章節 | 全民台語聖經全羅經文 | 註釋 |
1:1 | Chhéng-anGóa — Iâ-kop, sī Siōng-tè kah Chú I-é-su Ki-tok ê lô͘-po̍k, beh kā só͘-ū sì-sòaⁿ tī ta̍k só͘-chāi ê Siōng-tè ê chú-bîn chhéng-an. | 註釋 串珠 盧俊義 康來昌 原文 典藏 |
1:2 | Sìn-gióng kah Tì-hūiHiaⁿ-tī chí-mōe, lín tú tio̍h chióng-chióng ê chhì-thàm ê sî, lóng tio̍h kā i siūⁿ-chò sī thang hoaⁿ-hí ê tāichì, | 註釋 串珠 盧俊義 康來昌 原文 典藏 |
1:3 | In-ūi góa chai, lín ê sìn-gióng keng-kòe khó-giām ē sán-seng jím-nāi. | 註釋 串珠 盧俊義 康來昌 原文 典藏 |
1:4 | Tio̍h jím-nāi kàu-té, chiah ē-tàng hō͘ lín ta̍t-kàu si̍p-choân si̍p-bí, bô siáⁿ-mi̍h khiàm-khoeh. | 註釋 串珠 盧俊義 康來昌 原文 典藏 |
1:5 | Lín tiong-kan nā ū lâng khiàm-khoeh tì-hūi, tio̍h tùi Siōng-tè kî-kiû, in-ūi Siōng-tè chin khóng-khài koh chû-pi teh siúⁿ-sù chèng lâng. | 註釋 串珠 盧俊義 康來昌 原文 典藏 |
1:6 | To̍k-to̍k lín tio̍h khò sìn-sim lâi kiû, m̄ thang giâu-gî; in-ūi giâu-gî ê lâng, ná chhin-chhiūⁿ hái-éng hō͘ hong sàu kah khí-khí lo̍h-lo̍h. | 註釋 串珠 盧俊義 康來昌 原文 典藏 |
1:7 | Chit khoán lâng bián siūⁿ kóng tùi Chú ū thang tit tio̍h siáⁿ-mi̍h, | 註釋 串珠 盧俊義 康來昌 原文 典藏 |
1:8 | In-ūi sam-sim lióng-ì ê lâng, bô-lūn chò siáⁿ-mi̍h lóng bô tēng-sèng. | 註釋 串珠 盧俊義 康來昌 原文 典藏 |
1:9 | Sàn-chhiah kah Hù-kùiPi-bî ê hiaⁿ-tī nā tit tio̍h Siōng-tè kā i thê-seng sin-hūn, eng-kai tio̍h in-ūi ánne lâi khoa-kháu; | 註釋 串珠 盧俊義 康來昌 原文 典藏 |
1:10 | Hó-gia̍h ê lâng nā hō͘ Siōng-tè kàng kē sin-hūn, mā tio̍h ánne, in-ūi lâng ê hù-kùi ē chhin-chhiūⁿ iá-hoe siā-.khì. | 註釋 串珠 盧俊義 康來昌 原文 典藏 |
1:11 | Ji̍t-thâu chi̍t-ē chhut, sio hong chi̍t ē chhoe, chháu-ba̍k chiū ta-.khì, hoe mā siā-.khì, i ê súi chiū siau-sit; hó-gia̍h lâng bô-êng phun-pho, mā ē ánne siau-sit-.khì. | 註釋 串珠 盧俊義 康來昌 原文 典藏 |
1:12 | Chhì-liān kah Iú-he̍kJím-siū chhì-liān ê lâng ū hok-khì, in-ūi keng-kòe chhì-liān chiū ē tit tio̍h oa̍h-miā; che sī Siōng-tè èng-ín beh hō͘ thiàⁿ I ê lâng ê bián-liû. | 註釋 串珠 盧俊義 康來昌 字典 原文 典藏 |
1:13 | Tú tio̍h chhì-liān ê lâng m̄ thang kóng, " Góa hō͘ Siōng-tè iú-he̍k ", in-ūi Siōng-tè bē siū siâ-ok iú-he̍k, I kakī mā bē iú-he̍k lâng. | 註釋 串珠 盧俊義 康來昌 原文 典藏 |
1:14 | Lâng lóng sī hō͘ kakī ê su-io̍k iú-he̍k. | 註釋 串珠 盧俊義 康來昌 原文 典藏 |
1:15 | Su-io̍k hoâi-īn chiū seⁿ-chhut chōe-ok, chōe-ok tióng-sêng liáu-āu chiū seⁿ-chhut sí-bông. | 註釋 串珠 盧俊義 康來昌 原文 典藏 |
1:16 | Chhin-ài ê hiaⁿ-tī chí-mōe, m̄ thang hō͘ lâng khi-phiàn. | 註釋 串珠 盧俊義 康來昌 原文 典藏 |
1:17 | It-chhè bí-hó ê siúⁿ-sù kah oân-choân ê un-sù lóng sī tùi thiⁿ-téng kng-bêng ê Thiⁿ-pē siúⁿ-sù ê; I éng-oán bē kái-piàn, mā bô tńg-se̍h ê iáⁿ-chiah. | 註釋 串珠 盧俊義 康來昌 原文 典藏 |
1:18 | Siōng-tè chiàu kakī ê chí-ì, ēng chin-lí ê tō lâi chō lán, hō͘ lán tī I só͘ chhòng-chō ê bān-mi̍h tiong-kan, ū siōng tiōng-iàu ê tē-ūi. | 註釋 串珠 盧俊義 康來昌 原文 典藏 |
1:19 | Thiaⁿ Tō-lí kah Kiâⁿ Tō-líChhin-ài ê hiaⁿ-tī chí-mōe, lín tio̍h ē kì-tit, ta̍k lâng tio̍h thiaⁿ lâng ê ì-kiàn, kóng-ōe tio̍h kín-sīn, m̄ thang khoài siū-khì. | 註釋 串珠 盧俊義 康來昌 原文 典藏 |
1:20 | In-ūi lâng ê siū-khì bē tàng si̍t-hiān Siōng-tè ê kong-gī. | 註釋 串珠 盧俊義 康來昌 原文 典藏 |
1:21 | Só͘-í, lín tio̍h tû-khì it-chhè ê pháiⁿ si̍p-koàn kah siâ-ok ê hêng-ûi, ēng un-jiû ê sim lâi chiap-la̍p hit-ê chèng tī lín ê sim-lāi, ē kiù lín lêng-hûn ê tō-lí. | 註釋 串珠 盧俊義 康來昌 原文 典藏 |
1:22 | Tio̍h si̍t-hiān tō-lí, m̄-sī khi-phiàn kakī kóng kantaⁿ thiaⁿ tō-lí to̍h hó. | 註釋 串珠 盧俊義 康來昌 原文 典藏 |
1:23 | Kan-taⁿ thiaⁿ tō-lí bô khì si̍t-hêng ê lâng, tú chhin-chhiūⁿ lâng tī kiàⁿ-.ni̍h siông-sè khòaⁿ i kakī ê bīn, | 註釋 串珠 盧俊義 康來昌 字典 原文 典藏 |
1:24 | Siông-sè khòaⁿ liáu-āu chiū chò i khì, sûi-sî bē kì-tit i seⁿ-chò siáⁿ-mi̍h khoán. | 註釋 串珠 盧俊義 康來昌 原文 典藏 |
1:25 | M̄ koh, chù-sîn chhâ-khó hit-ê hō͘ lâng tit tio̍h chū-iû ê lu̍t-hoat, koh kè-sio̍k chun-hêng ê lâng, it-tēng ē tit tio̍h Siōng-tè ê chiok-hok; in-ūi i ū si̍t-chāi khì chiàu tō-lí kiâⁿ, m̄-sī thiaⁿ-liáu chiū bē kì-.tit. | 註釋 串珠 盧俊義 康來昌 原文 典藏 |
1:26 | Nā ū lâng siūⁿ kóng kakī chin kèng-khiân, ā bô iok-sok kakī ê chhùi-chi̍h, he sī teh khi-phiàn kakī; chit chióng lâng ê kèng-khiân lóng bô chhái-kang. | 註釋 串珠 盧俊義 康來昌 原文 典藏 |
1:27 | Khòaⁿ-kò͘ khó͘-lān tiong ê ko͘-jî, kóaⁿ-hū, koh pó-siú kakī, bô hō͘ sè-sio̍k ê hú-pāi ù-jiám, tī Thiⁿ-pē Siōng-tè ê gán-tiong, che chiah sī chheng-khì bô lahsap ê kèng-khiân. | 註釋 串珠 盧俊義 康來昌 原文 典藏 |