章節 | 全民台語聖經全羅經文 | 註釋 |
5:1 | Kéng-kò Hó-gia̍h LângTaⁿ lín chiahê hó-gia̍h lâng tio̍h chù-ì thiaⁿ, lín ê chai-lān teh beh kàu à, lín tio̍h pi-siong thî-khàu! | 註釋 串珠 盧俊義 康來昌 原文 典藏 |
5:2 | Lín ê chîⁿ-châi í-keng pāi-hoāi, lín ê saⁿ-khò͘ mā hō͘ chiù-thâng chiù phòa-khì. | 註釋 串珠 盧俊義 康來昌 字典 原文 典藏 |
5:3 | Lín ê kim-gîn siⁿ-sian, hiahê sian ē chiâⁿ-chò kā lín kong-kek ê chèng-kì, beh chhin-chhiūⁿ hóe sio-bia̍t lín ê seng-khu. Lín tī chit-ê boa̍t-sè kantaⁿ chai-iáⁿ chek-chū châi-pó. | 註釋 串珠 盧俊義 康來昌 原文 典藏 |
5:4 | Lín khek-khui hiahê tī lín ê chhân-hn̂g teh siu-koah ê lâng, bô hō͘ in kang-chîⁿ. In chhut siaⁿ teh kā lín khòng-kò! Βān-kun ê Chú í-keng ū thiaⁿ tio̍h chiahê ai-oàn ê siaⁿ. | 註釋 串珠 盧俊義 康來昌 原文 典藏 |
5:5 | Lín tī tē-chiūⁿ hióng-siū chhia-hoa iàn-lo̍k, kā kakī chhī kah pûi chut-chut, teh thèng-hāu siū tô͘-sat ê ji̍t-chí. | 註釋 串珠 盧俊義 康來昌 原文 典藏 |
5:6 | Lín kā hiahê gī lâng tēng chōe, koh kā in thâi-sí, in mā bô kā lín tí-khòng. | 註釋 串珠 盧俊義 康來昌 原文 典藏 |
5:7 | Jím-nāi kah Kî-tóHiaⁿ-tī chí-mōe, só͘-í, lín tio̍h kè-sio̍k jím-nāi kàu Chú ê chài-lîm. Lín khòaⁿ, choh-sit lâng án-chóaⁿ teh thèng-hāu chhân-.ni̍h pó-pòe ê siu-sêng, án-chóaⁿ nāi-sim teh thèng-hāu chhiu-lîm chhun-hō͘. | 註釋 串珠 盧俊義 康來昌 原文 典藏 |
5:8 | Lín mā tio̍h kè-sio̍k jím-nāi, kian-kò͘ lín ê sìn-sim, in-ūi Chú chài-lîm ê ji̍t-chí teh beh kàu à. | 註釋 串珠 盧俊義 康來昌 原文 典藏 |
5:9 | Hiaⁿ-tī chí-mōe, m̄ thang hō͘-siong oàn-tò͘, chiah bián siū Siōng-tè sím-phòaⁿ; lín khòaⁿ, sím-phòaⁿ chiá í-keng khiā tī mn̂g-kháu à. | 註釋 串珠 盧俊義 康來昌 字典 原文 典藏 |
5:10 | Hiaⁿ-tī chí-mōe, lín tio̍h ēng hiahê hōng Chú ê miâ lâi kóng-ōe ê sian-ti chò lín jím-siū khó͘-lān ê bô͘-iūⁿ. | 註釋 串珠 盧俊義 康來昌 原文 典藏 |
5:11 | Lán kā hiahê jím-nāi kàu-té ê lâng khòaⁿ-chò ū hok-khì. Lín bat thiaⁿ-kòe Io-buh ê jím-nāi, mā chai Chú kàu bóe án-chóaⁿ kā i chiàu-kò͘, in-ūi Chú ū móa-pak ê chû-pi kah liân-bín. | 註釋 串珠 盧俊義 康來昌 原文 典藏 |
5:12 | Kiat-bóe ê Kà-sīGóa ê hiaⁿ-tī chí-mōe, siōng iàu-kín ê sī, M̄-thang kí thiⁿ á-.sī tē á-.sī siáⁿ-mi̍h mi̍h-kiāⁿ lâi chiùchōa. " Sī " To̍h kóng " Sī ", " M̄-sī " To̍h kóng " M̄-sī ", ánne chiah bián siū Siōng-tè sím-phòaⁿ. | 註釋 串珠 盧俊義 康來昌 原文 典藏 |
5:13 | Lín tiong-kan ū lâng siū khó͘ bô? Nā ū, i tio̍h kî-tó; lín tiong-kan ū lâng hoaⁿ-hí bô? Nā ū, i tio̍h gîm oló ê si-koa. | 註釋 串珠 盧俊義 康來昌 原文 典藏 |
5:14 | Lín tiong-kan ū lâng phòa-pēⁿ bô? Nā ū, i tio̍h chhiáⁿ kàu-hōe ê tiúⁿ-ló lâi thè i kî-tó, hōng Chú ê miâ kā i boah iû. | 註釋 串珠 盧俊義 康來昌 字典 原文 典藏 |
5:15 | Ū sìn-sim ê kî-tó ē kiù phòa-pēⁿ ê lâng, Chú ē hō͘ i khiā khí-.lâi; i nā ū chōe, mā ē tit tio̍h sià-bián. | 註釋 串珠 盧俊義 康來昌 原文 典藏 |
5:16 | Lín tio̍h hō͘-siong jīn chōe, sio-thè kî-tó, thang tit tio̍h i hó. Gī lâng ê kî-tó ū chin tōa ê kong-hāu. | 註釋 串珠 盧俊義 康來昌 原文 典藏 |
5:17 | E-li-iah kah lán pêⁿ-pêⁿ sī lâng. I pek-chhiat kî-tó, khún-kiû Siōng-tè m̄ thang lo̍h hō͘, kó-jiân tē-chiūⁿ ū saⁿ nî pòaⁿ bô lo̍h hō͘. | 註釋 串珠 盧俊義 康來昌 原文 典藏 |
5:18 | I koh kî-tó, thiⁿ kó-jiân lo̍h tōa hō͘, tē chiū chhut-sán ngó͘-kok. | 註釋 串珠 盧俊義 康來昌 原文 典藏 |
5:19 | Chhin-ài ê hiaⁿ-tī chí-mōe, lín tiong-kan nā ū lâng phian-lī chin-lí, tio̍h ū lâng koh kā i chhōa tò tńg-.lâi. | 註釋 串珠 盧俊義 康來昌 原文 典藏 |
5:20 | Lín tio̍h chai, hō͘ chi̍t-ê sit-bê ê lâng tò tńg-.lâi ê lâng, ē kiù hit-ê chōe-jîn ê lêng-hûn thoat-lī sí-bông, koh hō͘ chin chē chōe tit tio̍h sià-bián. | 註釋 串珠 盧俊義 康來昌 字典 原文 典藏 |