章節 | 全民台語聖經全羅經文 | 註釋 |
10:1 | Ki-tok Chi̍t Pái Chiū Kàu-gia̍h ê Hi-seng Hiàn-chèKì-jiân lu̍t-hoat ū teh beh lâi ê hó tāichì ê iáⁿ, m̄-sī hó tāichì ê chin-siōng, só͘-í, bē tàng ta̍k nî ēng kāng-khoán ê chè-mi̍h, lâi hō͘ chhin-kīn Siōng-tè ê lô͘-po̍k tit tio̍h oân-choân. | 註釋 串珠 原文 典藏 |
10:2 | Kèng-pài Siōng-tè ê lô͘-po̍k nā ē-tàng chi̍t pái chiū sé-chheng i ê chōe, liông-sim bô koh ū chōe ê ì-sek, chiū m̄-bián koh-chài hiàn chè. | 註釋 串珠 原文 典藏 |
10:3 | Kî-si̍t ta̍k nî só͘ hiàn ê chè-mi̍h, ē hō͘ lâng koh siūⁿ-khí in ê chōe. | 註釋 串珠 原文 典藏 |
10:4 | In-ūi gû kah iûⁿ ê hoeh, bē tàng tû-khì lâng ê chōe. | 註釋 串珠 字典 原文 典藏 |
10:5 | Só͘-í, I-é-su lâi-kàu sè-kan ê sî, ū tùi Siōng-tè kóng, chè-sū kah lé-mi̍h Lí bô ài, Lí ū kā góa chún-pī seng-khu. | 註釋 串珠 原文 典藏 |
10:6 | Sio-chè kah sio̍k-chōe-chè, Lí bô kah-ì. | 註釋 串珠 原文 典藏 |
10:7 | Hit sî, góa kóng, Siōng-tè ah, Lí khòaⁿ, góa lâi sī beh chiàu Lí ê chí-ì lâi si̍t-hiān. Koan-hē góa ê tāichì ū kì-chài tī chheh-.ni̍h. (chù, SPh 40:6-8) | 註釋 串珠 字典 原文 典藏 |
10:8 | Téng-bīn I-é-su ū kóng kòe, " Chè-sū kah lé-mi̍h, sio-chè kah sio̍k-chōe-chè, Lí lóng bô ài, mā bô kah-ì. " Sûi-jiân chiahê lóng sī chiàu lu̍t-hoat lâi hiàn ê, I iáu koh ánne kóng. | 註釋 串珠 原文 典藏 |
10:9 | I-é-su āu-lâi koh kóng, " Lí khòaⁿ, góa lâi sī beh chiàu Lí ê chí-ì lâi si̍t-hiān. " Án-ne, Siōng-tè sī beh hùi-tû í-chêng ê hiàn chè, beh ēng Ki-tok ê hi-seng lâi tāi-thè. | 註釋 串珠 原文 典藏 |
10:10 | I-é-su Ki-tok chun-chiàu Siōng-tè ê chí-ì, chí-iàu chi̍t pái hiàn kakī ê seng-khu, chiū kàu-gia̍h hō͘ lán tit tio̍h sèng-hòa lâi kui-ǹg Siōng-tè. | 註釋 串珠 原文 典藏 |
10:11 | Iô-tá-iah lâng ê chè-si, ta̍k ji̍t khiā-teh ho̍k-sāi Siōng-tè, chi̍t pái koh chi̍t pái hiàn siâng-khoán ê chè, mā éng-oán bē tàng tû-khì jîn-lūi ê chōe. | 註釋 串珠 原文 典藏 |
10:12 | To̍k-to̍k Ki-tok hiàn chi̍t pái chiū éng-oán iú-hāu ê chè, jiân-āu chē tī Siōng-tè ê chiàⁿ pêng, | 註釋 串珠 原文 典藏 |
10:13 | Tī hia thèng-hāu Siōng-tè hō͘ I ê tùi-te̍k chò I ê kha-ta̍h. | 註釋 串珠 字典 原文 典藏 |
10:14 | Thong-kòe I-é-su chi̍t pái ê hiàn chè, hō͘ sèng-hòa kui sio̍k Chú ê lâng éng-oán oân-choân. | 註釋 串珠 原文 典藏 |
10:15 | Sèng Sîn mā í-keng kā lán chò-chèng; I tāi-seng ánne kóng, | 註釋 串珠 原文 典藏 |
10:16 | Chú kóng, Chiahê ji̍t liáu-āu, góa kah in só͘ beh li̍p ê iok sī ánne, góa beh kā góa ê lu̍t-hoat khǹg tī in ê sim, khek tī in ê thâu-náu. | 註釋 串珠 原文 典藏 |
10:17 | I kè-sio̍k kóng, " Góa choa̍t-tùi bô koh kì-tit in ê chōe-ok kah put-gī. " (chù, ILM 31:33-34) | 註釋 串珠 原文 典藏 |
10:18 | Kì-jiân chōe tit í-keng tit tio̍h sià-bián, chiū bián koh hiàn sio̍k-chōe-chè. | 註釋 串珠 原文 典藏 |
10:19 | Lán lâi Chhin-kīn Siōng-tèSó͘-í, hiaⁿ-tī chí-mōe, lán óa-khò I-é-su ê lâu hoeh sí-bông, chiū ē-tàng hó-táⁿ chìn-ji̍p chì-sèng-só͘. | 註釋 串珠 字典 原文 典藏 |
10:20 | I-é-su thong-kòe tiùⁿ-lî, to̍h-sī I kakī ê seng-khu, ūi lán khui chi̍t tiâu sin ê oa̍h-lō͘. | 註釋 串珠 字典 原文 典藏 |
10:21 | Lán í-keng ū chi̍t ūi tōa-chè-si teh tī-lí Siōng-tè ê ke. | 註釋 串珠 字典 原文 典藏 |
10:22 | Lán ê sim í-keng siū kiat-chēng, lóng bô liông-sim ê chek-pī, seng-khu mā í-keng ēng chúi sé chheng-khì, ánne lán tio̍h ēng sêng-si̍t kah kian-tēng ê sìn-gióng-lâi chhin-kīn Siōng-tè. | 註釋 串珠 原文 典藏 |
10:23 | Lán tio̍h kian-chhî kong-khai sêng-jīn ê ǹg-bāng, in-ūi Siōng-tè ê èng-ín sī sìn-si̍t khó-khò ê. | 註釋 串珠 原文 典藏 |
10:24 | Lán tio̍h hō͘-siong koan-hoâi lâi kek-lē thiàⁿ-sim kah chò hó sū. | 註釋 串珠 原文 典藏 |
10:25 | M̄-thang o̍h chi̍t-kóa lâng thêng-chí chū-hōe, tio̍h hō͘-siōng khoàn-bián. Kì-jiân í-keng chai Chú chài-lîm ê ji̍t teh beh kàu, koh khah tio̍h ánne chò. | 註釋 串珠 原文 典藏 |
10:26 | Lán kì-jiân í-keng chin-chiàⁿ bat chin-lí, nā koh kò͘-ì hoān chōe, chiū bô koh ū thang sio̍k-chōe ê chè-mi̍h; | 註釋 串珠 原文 典藏 |
10:27 | Chí-ū ēng kiaⁿ-hiâⁿ ê sim lâi thèng-hāu sím-phòaⁿ, í-ki̍p hit-ê teh beh thun-bia̍t kah Siōng-tè chò tùi-te̍k ê lâng ê lia̍t-hóe. | 註釋 串珠 原文 典藏 |
10:28 | Ûi-pōe Mô͘-se lu̍t-hoat ê lâng, nā ū nn̄g saⁿ-ê lâng chò-chèng, chiū thang kā i chhú sí-hêng, bián kā i liân-bín. | 註釋 串珠 原文 典藏 |
10:29 | Nā ánne kóng-khí-.lâi, hiahê thún-ta̍h Siōng-tè ê Kiáⁿ, biáu-sī hō͘ in pún-sin sèng-hòa kui Chú ê iok ê hoeh, koh bú-jio̍k si un ê Sèng Sîn ê lâng, lín siūⁿ in eng-kai siū ê hêng-hoa̍t tio̍h ke gōa tāng? | 註釋 串珠 原文 典藏 |
10:30 | Lán chai siáⁿ lâng ū kóng, " Sin-oan chāi góa, góa beh pò-èng. " (chù, SBK 32:35) Koh kóng, " Chú beh sím-phòaⁿ I ê chú-bîn. " (chù, SBK 32:36; SPh 135:14) hit ūi sī siáⁿ lâng? | 註釋 串珠 原文 典藏 |
10:31 | Hām-lo̍h tī éng-oán oa̍h ê Siōng-tè ê chhiú, si̍t-chāi chin thang kiaⁿ! | 註釋 串珠 原文 典藏 |
10:32 | Lín tio̍h ē kì-tit kòe-.khì ê ji̍t-chí. Lín hō͘ kng chiò tio̍h liáu-āu, ū jím-siū kau-chiàn ê thòng-khó͘; | 註釋 串珠 原文 典藏 |
10:33 | Ū sî hō͘ lâng kong-khai bú-jio̍k kah hì-lāng, á-.sī kah pa̍t lâng tâng siū khó͘-lān. | 註釋 串珠 原文 典藏 |
10:34 | Lín ū thé-thiap siū koaiⁿ-kaⁿ ê lâng, lín mā ū lún siū lâng chhiúⁿ-toa̍t lín ê sán-gia̍p, in-ūi lín chai kakī ū koh khah hó koh kú-tn̂g ê sán-gia̍p. | 註釋 串珠 原文 典藏 |
10:35 | Só͘-í, m̄ thang sit-khì lín ê ióng-khì, in-ūi chit-ê ióng-khì ē hō͘ lín tōa pò-siúⁿ. | 註釋 串珠 原文 典藏 |
10:36 | Lín iàu-kín ê sī tio̍h ū nāi-sim, chiah ē-tàng si̍t-hiān Siōng-tè ê chí-ì, thang niá-siū I só͘ èng-ín ê hok-khì. | 註釋 串珠 原文 典藏 |
10:37 | In-ūi keng-tián kóng, Koh chi̍t-sî-á kú, Hitê teh beh lâi ê ē kàu, bē iân-chhiân. | 註釋 串珠 原文 典藏 |
10:38 | Góa ê chú-bîn ē thong-kòe sìn-sim lâi tit tio̍h oa̍h-miā. M̄ koh, i nā kiâⁿ hoan-thâu, góa ē bô kah-ì i. " (chù, HPK 2:3-4) | 註釋 串珠 原文 典藏 |
10:39 | Chóng-.sī, lán m̄-sī kiaⁿ tio̍h lâi kiâⁿ hoan-thâu, tì-sú tîm-lûn ê lâng, lán sī ū sìn-sim lâi tit-kiù ê lâng. | 註釋 串珠 原文 典藏 |