章節 | 全民台語聖經全羅經文 | 註釋 |
2:1 | Oa̍h-chio̍h, Sèng-kiat ê Kok-bînSó͘-í, lín tio̍h tû-khì só͘-ū ê ok-to̍k, kúi-chà, gūi-siān, oàn-tò͘ kah húi-pòng. | 註釋 串珠 盧俊義 康來昌 原文 典藏 |
2:2 | Tio̍h chhin-chhiūⁿ tú-á seⁿ ê eⁿ-á, chin ài suh sûn-kiat sio̍k-lêng ê leng, hō͘ lín thang tióng-tōa, tit-kiù. | 註釋 串珠 盧俊義 康來昌 原文 典藏 |
2:3 | Lín í-keng tam tio̍h Chú sī chû-siān ê chu-bī. | 註釋 串珠 盧俊義 康來昌 原文 典藏 |
2:4 | Tio̍h chhin-kīn Chú, I sī oa̍h-chio̍h. Sûi-jiân hō͘ lâng khì-sak, m̄ koh, hō͘ Siōng-tè kéng-soán, hō͘ Siōng-tè khòaⁿ-chò sī pó-pòe. | 註釋 串珠 盧俊義 康來昌 原文 典藏 |
2:5 | Lín mā tio̍h chò oa̍h-chio̍h, lâi hō͘ Siōng-tè khí-chō sio̍k-lêng ê tiān, koh chò sèng-kiat ê chè-si, thong-kòe I-é-su Ki-tok, lâi hiàn-siōng ē hō͘ Siōng-tè hoaⁿ-hí ê sio̍k-lêng chè-mi̍h. | 註釋 串珠 盧俊義 康來昌 原文 典藏 |
2:6 | In-ūi keng-tián ū kì-chài, lí khòaⁿ, góa beh tī Si-óng soaⁿ hē chi̍t tè chio̍h, sī siū kéng-soán ê pó-kùi ê chhù-kak chio̍h. Sìn-khò I ê lâng lóng bē sit-bōng. (chù, ISI 28:16) | 註釋 串珠 盧俊義 康來昌 字典 原文 典藏 |
2:7 | Chit tè chio̍h tùi lín chiahê sìn ê lâng lâi kóng sī chin pó-kùi, m̄ koh, tùi hiahê m̄-sìn ê lâng sī, khí-chù sai-hū só͘ khì-sak ê chio̍h, í-keng chiâⁿ-chò chhù-kak-thâu siōng tiōng-iàu ê chio̍h. ( Chù, SPh 118:22) | 註釋 串珠 盧俊義 康來昌 字典 原文 典藏 |
2:8 | Tī pa̍t ūi ê keng-tián koh ū kì-chài kóng, " Chit tè sī ē hō͘ lâng tio̍h-tak ê chio̍h, ē hō͘ lâng poa̍h-tó ê chio̍h. "( Chù, ISI 8: 14)In m̄ sūn-ho̍k tō-lí lâi poa̍h-tó; che sī Siōng-tè ê chí-ì só͘ tiāⁿ tio̍h ê. | 註釋 串珠 盧俊義 康來昌 原文 典藏 |
2:9 | To̍k-to̍k lín sī siū kéng-soán ê chéng-cho̍k, sī ông-ka ê chè-si, sī sèng-kiat ê kok-tō͘, sī Siōng-tè ê chú-bîn. Siōng-tè tiàu lín lī-khui o͘-àm lâi chìn-ji̍p I kî-biāu ê kng-bêng, sī ài lín soan-iông I ê úi-tāi chok-ûi. | 註釋 串珠 盧俊義 康來昌 原文 典藏 |
2:10 | Lín í-chêng m̄-sī Siōng-tè ê chú-bîn, taⁿ sī I ê chú-bîn; í-chêng lín bô tit tio̍h Siōng-tè ê liân-bín, taⁿ ū tit tio̍h I ê liân-bín. | 註釋 串珠 盧俊義 康來昌 原文 典藏 |
2:11 | Siōng-tè ê Lô͘-po̍kChhin-ài ê hiaⁿ-tī chí-mōe, lín lâi sè-kan sī chò kià-kha ê chhut-gōa lâng. Góa khó͘-khǹg lín m̄ thang hòng-chhiòng jio̍k-thé ê chêng-io̍k; chit-ê chêng-io̍k put-sî teh kong-kek lêng-hûn. | 註釋 串珠 盧俊義 康來昌 原文 典藏 |
2:12 | Lín tī bī-sìn-chiá ê tiong-kan tio̍h ū hó hêng-ûi, hō͘ hiahê húi-pòng lín sī pháiⁿ lâng ê lâng in-ūi khòaⁿ tio̍h lín ê hó phín-hēng, chiū tī Chú chài-lîm ê ji̍t-chí, kui êng-kng hō͘ Siōng-tè. | 註釋 串珠 盧俊義 康來昌 原文 典藏 |
2:13 | Ūi tio̍h Chú ê iân-kò͘, lín tio̍h sūn-ho̍k lâng só͘ siat-li̍p ê chè-tō͘. Bô-lūn sī tùi chòe-ko thóng-tī-chiá ê kun-ông, | 註釋 串珠 盧俊義 康來昌 原文 典藏 |
2:14 | Á-sī kun-ông chhe-phài lâi hêng-hoa̍t pháiⁿ lâng kah chióng-lē hó lâng ê koaⁿ-oân, lín lóng tio̍h sūn-ho̍k. | 註釋 串珠 盧俊義 康來昌 原文 典藏 |
2:15 | In-ūi che sī Siōng-tè ê chí-ì, ài lín chò hó sū, lâi hō͘ hiahê bû-ti ê gōng lâng bô ōe thang kóng. | 註釋 串珠 盧俊義 康來昌 原文 典藏 |
2:16 | Lín sī chū-iû ê lâng, m̄ thang ēng chū-iû lâi jia-khàm siâ-ok, tio̍h chò Siōng-tè ê lô͘-po̍k. | 註釋 串珠 盧俊義 康來昌 原文 典藏 |
2:17 | Tio̍h chun-tiōng só͘-ū ê lâng, thiàⁿ Chú lāi ê hiaⁿ-tī chí-mōe, kèng-ùi Siōng-tè, chun-kèng kun-ông. | 註釋 串珠 盧俊義 康來昌 原文 典藏 |
2:18 | Ēng Ki-tok ê Siū khó͘ Lâi Chò Bô͘-hoānChò lô͘-po̍k ê lâng tio̍h ta̍k hāng tāichì lóng sūn-ho̍k chú-lâng; m̄ nā tùi siān-liông un-sûn ê chú-lâng tio̍h ánne, liân tùi khek-po̍k ê chú-lâng mā tio̍h ánne. | 註釋 串珠 盧俊義 康來昌 原文 典藏 |
2:19 | Lâng siū oan-óng ê sî, nā ū thé-hōe che sī Siōng-tè ê chí-ì lâi lún siū khó͘-to̍k, Siōng-tè ē kā i chiok-hok. | 註釋 串珠 盧俊義 康來昌 原文 典藏 |
2:20 | Lín nā chò m̄ tio̍h, chiah lâi jím-siū hō͘ lâng hêng-hoa̍t ê khó͘-to̍k, ū siáⁿ-mi̍h khó-chhú? Lín nā chò hó sū lâi lún siū khó͘-to̍k, Siōng-tè ē kā lín chiok-hok. | 註釋 串珠 盧俊義 康來昌 原文 典藏 |
2:21 | Siōng-tè ho͘-tiàu lín ê bo̍k-tek to̍h-sī ánne; Ki-tok mā ū ūi tio̍h lín siū khó͘, lâu bô͘-iūⁿ hō͘ lín, thang hō͘ lín tòe I ê kha-pō͘. | 註釋 串珠 盧俊義 康來昌 原文 典藏 |
2:22 | Ki-tok lóng bô hoān chōe, mā bô lâng thiaⁿ-kòe I kóng pe̍h-chha̍t. | 註釋 串珠 盧俊義 康來昌 原文 典藏 |
2:23 | I hō͘ lâng mē, bô hêng-chhùi mē lâng; siū ge̍k-thāi mā bô pàng siaⁿ kā lâng khióng-hat; chí ū kā kakī kau-thok hit ūi chiàu kong-gī sím-phòaⁿ ê Siōng-tè. | 註釋 串珠 盧俊義 康來昌 原文 典藏 |
2:24 | Ki-tok tī si̍p-jī-kè téng chhin-sin tam-tng lán ê chōe, hō͘ lán thoat-lī chōe ê sí-bông, kui-ǹg kong-gī lâi oa̍h. Lín tùi I ê siong-hûn tit tio̍h i hó. | 註釋 串珠 盧俊義 康來昌 字典 原文 典藏 |
2:25 | Lín í-chêng chhin-chhiūⁿ iûⁿ bê-lō͘, chitmá í-keng tńg-.lâi, kui tī lín lêng-hûn ê bo̍k-chiá kah kàm-hō͘-jîn. | 註釋 串珠 盧俊義 康來昌 字典 原文 典藏 |