| 章節 | 全民台語聖經全羅經文 | 註釋 |
| 9:1 | A-lông Hiàn-chèKàu tē-peh ji̍t, Mô͘-se tiàu A-lông kah i ê kiáⁿ, í-ki̍p I-su-la-el hiahê tiúⁿ-ló lâi. | 註釋 串珠 康來昌 原文 典藏 |
| 9:2 | Tùi A-lông kóng, " Lí tio̍h chhú chi̍t chiah sè chiah gû-káng-á chò sio̍k-chōe-chè, chi̍t chiah mî-iûⁿ-káng chò sio-chè, tio̍h chhú bô khoat-tiám ê, hiàn tī Siōng-chú ê bīn-chêng. | 註釋 串珠 康來昌 字典 原文 典藏 |
| 9:3 | Lí mā tio̍h hoan-hù I-su-la-el lâng kóng, ' Lín tio̍h chhú chi̍t chiah soaⁿ-iûⁿ-káng chò sio̍k-chōe-chè, koh chhú chi̍t chiah gû-á kiáⁿ kah chi̍t chiah mî-iûⁿ-á, lóng tio̍h bī-móa-nî, koh tio̍h bô khoat-tiám ê, lâi chò sio-chè. | 註釋 串珠 康來昌 字典 原文 典藏 |
| 9:4 | Koh chhú chi̍t chiah gû-káng kah chi̍t chiah mî-iûⁿ-káng lâi chò siā-un-chè, hiàn tī Siōng-chú ê bīn-chêng kah chhú tiâu-hô iû ê sò͘-chè, in-ūi kin-á-ji̍t Siōng-chú beh hián-hiān hō͘ lín khòaⁿ. '" | 註釋 串珠 康來昌 字典 原文 典藏 |
| 9:5 | In chiū chiàu Mô͘-se só͘ bēng-lēng ê tòa kàu hōe-bō͘ chêng, hōe-chiòng lóng kiâⁿ óa-lâi khiā tī Siōng-chú ê bīn-chêng. | 註釋 串珠 康來昌 字典 原文 典藏 |
| 9:6 | Mô͘-se kóng, " Che sī Siōng-chú bēng-lēng lín só͘ tio̍h chò ê, Siōng-chú ê êng-kng chiū ē hián-hiān hō͘ lín khòaⁿ. " | 註釋 串珠 康來昌 原文 典藏 |
| 9:7 | Mô͘-se tùi A-lông kóng, " Lí tio̍h kàu tôaⁿ chêng, hiàn lí ê sio̍k-chōe-chè kah lí ê sio-chè, ūi pún-sin kah jîn-bîn sio̍k-chōe, koh hiàn jîn-bîn ê lé-mi̍h, thè in sio̍k-chōe, lóng sī chiàu Siōng-chú só͘ bēng-lēng ê. " | 註釋 串珠 康來昌 字典 原文 典藏 |
| 9:8 | A-lông chiū kàu tôaⁿ chêng, thâi hit chiah gû-á kiáⁿ, ūi pún-sin chò sio̍k-chōe-chè ê. | 註釋 串珠 康來昌 字典 原文 典藏 |
| 9:9 | A-lông chiahê kiáⁿ phâng hit-ê hoeh hō͘ i, i chiū ēng chéng-thâu-á ùn hoeh, boah tī tôaⁿ téng hiahê kak, koh kā hoeh tò tī tôaⁿ-kha-.ni̍h. | 註釋 串珠 康來昌 字典 原文 典藏 |
| 9:10 | To̍k-to̍k sio̍k-chōe-chè ê iû kah io-chí, í-ki̍p koaⁿ-.ni̍h ê bāng-se, i lóng hē tī tôaⁿ téng sio, chiàu Siōng-chú só͘ bēng-lēng Mô͘-se ê. | 註釋 串珠 康來昌 字典 原文 典藏 |
| 9:11 | I koh ēng hóe kā bah kah phôe tī iâⁿ gōa sio. | 註釋 串珠 康來昌 字典 原文 典藏 |
| 9:12 | Chiū thâi sio-chè ê chengseⁿ, A-lông chiahê kiáⁿ phâng hoeh hō͘ i, i chiū hiù tī tôaⁿ téng ê sì-kho͘-ûi. | 註釋 串珠 康來昌 字典 原文 典藏 |
| 9:13 | In koh ēng sio-chè ê bah, chi̍t tè chi̍t tè liân thâu the̍h hō͘ i, i lóng tī tôaⁿ téng sio. | 註釋 串珠 康來昌 字典 原文 典藏 |
| 9:14 | I koh sé pak-lāi kah thúi, hē tī tôaⁿ téng sio-chè ê téng-bīn sio. | 註釋 串珠 康來昌 字典 原文 典藏 |
| 9:15 | I tòa jîn-bîn ê lé-mi̍h, thâi hit chiah chò jîn-bîn sio̍k-chōe-chè ê soaⁿ-iûⁿ-káng, ūi tio̍h chōe lâi hiàn, kah khí-thâu ê sio-siâng. | 註釋 串珠 康來昌 字典 原文 典藏 |
| 9:16 | Mā tòa sio-chè chiàu lē lâi hiàn. | 註釋 串珠 康來昌 原文 典藏 |
| 9:17 | I koh tòa sò͘-chè, tùi hit tiong-kan mi chi̍t pé, che sī tī chá-khí sî ê sio-chè í-gōa. | 註釋 串珠 康來昌 字典 原文 典藏 |
| 9:18 | Koh thâi gû-káng kah mî-iûⁿ-káng chò jîn-bîn ê siā-un-chè, A-lông chiahê kiáⁿ phâng hoeh hō͘ i, i chiū hiù tī tôaⁿ téng ê sì-kho͘-ûi. | 註釋 串珠 康來昌 字典 原文 典藏 |
| 9:19 | Koh the̍h gû-káng ê iû kah mî-iûⁿ-káng pûi ê bóe, í-ki̍p khàm pak-lāi ê iû kah io-chí kah koaⁿ-.ni̍h ê bāng-se. | 註釋 串珠 康來昌 字典 原文 典藏 |
| 9:20 | In kā chiahê iû hē tī hiahê heng ê téng-bīn, i chiū kā iû sio tī tôaⁿ téng. | 註釋 串珠 康來昌 字典 原文 典藏 |
| 9:21 | Chiahê heng kah chiàⁿ-thúi, A-lông ēng i chò iô-chè, tī Siōng-chú ê bīn-chêng iô, lóng sī chiàu Mô͘-se só͘ bēng-lēng ê. | 註釋 串珠 康來昌 原文 典藏 |
| 9:22 | A-lông ǹg jîn-bîn gia̍h-khí chhiú lâi, kā in chiok-hok; i í-keng hiàn sio̍k-chōe-chè, sio-chè kah siā-un-chè, chiū lo̍h-.lâi. | 註釋 串珠 康來昌 原文 典藏 |
| 9:23 | Mô͘-se kah A-lông chìn-ji̍p hōe-bō͘, koh chhut-lâi kā jîn-bîn chiok-hok, Siōng-chú ê êng-kng chiū hián-hiān hō͘ chèng lâng khòaⁿ-.tio̍h. | 註釋 串珠 康來昌 字典 原文 典藏 |
| 9:24 | Ū hóe tùi Siōng-chú ê bīn-chêng chhut-.lâi, sio tôaⁿ téng ê sio-chè kah iû; chèng lâng khòaⁿ-.tio̍h, chiū chhut tōa hoaⁿ-hí ê siaⁿ, phak tī tē-.ni̍h. | 註釋 串珠 康來昌 字典 原文 典藏 |