章節 | 全民台語聖經全羅經文 | 註釋 |
3:1 | I-é-su Pí Mô͘-se khah Úi-tāiPêⁿ-pêⁿ siū Siōng-tè soán-tiàu, chiâⁿ-chò Ki-tok-tô͘ ê hiaⁿ-tī chí-mōe, lín tio̍h chhim-chhim su-khó hit ūi lán só͘ sêng-jīn chò sù-chiá koh chò tōa-chè-si ê I-é-su. | 註釋 串珠 原文 典藏 |
3:2 | I-é-su tùi kā I siat-li̍p ê Siōng-tè chīn-tiong, tú chhin-chhiūⁿ Mô͘-se tī Siōng-tè ê ke chīn-tiong. | 註釋 串珠 字典 原文 典藏 |
3:3 | Khí-chhù ê lâng pí i só͘ khí ê chhù khah chun-kùi; ánne, I-é-su pí Mô͘-se tio̍h siū koh khah tōa ê êng-kng. | 註釋 串珠 原文 典藏 |
3:4 | Só͘-ū ê chhù lóng sī lâng khí ê, to̍k-to̍k Siōng-tè chhòng-chō bān-mi̍h. | 註釋 串珠 原文 典藏 |
3:5 | Mô͘-se chò lô͘-po̍k, tùi Siōng-tè ê choân ke chīn-tiong, ūi tio̍h Siōng-tè āu-lâi beh kóng ê tāichì chò-chèng. | 註釋 串珠 字典 原文 典藏 |
3:6 | Chóng-.sī, Ki-tok chò Kiáⁿ lâi tī-lí Siōng-tè ê ke; lán nā chhî-siú só͘ gióng-bōng ê sìn-liām kah ióng-khì, lán to̍h-sī Siōng-tè chhù lāi ê lâng. | 註釋 串珠 原文 典藏 |
3:7 | Siōng-tè Chú-bîn ê An-hiohSó͘-í, chiàu Sèng Sîn só͘ kóng, kin-á-ji̍t lín nā thiaⁿ tio̍h Siōng-tè ê siaⁿ, | 註釋 串珠 原文 典藏 |
3:8 | Chiū m̄ thang ngē lín ê sim, chhin-chhiūⁿ lín ê chó͘-sian pōe-ge̍k ê sî, tī khòng-iá teh chhì-thàm Siōng-tè. " | 註釋 串珠 原文 典藏 |
3:9 | Siōng-tè kóng, " Lín ê chó͘-sian tī khòng-iá sì-cha̍p nî, sûi-jiân ū khòaⁿ tio̍h góa ê chok-ûi, iû-goân tī hia khó-giām góa, koh chhì-thàm góa. | 註釋 串珠 原文 典藏 |
3:10 | Só͘-í, góa bô hoaⁿ-hí hit tāi ê lâng; góa kóng, " In ê sim tiāⁿtiāⁿ sit-bê, in m̄ bat góa ê tō-lō͘. " | 註釋 串珠 字典 原文 典藏 |
3:11 | Góa tī siū-khì tiong chiùchōa kóng, In choa̍t-tùi bē tàng tit tio̍h góa siúⁿ-sù ê an-hioh. " (chù, SPh 95:7-11) | 註釋 串珠 原文 典藏 |
3:12 | Hiaⁿ-tī chí-mōe, lín tio̍h kín-sīn, chiah bián-tit lín tiong-kan ū lâng sim-su pāi-hoāi m̄-khéng siong-sìn, soah lâi lī-khui éng-oa̍h ê Siōng-tè. | 註釋 串珠 原文 典藏 |
3:13 | Lín tio̍h pá-ak iáu ū thang kiò-chò " Kin-á-ji̍t "ê sî-ki, ji̍t-ji̍t hō͘-siōng khoàn-bián, chiah bián-tit lín tiong-kan ū lâng hō͘ chōe-ok bê-he̍k, soah piàn ngē sim. | 註釋 串珠 原文 典藏 |
3:14 | Lán nā it-ti̍t chhî-siú tong-chho͘ ê sìn-sim kàu lō͘-bóe, chiū ē chiâⁿ-chò Ki-tok ê tâng-kang. | 註釋 串珠 原文 典藏 |
3:15 | Keng-tián ánne kóng, kin-á-ji̍t lín nā thiaⁿ tio̍h Siōng-tè ê siaⁿ, chiū m̄ thang ngē lín ê sim, chhin-chhiūⁿ lín ê chó͘-sian pōe-ge̍k ê sî. (chù, SPh 95:7-8) | 註釋 串珠 原文 典藏 |
3:16 | Thiaⁿ tio̍h Siōng-tè ê siaⁿ iáu koh pōe-ge̍k ê sī siáⁿ lâng? Kám m̄-sī tòe Mô͘-se chhut Ai-gi̍p hiahê lâng? | 註釋 串珠 原文 典藏 |
3:17 | Siōng-tè sì-cha̍p nî tùi siáⁿ lâng siū-khì? Kám m̄-sī hiahê hoān chōe lâi sí tī khòng-iá ê lâng? | 註釋 串珠 原文 典藏 |
3:18 | Tû-liáu hiahê pōe-ge̍k ê lâng í-gōa, Siōng-tè kám bat chiùchōa m̄-chún lâng chìn-ji̍p I só͘ siúⁿ-sù ê an-hioh? | 註釋 串珠 原文 典藏 |
3:19 | Án-ne kóng-khí-.lâi, in bē tàng chìn-ji̍p an-hioh, sī in-ūi in m̄-sìn. | 註釋 串珠 原文 典藏 |