̍h-sī ûi-pōe Siōng-tè ê lu̍t-hoat, in-ūi chōe to̍h-sī ûi-pōe lu̍t-hoat. | 註釋 串珠 盧俊義 康來昌 原文 典藏 |
3:5 | Lín chai, Ki-tok hián-hiān sī beh tû-khì lâng ê chōe, m̄ koh, I pún-sin bô chōe. | 註釋 串珠 盧俊義 康來昌 原文 典藏 |
3:6 | Kah Ki-tok kiat-liân ê lâng, bē kè-sio̍k hoān chōe; kè-sio̍k hoān chōe ê lâng, m̄ bat khòaⁿ tio̍h Ki-tok, mā lóng m̄ bat I. | 註釋 串珠 盧俊義 康來昌 原文 典藏 |
3:7 | Hoān-chōe á-.sī Chheng-gīSè-kiáⁿ, m̄ thang hō͘ lâng kā lín bê-he̍k. Chun-chiàu kong-gī ê lâng chiah sī gī lâng, tú chhin-chhiūⁿ Ki-tok sī gī lâng. | 註釋 串珠 盧俊義 康來昌 原文 典藏 |
3:8 | Kè-sio̍k hoān chōe ê lâng sī sio̍k Mô͘-kúi, in-ūi Mô͘-kúi tùi khí-thâu to̍h hoān chōe; Siōng-tè ê Kiáⁿ hián-hiān ê bo̍k-tek sī beh húi-hoāi Mô͘-kúi-ê kang-chok. | 註釋 串珠 盧俊義 康來昌 原文 典藏 |
3:9 | Siōng-tè ê kiáⁿ-jî bē kè-sio̍k hoān chōe, in-ūi ū Siōng-tè ê oa̍h-miā tī in lāi-bīn; kì-jiân Siōng-tè sī in ê Thiⁿ-pē, in bē kè-sio̍k hoān chōe. | 註釋 串珠 盧俊義 康來昌 原文 典藏 |
3:10 | Siōng-tè ê kiáⁿ-jî kah Mô͘-kúi-ê kiáⁿ-jî khu-pia̍t kah chin chheng-chhó; bô chun-chiàu kong-gī kah bô thiàⁿ hiaⁿ-tī chí-mōe ê lâng, to̍h m̄-sī Siōng-tè ê kiáⁿ-jî. | 註釋 串珠 盧俊義 康來昌 原文 典藏 |
3:11 | Tio̍h Sio-thiàⁿLán tio̍h sio-thiàⁿ, che sī lín tùi khí-thâu to̍h thiaⁿ-.tio̍h ê sìn-sit. | C註釋 註釋 串珠 盧俊義 康來昌 原文 典藏 |
3:12 | Lán m̄ thang chhin-chhiūⁿ Kai-ín, i sio̍k siâ-ok, thâi-sí kakī ê sió-tī. I siáⁿ-mi̍h iân-kò͘ thâi-sí kakī ê sió-tī? In-ūi i ê hêng-ûi siâ-ok, m̄ koh, sió-tī ê hêng-ûi chèng-ti̍t. | 註釋 串珠 盧俊義 康來昌 原文 典藏 |
3:13 | Hiaⁿ-tī chí-mōe, sè-kan lâng nā oàn-hūn lín, m̄ thang kám-kak kî-koài. | 註釋 串珠 盧俊義 康來昌 原文 典藏 |
3:14 | Lán chai lán í-keng chhut-sí ji̍p-oa̍h, in-ūi lán ū thiàⁿ hiaⁿ-tī chí-mōe; bô thiàⁿ-sim ê lâng, iáu siū sí-bông ê koán-hat. | 註釋 串珠 盧俊義 康來昌 原文 典藏 |
3:15 | Oàn-hūn hiaⁿ-tī á-.sī chí-mōe ê lâng to̍h-sī sat-jîn-hoān. Lín mā chai sat-jîn-hoān bô éng-oán ê oa̍h-miā tī i ê sim-lāi. | 註釋 串珠 盧俊義 康來昌 原文 典藏 |
3:16 | Ki-tok ūi lán hi-seng sèⁿ-miā, lán chiū tùi ánne chai-iáⁿ siáⁿ-mi̍h sī thiàⁿ-sim. Lán mā eng-kai ūi tio̍h hiaⁿ-tī á-.sī chí-mōe hi-seng sèⁿ-miā. | 註釋 串珠 盧俊義 康來昌 原文 典藏 |
3:17 | Nā ū hó-gia̍h lâng khòaⁿ tio̍h i ê hiaⁿ-tī á-.sī chí-mōe ū khiàm-khoeh, m̄ koh, bô tông-chêng liân-bín ê sim, ná ē-tàng kóng i thiàⁿ Siōng-tè? | 註釋 串珠 盧俊義 康來昌 原文 典藏 |
3:18 | Sè-kiáⁿ, sio-thiàⁿ m̄ thang kantaⁿ ēng ōe á-.sī ēng chhùi kóng, tio̍h ēng hêng-tōng lâi chèng-bêng. | 註釋 串珠 盧俊義 康來昌 原文 典藏 |
3:19 | Tī Siōng-tè ê Bīn-chêng Ū Chū-sìnChiū ánne, lán chai lán sī sio̍k chin-lí ê lâng. Lán nā siū liông-sim chek-pī, tī Siōng-tè ê bīn-chêng lán ē-tàng an-ún chū-chāi. | 註釋 串珠 盧俊義 康來昌 原文 典藏 |
3:20 | In-ūi Siōng-tè pí lán ê sim khah tōa, mā ta̍k hāng lóng chai. | 註釋 串珠 盧俊義 康來昌 原文 典藏 |
3:21 | Chhin-ài ê hiaⁿ-tī chí-mōe, lán ê liông-sim nā bô kā lán chek-pī, lán tī Siōng-tè ê bīn-chêng, chiū thang an-jiân chū-chāi. | 註釋 串珠 盧俊義 康來昌 原文 典藏 |
3:22 | Lán bô-lūn tùi Siōng-tè kiû siáⁿ-mi̍h, lóng ē tit tio̍h, in-ūi lán ū chun-siú I ê bēng-lēng, tī I ê bīn-chêng, chò I só͘ hoaⁿ-hí ê tāichì. | 註釋 串珠 盧俊義 康來昌 原文 典藏 |
3:23 | I ê kài-bēng sī ánne, lán tio̍h sìn I ê Kiáⁿ I-é-su Ki-tok ê miâ, mā tio̍h chiàu I hō͘ lán ê bēng-lēng sio-thiàⁿ. | 註釋 串珠 盧俊義 康來昌 原文 典藏 |
3:24 | Chun-siú Siōng-tè ê kài-bēng ê lâng to̍h-sī kah I kiat-liân; tùi Siōng-tè siúⁿ-sù hō͘ lán ê Sèng Sîn, lán chai Siōng-tè ū kah lán kiat-liân. | 註釋 串珠 盧俊義 康來昌 原文 典藏 |