章節 | 全民台語聖經全羅經文 | 註釋 |
6:1 | Tui-kiû Sêng-se̍k ê Sìn-gióngSó͘-í, lán m̄ thang thêng-liû tī Ki-tok ê chho͘-pō͘ tō-lí, tio̍h hiòng chêng kiû chìn-pō͘, kàu oân-choân sêng-se̍k ê thêng-tō͘; lán bián koh-chài ēng thoat-lī sí-bông ê hêng-ûi lâi sìn Siōng-tè, | 註釋 串珠 原文 典藏 |
6:2 | Chhin-chhiūⁿ sé-lé, hōaⁿ-chhiú, sí-lâng koh-oa̍h kah éng-oán ê sím-phòaⁿ téng-téng ê kà-sī. | 註釋 串珠 原文 典藏 |
6:3 | Siōng-tè nā ín-chún, goán chiū beh ánne chò. | 註釋 串珠 原文 典藏 |
6:4 | Hiahê pōe-kàu ê lâng bat chiò tio̍h Siōng-tè ê kng, bat tam tio̍h sio̍k-thiⁿ ê un-sù, mā ū hun-hióng tio̍h Sèng Sîn, | 註釋 串珠 原文 典藏 |
6:5 | Koh bat thé-giām Siōng-tè ê ōe ê hó-chhù, mā bat kám-siū teh beh lâi ê sè-kài ê koân-lêng. | 註釋 串珠 原文 典藏 |
6:6 | Án-ne, in iáu koh pōe-kàu! Chit khoán lâng bô hoat-tō͘ hō͘ in hóe-kái kiâⁿ tò tńg-.lâi, in-ūi in koh kā Siōng-tè ê Kiáⁿ tèng si̍p-jī-kè, kong-jiân kā I bú-jio̍k. | 註釋 串珠 字典 原文 典藏 |
6:7 | Thó͘-tē put-sî teh khip-siu tùi thiⁿ lo̍h-.lâi ê hō͘-chúi lâi seng-sán chhài-se, tùi choh-sit lâng ū lō͘-ēng, che to̍h-sī Siōng-tè ê chiok-hok. | 註釋 串珠 原文 典藏 |
6:8 | M̄ koh, thó͘-tē nā seⁿ chháu-chhì á kah cha̍p-chháu, chiū bô lō͘-ēng, ē sûi-sî hō͘ lâng chiù-chó͘, chòe-āu to̍h-sī pàng hóe sio. | 註釋 串珠 字典 原文 典藏 |
6:9 | Só͘ thiàⁿ ê hiaⁿ-tī chí-mōe! Goán sûi-jiân ánne kóng, m̄ koh, goán khak-sìn lín ê chêng-hêng pí goán só͘ kóng ê khah hó, lín ē-tàng tit-kiù. | 註釋 串珠 原文 典藏 |
6:10 | Siōng-tè m̄-sī bô kong-tō, I it-tēng ē kì-tit lín só͘ chò ê kang-chok, to̍h-sī lín ūi tio̍h I ê miâ, kè-sio̍k teh ho̍k-bū sìn-tô͘ só͘ piáu-hiān ê thiàⁿ-sim. | 註釋 串珠 原文 典藏 |
6:11 | Góa ài lín ta̍k lâng tùi-thâu kàu-bóe pó-chhî jia̍t-sim, hō͘ lín só͘ ǹg-bāng ê it-chhè lóng oân-choân si̍t-hiān. | 註釋 串珠 原文 典藏 |
6:12 | M̄-thang pîntōaⁿ, tio̍h o̍h hiahê tùi sìn kah thun-lún lâi sêng-chiap Siōng-tè èng-ín ê lâng. | 註釋 串珠 原文 典藏 |
6:13 | Siōng-tè Khak-si̍t ê Èng-ínSiōng-tè èng-ín A-bu-la-hàm ê sî, in-ūi bô pí I khah tōa ê thang kí lâi chiùchōa, I chiū kí kakī pún-sin lâi chiùchōa kóng, | 註釋 串珠 原文 典藏 |
6:14 | " Góa it-tēng beh kā lí sù-hok, beh ke-thiⁿ kiáⁿ-sun hō͘ lí. " (chù, CSK 22:17) | 註釋 串珠 原文 典藏 |
6:15 | A-bu-la-hàm gâu thun-lún, só͘-í, ū tit tio̍h Siōng-tè só͘ èng-ín ê. | 註釋 串珠 原文 典藏 |
6:16 | In-ūi lâng sī kí pí kakī khah tōa ê lâi chiùchōa, mā ēng chiùchōa chò tam-pó, lâi kái-koat lâng kah lâng tiong-kan ê cheng-chip. | 註釋 串珠 原文 典藏 |
6:17 | Siōng-tè ài hiahê sêng-chiap èng-ín ê lâng khak-si̍t chai I ê kè-ōe bē kái-piàn, chiah ēng chiùchōa lâi chò pó-chèng. | 註釋 串珠 原文 典藏 |
6:18 | Siōng-tè ê èng-ín kah chiùchōa, chit nn̄g hāng tāichì lóng bē kái-piàn, in-ūi I bē kóng pe̍h-chha̍t. Só͘-í hō͘ lán chiahê tô-phiah lâi kiû pó-hō͘ ê lâng, tit tio̍h chin tōa ê kó͘-lē, lâi chhî-siú lán thâu-chêng ê ǹg-bāng. | 註釋 串珠 原文 典藏 |
6:19 | Lán ū chit-ê ǹg-bāng, chhin-chhiūⁿ sèⁿ-miā ê tiāⁿ pha tī sèng-só͘ ê tiùⁿ-lî lāi, an-choân koh khó-khò. | 註釋 串珠 字典 原文 典藏 |
6:20 | I-é-su chò lán ê sian-hong, í-keng ūi tio̍h lán ji̍p-khì hia, chiàu Mal-ki-che-tek ánne, chiâⁿ-chò éng-oán ê tōa-chè-si. | 註釋 串珠 原文 典藏 |