章節 | 全民台語聖經全羅經文 | 註釋 |
9:1 | Tē chiūⁿ kah Thiⁿ téng ê Kèng-pàiThâu chi̍t-ê iok mā ū lé-pài ê kui-tēng kah sio̍k sè-kan ê sèng-tiān. | 註釋 串珠 字典 原文 典藏 |
9:2 | Ū tah hó-sè ê hōe-bō͘, thâu-chêng keng kiò-chò sèng-só͘, hit lāi-bīn ū teng-tâi, toh-á kah pâi-lia̍t ê piáⁿ. | 註釋 串珠 字典 原文 典藏 |
9:3 | Tē-jī-ê tiùⁿ-lî āu-bīn koh ū hōe-bō͘, kiò-chò chì-sèng-só͘. | 註釋 串珠 字典 原文 典藏 |
9:4 | Hit lāi-bīn ū kim-hiuⁿ-tôaⁿ kah choân-pō͘ pau-kim ê iok-kūi, kūi lāi ū khǹg má-ná ê kim-ô͘, A-lông puh-gê ê koái-á kah nn̄g tè iok ê chio̍h-pán. | 註釋 串珠 字典 原文 典藏 |
9:5 | Iok-kūi ê téng-bīn ū êng-kng ê ki-lō͘-peng, in ê siang si̍t jia-khàm si un chō. Koan-hē chiahê tāichì, góa chitmá bē tàng siông-sè kóng bêng. | 註釋 串珠 字典 原文 典藏 |
9:6 | Chiahê mi̍h-kiāⁿ ánne an-pâi hó-sè, chè-si ta̍k ji̍t ji̍p-khì thâu-chêng keng ê sèng-só͘, kí-hêng lé-pài ê gî-sek. | 註釋 串珠 字典 原文 典藏 |
9:7 | Āu-bīn hit keng chì-sèng-só͘, chí ū tōa-chè-si ta̍k nî chi̍t pái kakī ji̍p-.khì, ta̍k pái tio̍h tòa hoeh ji̍p-.khì, ūi tio̍h i pún-sin kah jîn-bîn bô-ì-tiong hoān ê chōe lâi hiàn chè. | 註釋 串珠 原文 典藏 |
9:8 | Sèng Sîn chiá tio̍h ánne ê an-pâi lâi chí-bêng, hōe-bō͘ thâu-chêng keng nā iáu chûn-chāi, ji̍p-khì chì-sèng-só͘ ê mn̂g chiū iáu-bōe khui. | 註釋 串珠 字典 原文 典藏 |
9:9 | Hōe-bō͘ ê thâu-chêng keng sī teh phì-jū hiān-sè, chiàu ánne teh hiàn lé-mi̍h kah chè-sū, bē tàng hō͘ lé-pài ê lâng liông-sim chheng-pe̍h. | 註釋 串珠 原文 典藏 |
9:10 | Chiahê lé-gî kantaⁿ koan-hē lim-chia̍h kah ta̍k chióng ê kiat-chēng-lé, sī sio̍k gōa-piáu ê kui-lē, che kantaⁿ sek-iōng kàu Siōng-tè oân-sêng it-chhè ê kái-kek ûi-chí. | 註釋 串珠 原文 典藏 |
9:11 | Taⁿ Ki-tok í-keng kàu à, I chò tōa-chè-si koh ū oân-sêng hiahê hó tāichì. I keng-kòe khah tōa koh khah oân-choân ê hōe-bō͘, m̄-sī lâng ê chhiú só͘ khí-chō ê, m̄-sī sio̍k tī chit sè-kan ê hōe-bō͘. | 註釋 串珠 字典 原文 典藏 |
9:12 | I chí ū chi̍t pái chìn-ji̍p chì-sèng-só͘, m̄-sī ēng iûⁿ kah gû-á ê hoeh, sī ēng kakī ê hoeh, chi̍t pái to̍h ūi tio̍h lán jîn-lūi oân-sêng éng-oán ê kiù-sio̍k. | 註釋 串珠 字典 原文 典藏 |
9:13 | Nā kā gû á-.sī iûⁿ ê hoeh kah gû-bó-á ê kut-hu hiù tī bô chheng-khì ê lâng ê sin chiūⁿ, to ē hō͘ in sèng-hòa chheng-khì, | 註釋 串珠 字典 原文 典藏 |
9:14 | Hô-hòng Ki-tok sī thong-kòe éng-oán ê Sèng Sîn, hiàn I kakī bô khoat-tiám ê pún-sin hō͘ Siōng-tè; I ê hoeh kám bô koh khah hō͘ lán ê liông-sim chheng-khì, thang thoat-lī sí-bông ê hêng-ûi, lâi ho̍k-sāi éng-oán oa̍h ê Siōng-tè? | 註釋 串珠 原文 典藏 |
9:15 | Ki-tok ê Hi-seng kah Sin-iokIn-ūi ánne, Ki-tok chò Sin-iok ê tiong-pó, ēng kakī ê sí lâi sio̍k-hôe, tī í-chêng ê iok kî-kan só͘ hoān ê chōe, thang hō͘ hiahê siū Siōng-tè ho͘-tiàu ê lâng, niá-siū I só͘ èng-ín éng-oán ê sán-gia̍p. | 註釋 串珠 原文 典藏 |
9:16 | Koan-hē ûi-chiok, it-tēng tio̍h seng chèng-si̍t li̍p ûi-chiok ê lâng í-keng kòe sin. | 註釋 串珠 原文 典藏 |
9:17 | In-ūi ûi-chiok tio̍h ài li̍p ûi-chiok ê lâng í-keng kòe sin chiah ū hāu. Li̍p ûi-chiok ê lâng nā iáu oa̍h-.leh, hit-ê ûi-chiok chiū bô hāu-le̍k. | 註釋 串珠 原文 典藏 |
9:18 | Só͘-í, liân thâu chi̍t-ê iok mā tio̍h ēng hoeh lâi siat-li̍p. | 註釋 串珠 原文 典藏 |
9:19 | Mô͘-se chiàu lu̍t-hoat kā só͘-ū ê kài-bēng thoân hō͘ jîn-bîn liáu-āu, chiū phâng gû-á kah iûⁿ ê hoeh, í-ki̍p chúi chham chu-âng sek ê mî kah gû-chhek-chháu, lâi hiù hit pún lu̍t-hoat ê chheh kah chèng lâng, kóng, | 註釋 串珠 字典 原文 典藏 |
9:20 | " Che sī iok ê hoeh, Siōng-tè bēng-lēng lín tio̍h chun-siú. " (chù, CAG 24:8) | 註釋 串珠 原文 典藏 |
9:21 | Koh chiàu ánne, ēng hoeh hiù tòa hōe-bō͘ kah lé-pài sú-iōng ê khì-kū téng-bīn. | 註釋 串珠 字典 原文 典藏 |
9:22 | Chiàu lu̍t-hoat lâi kóng, ta̍k hāng mi̍h chha-put-to lóng sī ēng hoeh hō͘ i chheng-khì, nā bô lâu hoeh, chiū bô sià chōe. | 註釋 串珠 原文 典藏 |
9:23 | Ki-tok ê Hi-seng Chhat-siau Jîn-lūi ê ChōeChiàu thiⁿ-téng ê khoán-sit só͘ hóng-chō ê mi̍h it-tēng tio̍h ánne lâi hō͘ i chheng-khì; tī thiⁿ-téng ê goân-mi̍h, tio̍h ēng pí che koh khah hó ê chè-mi̍h lâi hō͘ i chheng-khì. | 註釋 串珠 原文 典藏 |
9:24 | In-ūi Ki-tok m̄-sī ji̍p-khì lâng ê chhiú bô͘-hóng chin sèng-só͘ só͘ chō ê sèng-só͘, I sī ji̍p-khì thiⁿ-téng ê chin sèng-só͘, taⁿ ūi tio̍h lán hián-hiān tī Siōng-tè ê bīn-chêng. | 註釋 串珠 字典 原文 典藏 |
9:25 | Iô-tá-iah lâng hiahê tōa-chè-si, ta̍k nî tio̍h ēng gû kah iûⁿ ê hoeh ji̍p-khì chì-sèng-só͘; Ki-tok m̄-bián chi̍t pái koh chi̍t pái hiàn kakī pún-sin. | 註釋 串珠 字典 原文 典藏 |
9:26 | Nā tio̍h chi̍t pái koh chi̍t pái hiàn, Ki-tok tùi chhòng-chō sè-kan í-lâi, tio̍h chi̍t pái koh chi̍t pái siū khó͘. M̄ koh, taⁿ tī chit sè-tāi ê lō͘-bóe, Ki-tok kantaⁿ chhut-hiān chi̍t pái, ēng pún-sin hiàn chò chè, lâi siau-tû jîn-lūi ê chōe. | 註釋 串珠 原文 典藏 |
9:27 | Chiàu só͘ chù-tiāⁿ, lâng lóng tio̍h sí chi̍t pái, sí-āu ū Siōng-tè ê sím-phòaⁿ. | 註釋 串珠 原文 典藏 |
9:28 | Chhin-chhiūⁿ ánne, Ki-tok í-keng ū chi̍t pái hiàn kakī ê sèⁿ-miā lâi tam-tng chèng lâng ê chōe. I ē tē-jī pái chhut-hiān, m̄-sī beh tùi-hù chōe, sī beh chín-kiù hiahê pek-chhiat teh thèng-hāu I chài-lîm ê lâng. | 註釋 串珠 原文 典藏 |