章節 | 全民台語聖經全羅經文 | 註釋 |
3:1 | Khòng-chè Chhùi-chi̍hChhin-ài ê hiaⁿ-tī chí-mōe, lín tiong-kan m̄ thang ū chin chē lâng chò kàu-su, in-ūi lín chai chò kàu-su ê lâng ē siū khah-giâm keh ê sím-phòaⁿ. | 註釋 串珠 盧俊義 康來昌 原文 典藏 |
3:2 | In-ūi lán tāi-ke tiāⁿtiāⁿ hoān chin chē chhò-gō͘. Tī kóng-ōe bô chhò-gō͘, to̍h-sī oân-choân ê lâng, mā ē-hiáu khòng-chè kakī. | 註釋 串珠 盧俊義 康來昌 原文 典藏 |
3:3 | Lán ēng bé-kā-kiuⁿ tàu tī bé ê chhùi, hō͘ in sūn-ho̍k, chiū ē-tàng khòng-chè kui-chiah bé. | 註釋 串珠 盧俊義 康來昌 字典 原文 典藏 |
3:4 | Lín koh khòaⁿ, chûn sûi-jiân hiah tōa tâi, hō͘ tōa hong sàu ê sî, kantaⁿ ēng chi̍t ki sè-sè ê tōa lâi khòng-chè, sái chûn ê chûn-tiúⁿ chiū ē-tàng chiàu kakī ê ì-sù, kā chûn sái kàu bo̍k-tek-tē. | 註釋 串珠 盧俊義 康來昌 字典 原文 典藏 |
3:5 | Chhin-chhiūⁿ ánne, chhùi-chi̍h sī sè-sè ê khì-koan, iáu koh ē kóng tōa-ōe. Lí khòaⁿ, chi̍t-tiám-á ê hóe-chheⁿ chiū ē hō͘ kui-ê chhiū-nâ lóng sio-.khì. | 註釋 串珠 盧俊義 康來昌 原文 典藏 |
3:6 | Chhùi-chi̍h kahná chi̍t pé hóe, sī tī lán pah-thé tiong-kan ê siâ-ok sè-kài, ē kā kui seng-khu ù-jiám; chit-ê tùi tē-ga̍k hoat-chhut ê hóe, ē kā lán it-seng ê chiân-tô͘ húi-bia̍t. | 註釋 串珠 盧俊義 康來昌 原文 典藏 |
3:7 | Jîn-lūi ē-tàng chè-ap ta̍k chióng ê cháu-siù, poe-chiáu, thâng-thōa kah chúi-cho̍k; kî-si̍t in mā í-keng lóng hō͘ jîn-lūi chè-ap. | 註釋 串珠 盧俊義 康來昌 字典 原文 典藏 |
3:8 | To̍k-to̍k bô lâng ē-tàng chè-ap chhùi-chi̍h; chhùi-chi̍h sī bô lâng chè-ap ē-tiâu ê siâ-ok, chhiong-móa tì-miā ê to̍k. | 註釋 串珠 盧俊義 康來昌 原文 典藏 |
3:9 | Lán ēng chhùi-chi̍h oló lán ê Thiⁿ-pē Siōng-tè, mā ēng chhùi-chi̍h chiù-chó͘ chiàu Siōng-tè ê hêng-siōng lâi chhòng-chō ê lâng. | 註釋 串珠 盧俊義 康來昌 原文 典藏 |
3:10 | O-ló kah chiù-chó͘ tùi kāng chi̍t-ê chhùi-chi̍h chhut-.lâi. Chhin-ài ê hiaⁿ-tī chí-mōe, che sī bô eng-kai ê. | 註釋 串珠 盧俊義 康來昌 原文 典藏 |
3:11 | Tùi kāng chi̍t-ê chúi-chôaⁿ kám ē lâu chhut tiⁿ ê kah khó͘ ê chúi? | 註釋 串珠 盧俊義 康來昌 原文 典藏 |
3:12 | Chhin-ài ê hiaⁿ-tī chí-mōe, bû-hoa-kó chhiū kám ē seⁿ Kaⁿ-ná? Phû-tô chhiū kám ē seⁿ bû-hoa-kó? Án-ne, kiâm ê chúi-goân mā bē lâu chhut chiáⁿ-chúi! | 註釋 串珠 盧俊義 康來昌 字典 原文 典藏 |
3:13 | Tùi Siōng-tè Lâi ê Tì-hūiLín tiong-kan siáⁿ lâng ū tì-hūi kah kiàn-sek? Nā ū, tio̍h ēng chhiong-móa tì-hūi ê un-jiû, tī seng-oa̍h tiong piáu-hiān hó phín-hēng. | 註釋 串珠 盧俊義 康來昌 原文 典藏 |
3:14 | Lín sim-lāi nā ū ok-to̍k ê oàn-tò͘ kah sio-cheⁿ, chiū m̄ thang khoa-kháu, m̄ thang kóng pe̍h-chha̍t lâi ûi-pōe chin-lí. | 註釋 串珠 盧俊義 康來昌 原文 典藏 |
3:15 | Chit khoán ê tì-hūi m̄-sī tùi thiⁿ-téng lâi ê, sī sio̍k tī sè-kan, sio̍k tī hia̍t-khì, sio̍k tī Mô͘-kúi-ê. | 註釋 串珠 盧俊義 康來昌 原文 典藏 |
3:16 | In-ūi ū oàn-tò͘ kah sio-cheⁿ ê só͘-chāi, chiū ū jiáu-loān kah it-chhè ê siâ-ok. | 註釋 串珠 盧俊義 康來昌 原文 典藏 |
3:17 | Tùi téng-bīn lâi ê tì-hūi, tē-it sī sûn-kiat, koh lâi sī hô-pêng, un-jiû, iú-siān, chû-pi, kiat hó tek-hēng ê kóe-chí, bô phian-kiàn, mā bô gūi-siān. | 註釋 串珠 盧俊義 康來昌 原文 典藏 |
3:18 | Kong-gī sī hô-pêng só͘ kiat ê kóe-chí, sī tùi chhiok-chìn hô-pêng ê lâng só͘ iā ê chéng-chí sánseng ê. | 註釋 串珠 盧俊義 康來昌 原文 典藏 |