章節 | 全民台語聖經全羅經文 | 註釋 |
1:1 | Góa — Sí-mòng Piat-tò͘, sī I-é-su Ki-tok ê sù-tô͘ kah lô͘-po̍k, siá chit tiuⁿ phoe kià hō͘ hiahê óa-khò lán ê Siōng-tè kah kiù Chú I-é-su Ki-tok ê gī kah goán chò-hóe hun-hióng kāng-khoán pó-pòe sìn-gióng ê lâng. | 註釋 串珠 盧俊義 康來昌 樹狀圖 原文 典藏 |
1:2 | In-ūi lín ū jīn-bat Siōng-tè kah lán ê Chú I-é-su, goān lín tit tio̍h hong-hong hù-hù ê un-tián kah pêng-an! | 註釋 串珠 盧俊義 康來昌 樹狀圖 原文 典藏 |
1:3 | Siōng-tè ê Ho͘-tiàu kah Kéng-soánSiōng-tè ê koân-lêng í-keng kā lán kòe kèng-khiân seng-oa̍h só͘ su-iàu ê it-chhè siúⁿ-sù hō͘ lán; chit-ê un-sù sī thong-kòe chin-chiàⁿ jīn-bat hit ūi ho͘-tiàu lán lâi hun-hióng I kakī ê êng-kng kah liông-siān ê Siōng-tè chiah tit tio̍h ê. | 註釋 串珠 盧俊義 康來昌 樹狀圖 原文 典藏 |
1:4 | Siōng-tè í-keng kā I èng-ín ê pó-pòe kah ke̍k tōa ê un-tián siúⁿ-sù hō͘ lán, hō͘ lín thong-kòe chiahê èng-ín thang thoat-lī sè-kan ê chêng-io̍k só͘ chō-sêng ê pāi-hoāi, lâi hun-hióng Siōng-tè ê sîn-sèng. | 註釋 串珠 盧俊義 康來昌 樹狀圖 原文 典藏 |
1:5 | Ūi tio̍h ánne, lín tio̍h chīn-la̍t phah-piàⁿ, ēng tek-hēng lâi ke-thiⁿ lín ê sìn-sim; ēng tì-sek lâi ke-thiⁿ lín ê tek-hēng; | 註釋 串珠 盧俊義 康來昌 樹狀圖 原文 典藏 |
1:6 | Ēng chún-chat lâi ke-thiⁿ tì-sek; ēng jím-nāi lâi ke-thiⁿ chún-chat; ēng kèng-khiân lâi ke-thiⁿ jím-nāi; | 註釋 串珠 盧俊義 康來昌 樹狀圖 原文 典藏 |
1:7 | Ēng chhiú-chiok-chi-chêng lâi ke-thiⁿ kèng-khiân; ēng thiàⁿ-sim lâi ke-thiⁿ chhiú-chiok-chi-chêng. | 註釋 串珠 盧俊義 康來昌 樹狀圖 原文 典藏 |
1:8 | Lín nā lóng ū chiahê tek-hēng koh ná chhiong-si̍t, chiū ē hō͘ lín koh khah chek-ke̍k, koh khah ū hāu-lêng lâi jīn-bat lán ê Chú I-é-su Ki-tok. | 註釋 串珠 盧俊義 康來昌 樹狀圖 原文 典藏 |
1:9 | Nā bô chiahê tek-hēng ê lâng, to̍h-sī kīn-sī á-.sī chheⁿmê, bē kì-tit in í-chêng ê chōe í-keng siū sé chheng-khì. | 註釋 串珠 盧俊義 康來昌 樹狀圖 原文 典藏 |
1:10 | Hiaⁿ-tī chí-mōe, só͘-í, lín tio̍h koh khah phah-piàⁿ, lâi chèng-bêng Siōng-tè tùi lín ê ho͘-tiàu kah kéng-soán sī khak-si̍t ê; lín nā ánne chò, chiū éng-oán bē tūi-lo̍h. | 註釋 串珠 盧俊義 康來昌 樹狀圖 原文 典藏 |
1:11 | Án-ne, Siōng-tè chiū ē tōa-tōa sù-hok, hō͘ lín thang chìn-ji̍p lán ê kiù Chú I-é-su Ki-tok éng-oán ê kok-tō͘. | 註釋 串珠 盧俊義 康來昌 樹狀圖 原文 典藏 |
1:12 | Lín sûi-jiân í-keng chai chiahê tāichì, koh kian-tēng chip-siú lín só͘ niá-siū ê chin-lí, góa iáu koh tio̍h tiāⁿtiāⁿ kā lín thê-chhéⁿ. | 註釋 串珠 盧俊義 康來昌 樹狀圖 原文 典藏 |
1:13 | Góa siūⁿ, tī góa iáu oa̍h-.leh ê sî, góa eng-kai tio̍h tiāⁿtiāⁿ kā lín thê-chhéⁿ. | 註釋 串珠 盧俊義 康來昌 樹狀圖 字典 原文 典藏 |
1:14 | Chiàu lán ê Chú I-é-su Ki-tok kā góa chí-sī ê, góa kakī chai góa lī-khui sè-kan ê ji̍t-chí í-keng teh beh kàu. | 註釋 串珠 盧俊義 康來昌 樹狀圖 字典 原文 典藏 |
1:15 | Góa mā beh chīn-la̍t siūⁿ pān-hoat hō͘ lín tī góa kòe-sin liáu-āu, iáu put-sî ē kì-tit chiahê tāichì. | 註釋 串珠 盧俊義 康來昌 樹狀圖 原文 典藏 |
1:16 | Ki-tok Êng-kng ê Kiàn-Chèng-jînGoán tùi lín kóng koan-hē lán ê Chú I-é-su Ki-tok ê tōa koân-lêng kah chài-lîm, m̄-sī kin-kì kî-khiáu hi-ké ê thoân-soat, sī goán ū chhin-ba̍k khòaⁿ tio̍h I ê tōa ui-giâm. | 註釋 串珠 盧俊義 康來昌 樹狀圖 原文 典藏 |
1:17 | I tùi Thiⁿ-pē Siōng-tè tit tio̍h chun-kùi kah êng-kng ê sî, hit ūi chì-chun koh êng-kng ê Siōng-tè ū chhut siaⁿ tùi I kóng, " Chit-ê sī góa só͘ thiàⁿ ê Kiáⁿ, I sī góa chin-chiàⁿ kah-ì ê. " | 註釋 串珠 盧俊義 康來昌 樹狀圖 原文 典藏 |
1:18 | Goán kah I tī sèng-soaⁿ ê sî, ū chhin-sin thiaⁿ tio̍h chit-ê siaⁿ tùi thiⁿ-téng hoat chhut-.lâi. | 註釋 串珠 盧俊義 康來昌 樹狀圖 原文 典藏 |
1:19 | Só͘-í, goán tùi sian-ti só͘ soan-pò͘ ê sìn-sit koh khah khak-sìn. Lín tio̍h chù-ì thiaⁿ, in-ūi chit-ê sìn-sit chhin-chhiūⁿ teng-hóe chiò tī o͘-àm, chiàu kàu thiⁿ-kng, it-ti̍t kàu khé-bêng-chheⁿ chhut-hiān tī lín ê sim hit sî. | 註釋 串珠 盧俊義 康來昌 樹狀圖 字典 原文 典藏 |
1:20 | Siōng iàu-kín ê sī lín tio̍h chai, m̄ thang sûi-piān chiàu kakī ê ì-sù lâi kái-soeh keng-tián tiong sian-ti só͘ kóng ê ōe. | 註釋 串珠 盧俊義 康來昌 樹狀圖 原文 典藏 |
1:21 | In-ūi sian-ti ê ōe m̄-sī tùi lâng ê ì-sù kóng-chhut, sī lâng hō͘ Sèng Sîn kám-tōng lâi kóng-chhut Siōng-tè ê ōe. | 註釋 串珠 盧俊義 康來昌 樹狀圖 原文 典藏 |