章節 | 全民台語聖經全羅經文 | 註釋 |
7:1 | Mal-ki-che-tek Chè-siChit-ê Mal-ki-che-tek sī Sâ-liám ông, mā sī chì-koân Siōng-tè ê chè-si. A-bu-la-hàm thâi-iâⁿ lia̍t ông tńg-.lâi ê sî, Mal-ki-che-tek ū khì kā i gêng-chiap koh kā i chiok-hok. | 註釋 串珠 原文 典藏 |
7:2 | A-bu-la-hàm ū kā it-chhè só͘ tit tio̍h ê cha̍p-hūn chi-it hō͘ i. ( Mal-ki-che-tek chit-ê miâ ê ì-sù sī " Chèng-gī ê ông ", i koh sī Sâ-liám ông, chit-ê miâ mā ū " Pêng-an-ông " ê ì-sù. ) | 註釋 串珠 原文 典藏 |
7:3 | Bô Mal-ki-che-tek ê cho̍k-phó͘ thang chai i ê pē-bú sī siáⁿ-mi̍h lâng, mā bô i chhut-sì kah sí-bông ê kì-chài. I kah Siōng-tè ê Kiáⁿ kāng-khoán, kú-tn̂g teh chò chè-si. | 註釋 串珠 原文 典藏 |
7:4 | Lín khòaⁿ, chit-ê lâng ū gōa-ni̍h úi-tāi! Liân lán ê sian-chó͘ A-bu-la-hàm to tio̍h kā só͘ tit tio̍h siōng-téng ê mi̍h thiu cha̍p-hūn chi-it hiàn hō͘ i. | 註釋 串珠 原文 典藏 |
7:5 | Hiahê tam-tng chè-si-chit ê Lē-bī ê kiáⁿ-sun, sûi-jiân kah I-su-la-el jîn-bîn lóng sī A-bu-la-hàm ê kiáⁿ-sun, pêⁿ-pêⁿ sī hiaⁿ-tī, iáu koh tio̍h hōng bēng-lēng, chiàu lu̍t-hoat tùi jîn-bîn cheng-siu in siu-ji̍p ê cha̍p-hūn chi-it. | 註釋 串珠 原文 典藏 |
7:6 | Chóng-.sī, Mal-ki-che-tek m̄-sī sio̍k Lē-bī ê sè-hē, i ū tùi A-bu-la-hàm the̍h cha̍p-hūn chi-it, koh kā tit tio̍h Siōng-tè èng-ín ê A-bu-la-hàm chiok-hok. | 註釋 串珠 原文 典藏 |
7:7 | Sī-sè siū sī-tōa ê chiok-hok sī lí-só͘-tong-jiân. | 註釋 串珠 原文 典藏 |
7:8 | Hiahê cheng-siu cha̍p-hūn chi-it ê lóng sī ē sí ê lâng; m̄ koh, kāng-khoán ū siu cha̍p-hūn chi-it ê Mal-ki-che-tek, keng-tián chèng-si̍t i iáu oa̍h-.leh. | 註釋 串珠 原文 典藏 |
7:9 | Án-ne, lán mā thang kóng, liân kā jîn-bîn cheng-siu cha̍p-hūn chi-it ê Lē-bī, mā bat thong-kòe A-bu-la-hàm lâi la̍p cha̍p-hūn chi-it. | 註釋 串珠 原文 典藏 |
7:10 | In-ūi Mal-ki-che-tek gêng-chiap A-bu-la-hàm ê sî, Lē-bī iáu-bōe chhut-sì. | 註釋 串珠 原文 典藏 |
7:11 | I-su-la-el lâng ê lu̍t-hoat, sī kin-kì Lē-bī cho̍k ê chè-si chè-tō͘ pan-pò͘. Nā tùi chit-ê chè-tō͘ ē-tàng hō͘ lâng tit tio̍h oân-choân, chiū m̄-bián lēng-gōa koh siat-li̍p chi̍t-ê Mal-ki-che-tek hē-thóng ê chè-si, m̄-sī chiàu A-lông hē-thóng lâi siat-li̍p ê. | 註釋 串珠 原文 典藏 |
7:12 | Chè-si chè-tō͘ kì-jiân ū kái-piàn, lu̍t-hoat mā tio̍h kái-piàn. | 註釋 串珠 原文 典藏 |
7:13 | In-ūi chiahê tāichì só͘ chí hit ūi, sī sio̍k tī pa̍t-ê chi-cho̍k, in m̄ bat ū lâng tī chè-tôaⁿ chêng ho̍k-sāi. | 註釋 串珠 字典 原文 典藏 |
7:14 | Lán ê Chú bêng-bêng sī Iô-tah chi-cho̍k ê kiáⁿ-sun; koan-hē chit-ê chi-cho̍k, Mô͘-se m̄ bat thê-khí in ū chè-si ê chit-hūn. | 註釋 串珠 原文 典藏 |
7:15 | Lēng-gōa Chi̍t Ūi Chhin-chhiūⁿ Mal-ki-che-tek ê Chè-siTaⁿ góa teh kóng ê tāichì koh khah bêng-hián, in-ūi lēng-gōa chi̍t ūi chhin-chhiūⁿ Mal-ki-che-tek ê chè-si í-keng chhut-hiān. | 註釋 串珠 原文 典藏 |
7:16 | chit ūi chè-si m̄-sī kin-kì lâng ê kui-chek á-.sī tiâu-lē lâi siat-li̍p, sī chiàu bē húi-hoāi ê oa̍h-miā ê koân-lêng. | 註釋 串珠 原文 典藏 |
7:17 | In-ūi keng-tián ū ánne chò-chèng kóng, chiàu Mal-ki-che-tek ê pâi-pan sūn-sū, Lí éng-oán chò chè-si. (chù, SPh 110:4) | 註釋 串珠 原文 典藏 |
7:18 | Kū ê tiâu-lē in-ūi bô la̍t koh bô lō͘-ēng, soah siū hùi-tû. | 註釋 串珠 原文 典藏 |
7:19 | Mô͘-se ê lu̍t-hoat bô hoat-tō͘ sêng-choân pòaⁿ-hāng tāichì. Lēng-gōa chi̍t hong-bīn, koh khah hó ê ǹg-bāng í-keng chún-pī hó-sè, hō͘ lán thang thong-kòe I lâi chhin-kīn Siōng-tè. | 註釋 串珠 原文 典藏 |
7:20 | Chit-hāng tāichì mā ū thong-kòe Siōng-tè ê chiùchōa lâi siat-li̍p; Lē-bī hē-thóng chè-si ê siat-li̍p pēng bô thong-kòe chiùchōa. | 註釋 串珠 原文 典藏 |
7:21 | Chí-ū chit-ê I-é-su siū siat-li̍p chò chè-si ū keng-kòe chiùchōa. Kā I siat-li̍p ê Siōng-tè ū tùi I kóng, Chú kì-jiân chiùchōa, chiū bē kái-piàn sim-ì; Lí éng-oán chò chè-si. (chù, SPh 110:4) | 註釋 串珠 原文 典藏 |
7:22 | Chiū-sī in-ūi chit-ê chha-pia̍t, I-é-su chiâⁿ-chò koh khah hó ê iok ê pó-chèng-jîn. | 註釋 串珠 原文 典藏 |
7:23 | Lēng-gōa koh ū chi̍t-ê chha-pia̍t, Lē-bī hē-thóng chò chè-si ê lâng chin chē, in-ūi sí-bông ê chó͘-tòng, soah bē tàng kú-tn̂g chò chè-si. | 註釋 串珠 原文 典藏 |
7:24 | Chí-ū I-é-su m̄-bián kā chè-si ê chit kau hō͘ pa̍t lâng, in-ūi I éng-oán oa̍h-.leh. | 註釋 串珠 原文 典藏 |
7:25 | Só͘-í, thong-kòe I-é-su lâi-kàu Siōng-tè ê bīn-chêng ê lâng, I put-sî to ē-tàng kā in chín-kiù, in-ūi I éng-oán oa̍h-.leh, lâi thè in tùi Siōng-tè kî-kiû. | 註釋 串珠 原文 典藏 |
7:26 | Chit khoán ê tōa-chè-si tú ha̍h lán ê su-iàu; I sī sèng-kiat, bô chò pháiⁿ, bô lahsap, tùi chōe-jîn tiong-kan hun-pia̍t chhut-.lâi, pī ko-seng kàu pí thiⁿ khah koân. | 註釋 串珠 原文 典藏 |
7:27 | I m̄-bián chhin-chhiūⁿ kî-tha ê tōa-chè-si, tio̍h ta̍k ji̍t tāi-seng ūi tio̍h kakī ê chōe hiàn chè, āu-lâi chiah koh ūi tio̍h jîn-bîn ê chōe hiàn chè. I hiàn pún-sin chò chè, chi̍t pái chiū oân-sêng. | 註釋 串珠 原文 典藏 |
7:28 | Mô͘-se ê lu̍t-hoat siat-li̍p bô oân-choân ê lâng chò tōa-chè-si; m̄ koh ū lu̍t-hoat liáu-āu, Siōng-tè ēng chiùchōa lâi siat-li̍p I ê Kiáⁿ, hō͘ I éng-oán chò oân-choân ê tōa-chè-si. | 註釋 串珠 原文 典藏 |