| 章節 | 全民台語聖經全羅經文 | 註釋 |
| 5:1 | Chún-pī Gêng-chiap Chú ê Chài-lîmHiaⁿ-tī chí-mōe, koan-hē Chú chài-lîm ê sî kah kî, góa bô su-iàu siá tī poe lāi. | 註釋 串珠 原文 典藏 |
| 5:2 | In-ūi lín kakī chai, Chú chài-lîm ê ji̍t ē chhin-chhiūⁿ chha̍t-á, tī àm-sî bô-ì-tiong lâi-kàu. | 註釋 串珠 原文 典藏 |
| 5:3 | Lâng tng teh kóng, " Chi̍t chhiat pêng-an "ê sî, chai-hō ē chhin-chhiūⁿ seⁿ kiáⁿ ê kan-khó͘, lîm-kàu teh beh seng-sán ê hū-jîn-lâng, in bē tàng tô-phiah chit-ê lân-koan. | 註釋 串珠 原文 典藏 |
| 5:4 | M̄ koh, hiaⁿ-tī chí-mōe, lín m̄-sī tī o͘-àm tiong teh kòe-ji̍t, hit-ê ji̍t bē chhin-chhiūⁿ chha̍t-á hut-jiân-kan lâi-kàu lín tau. | 註釋 串珠 原文 典藏 |
| 5:5 | In-ūi lín lóng sī kng-bêng ê lâng, sī ji̍t-sî ê lâng; lán m̄-sī sio̍k tī àm-sî, mā m̄-sī sio̍k tī o͘-àm. | C註釋 註釋 串珠 原文 典藏 |
| 5:6 | Só͘-í, lán m̄ thang chhin-chhiūⁿ kî-tha ê lâng teh khùn, tio̍h kéng-séng kín-sīn. | 註釋 串珠 原文 典藏 |
| 5:7 | In-ūi khùn ê lâng lóng sī àm-sî teh khùn, chiú-chùi ê lâng lóng sī àm-sî teh chùi. | 註釋 串珠 原文 典藏 |
| 5:8 | M̄ koh, lán sī sio̍k ji̍t-sî ê, lán tio̍h kín-sīn, ēng sìn-sim kah thiàⁿ-sim chò chiàn-kah chhēng, ēng tit-kiù ê ǹg-bāng chò thâu-khoe tì. | 註釋 串珠 字典 原文 典藏 |
| 5:9 | Siōng-tè m̄-sī kéng-soán lán lâi siū I hêng-hoa̍t, sī beh hō͘ lán thong-kòe Chú I-é-su Ki-tok lâi tit-kiù. | 註釋 串珠 原文 典藏 |
| 5:10 | Ki-tok thè lán sí, sī beh hō͘ lán bô-lūn sī oa̍h á-.sī sí, lóng ē-tàng tī I chài-lîm ê sî kah I chò-hóe oa̍h. | 註釋 串珠 原文 典藏 |
| 5:11 | Só͘-í, tio̍h chiàu lín chitmá teh chò ê ánne hō͘-siong kó͘-lē, hō͘-siong pang-chān. | 註釋 串珠 原文 典藏 |
| 5:12 | Kiat-bóe ê Khoàn-bián kah Chiok-hokHiaⁿ-tī chí-mōe, chhiáⁿ lín tio̍h kèng-tiōng hiahê tī lín tiong-kan teh lô-khó͘ kang-chok, mā sī Chú só͘ kéng-soán lâi kā lín chí-tō kah khoàn-bián ê lâng. | 註釋 串珠 原文 典藏 |
| 5:13 | Ūi tio̍h in teh chò ê kang-chok, lín tio̍h ēng siōng tōa ê thiàⁿ-sim kah kèng-ì lâi tùi-thāi in. Lín tāi-ke mā tio̍h hô-bo̍k chò-hóe. | 註釋 串珠 原文 典藏 |
| 5:14 | Hiaⁿ-tī chí-mōe, goán khó͘-khǹg lín tio̍h kéng-kài pîntōaⁿ ê lâng, kó͘-bú sit-chì ê lâng, hû-chhî loán-jio̍k ê lâng, ēng khoan-iông tùi-thāi múi chi̍t-ê lâng. | 註釋 串珠 原文 典藏 |
| 5:15 | Lín tio̍h kín-sīn, m̄ thang ēng pháiⁿ pò pháiⁿ, tio̍h put-sî hō͘-siong hó khoán-thāi, koh hó khoán-thāi múi chi̍t-ê lâng. | 註釋 串珠 原文 典藏 |
| 5:16 | Tio̍h tiāⁿtiāⁿ hoaⁿ-hí. | 註釋 串珠 原文 典藏 |
| 5:17 | Tio̍h put-sî kî-tó. | 註釋 串珠 原文 典藏 |
| 5:18 | Bô-lūn siáⁿ-mi̍h kéng-gū lóng tio̍h kám-siā, in-ūi che sī Siōng-tè ê chí-ì, ài lín chiahê sio̍k Ki-tok I-é-su ê lâng ánne chò. | 註釋 串珠 原文 典藏 |
| 5:19 | M̄-thang phah-hoa Sèng Sîn ê hóe. | 註釋 串珠 原文 典藏 |
| 5:20 | M̄-thang biáu-sī sian-ti ê ōe. | 註釋 串珠 原文 典藏 |
| 5:21 | Ta̍k hāng tāichì tio̍h siông-sè kiám-giām, hó ê tio̍h kè-sio̍k chò lo̍h-.khì. | 註釋 串珠 原文 典藏 |
| 5:22 | Tio̍h siám-phiah ta̍k chióng ê siâ-ok. | 註釋 串珠 原文 典藏 |
| 5:23 | Goān siúⁿ-sù pêng-an ê Siōng-tè chhin-chū kā lín sèng-hòa, koh goān I pó-siú lín ê lêng, hûn, thé, tī lán ê Chú I-é-su Ki-tok chài-lîm ê sî, lóng tit tio̍h pó-choân, bô thang hiâm! | 註釋 串珠 原文 典藏 |
| 5:24 | Ho͘-tiàu lín ê sī sìn-si̍t ê Siōng-tè, I it-tēng ē chiàu ánne kā lín sêng-choân. | 註釋 串珠 原文 典藏 |
| 5:25 | Kiat-bóe ê Chhéng-anHiaⁿ-tī chí-mōe, chhiáⁿ ūi goán kî-tó. | 註釋 串珠 原文 典藏 |
| 5:26 | Tio̍h ēng sîn-sèng ê lé-gî, lâi kā só͘-ū ê hiaⁿ-tī chí-mē chhéng-an. | 註釋 串珠 原文 典藏 |
| 5:27 | Góa hōng Chú ê miâ lâi hoan-hù lín, tio̍h tha̍k chit tiuⁿ phoe hō͘ só͘-ū ê hiaⁿ-tī chí-mōe thiaⁿ. | 註釋 串珠 原文 典藏 |
| 5:28 | Goān lán ê Chú I-é-su Ki-tok ê un-tián kah lín tông-chāi! | 註釋 串珠 原文 典藏 |