章節 | 全民台語聖經全羅經文 | 註釋 |
4:1 | Góa koh kóng, kè-sêng-jîn sûi-jiân sī sán-gia̍p ê chú-lâng, i tī bī-sêng-liân ê sî kah lô͘-po̍k bô siáⁿ-mi̍h chha-pia̍t. | 註釋 串珠 原文 典藏 |
4:2 | Tī lāu-pē só͘ tiāⁿ tio̍h ê ji̍t-chí chìn-chêng, i tio̍h siū kàm-hō͘-jîn kah koán-ke ê kàm-tok. | 註釋 串珠 原文 典藏 |
4:3 | Lán mā chhin-chhiūⁿ ánne, tī lêng-sèng bī-sêng-liân í-chêng, tio̍h siū ú-tiū ê lêng chi-phòe chò lô͘-lē. | 註釋 串珠 原文 典藏 |
4:4 | M̄ koh, sî-ki nā kàu, Siōng-tè chhe kakī ê Kiáⁿ, hō͘ I tùi hū-jîn-lâng lâi chhut-sì, tī lu̍t-hoat ê koán-hat chi-hā sêng-tióng; | 註釋 串珠 原文 典藏 |
4:5 | Ūi tio̍h beh kiù-sio̍k lu̍t-hoat chi-hā ê lâng, thang hō͘ lán chiâⁿ-chò Siōng-tè ê kiáⁿ-jî. | 註釋 串珠 原文 典藏 |
4:6 | In-ūi lín sī Siōng-tè ê kiáⁿ-jî, Siōng-tè ū chhe I ê Kiáⁿ ê Sèng Sîn ji̍p-khì lín ê sim, hō͘ lín tōa-siaⁿ kiò, " A-pa, Thiⁿ-pē ah! " | 註釋 串珠 原文 典藏 |
4:7 | Án-ne, lí to̍h bô koh chò lô͘-po̍k, sī chò kiáⁿ-jî; kì-jiân chò kiáⁿ-jî, Siōng-tè chiū ē hō͘ lí chò kè-sêng-jîn. | 註釋 串珠 原文 典藏 |
4:8 | Páu-lô Koan-hoâi Ga-la̍h-tia LângÍ-chêng lín m̄ bat Siōng-tè ê sî, hō͘ hiahê pún-chit m̄-sī sîn ê sîn-bêng tòng-chò lô͘-lē teh chi-phòe. | 註釋 串珠 原文 典藏 |
4:9 | M̄ koh, chitmá lín í-keng bat Siōng-tè, khah chèng-khak tio̍h kóng, lín sī hō͘ Siōng-tè só͘ bat, ná ē beh koh tò tńg-khì ǹg hiahê loán-jio̍k koh bô lō͘-ēng ê ú-tiū chi lêng, koh-chài chò in ê lô͘-lē nih? | 註釋 串珠 原文 典藏 |
4:10 | Lín tì-ì siú te̍k-pia̍t ê ji̍t, goe̍h, cheh kah nî. | 註釋 串珠 原文 典藏 |
4:11 | Góa thè lín tam-sim, khióng-kiaⁿ góa í-chêng tī lín tiong-kan ê lô-khó͘ kang-chok ē piàn-sêng bô chhái-kang. | 註釋 串珠 原文 典藏 |
4:12 | Hiaⁿ-tī chí-mōe, góa í-keng ū kā lín jīn-tông, khún-kiû lín mā tio̍h kā góa jīn-tông. Lín lóng m̄ bat khek-khui góa. | 註釋 串珠 原文 典藏 |
4:13 | Lín ē kì-tit góa thâu chi̍t pái khì lín hia thoân hok-im, sī in-ūi góa ê seng-khu ū pēⁿ. | 註釋 串珠 原文 典藏 |
4:14 | Hit sî, sûi-jiân góa ê kiān-khong chiâⁿ-chò lín ê hū-tām, lín bô kā góa khòaⁿ-khin, mā bô kā góa kī-choa̍t, tian-tò chiap-thāi góa chhin-chhiūⁿ teh chiap-thāi Siōng-tè ê thiⁿ-sài, mā chhin-chhiūⁿ teh chiap-thāi Ki-tok I-é-su. | 註釋 串珠 原文 典藏 |
4:15 | Lín tong-sî ê hoaⁿ-hí kah boán-chiok, taⁿ cháu-khì tó-ūi? Góa káⁿ kóng lín hit tong-sî nā tio̍h kā ba̍k-chiu ó͘ chhut-lâi hō͘ góa, lín mā kam-goān. | 註釋 串珠 原文 典藏 |
4:16 | Taⁿ góa tùi lín chiàu-si̍t kóng, chitmá soah chiâⁿ-chò lín ê tùi-te̍k, sī-.bô? | 註釋 串珠 原文 典藏 |
4:17 | Kî-tha hiahê lâng tùi lín jia̍t-chêng, m̄-sī chhut tī hó-ì, sī ài beh keh-tn̄g lín kah góa ê koan-hē, thang hō͘ lín kah in chhin-jia̍t. | 註釋 串珠 原文 典藏 |
4:18 | Siān-sū m̄-sī kantaⁿ góa kah lín chò-hóe ê sî tio̍h chò, sī tio̍h put-sî jia̍t-sim khì chò. | 註釋 串珠 原文 典藏 |
4:19 | Góa ê sè-kiáⁿ, góa ūi tio̍h beh hō͘ Ki-tok ê pún-sèng ji̍p-khì tī lín ê sim, góa beh koh chi̍t pái keng-kòe seng-sán ê kan-khó͘. | 註釋 串珠 原文 典藏 |
4:20 | Góa chin ài chit-chūn chiū khì lín hia, thang ēng bô kāng-khoán ê kháu-khì kah lín kóng-ōe. Góa si̍t-chāi m̄-chai tio̍h án-chóaⁿ lâi tùi-thāi lín. | 註釋 串珠 原文 典藏 |
4:21 | Ha-gal kah Sa-la̍h ê LēLín chiahê ài siū lu̍t-hoat koán-hat ê lâng, lín tio̍h kā góa kóng, lín kám bô beh thiaⁿ lu̍t-hoat ê chheh án-chóaⁿ siá? | 註釋 串珠 原文 典藏 |
4:22 | In-ūi lu̍t-hoat ê chheh ū kì-chài, A-bu-la-hàm ū nn̄g-ê kiáⁿ, chi̍t-ê sī lú-pī seⁿ ê, chi̍t-ê sī chū-iû ê chabó͘ lâng seⁿ ê. | 註釋 串珠 原文 典藏 |
4:23 | M̄ koh, hit-ê tùi lú-pī seⁿ ê sī chiàu sio̍k-sè lâi seⁿ, hit-ê tùi chū-iû ê chabó͘ lâng seⁿ ê sī tùi Siōng-tè ê èng-ín lâi seⁿ. | 註釋 串珠 原文 典藏 |
4:24 | Che sī chi̍t chióng ê phì-jū, Hit nn̄g-ê chabó͘ lâng sī tāi-piáu nn̄g chióng khè-iok, chi̍t-ê sī Ha-gal, tāi-piáu Si-nái soaⁿ ê iok, i só͘ seⁿ ê kiáⁿ chò lô͘-lē. | 註釋 串珠 原文 典藏 |
4:25 | Ha-gal sī chí A-la-puh ê Si-nái soaⁿ, mā sī teh chí hiān-kim ê Ê-lú-sa-lèm siâⁿ, in-ūi i kah i ê kiáⁿ-sun lóng chò lô͘-lē. | 註釋 串珠 原文 典藏 |
4:26 | To̍k-to̍k tī thiⁿ-téng ê Ê-lú-sa-lèm sī chū-iû ê, sī lán ê lāu-bú. | 註釋 串珠 原文 典藏 |
4:27 | In-ūi keng-tián ū kì-chài, Bē hoâi-īn, bē seⁿ kiáⁿ ê chabó͘ lâng tio̍h hoaⁿ-hí. M̄-bat keng-kòe seng-sán thòng-khó͘ ê chabó͘ lâng, tio̍h tōa-siaⁿ hoaⁿ-hí chhiùⁿ koa, in-ūi to̍k-sin ê chabó͘ lâng pí ū tiōng-hu ê khah chē kiáⁿ-jî. (chù, ISI 54:1) | 註釋 串珠 原文 典藏 |
4:28 | Hiaⁿ-tī chí-mōe, lín chhin-chhiūⁿ Í-sak, sī Siōng-tè èng-ín ê kiáⁿ-jî. | 註釋 串珠 原文 典藏 |
4:29 | Tong-sî, chiàu sio̍k-sè lâi seⁿ ê pek-hāi tùi Siōng-tè ê Sèng Sîn só͘ seⁿ ê, chitmá mā sī ánne. | 註釋 串珠 原文 典藏 |
4:30 | M̄ koh, keng-tián án-chóaⁿ kóng? Keng-tián kóng, Tio̍h kā lú-pī kah i ê kiáⁿ kóaⁿ chhut-.khì, in-ūi lú-pī ê kiáⁿ choa̍t-tùi bē tàng kah chū-iû ê lâng ê kiáⁿ tâng-chê kè-sêng sán-gia̍p. ( Chù, chhòng 21:10) | 註釋 串珠 原文 典藏 |
4:31 | Hiaⁿ-tī chí-mōe, ánne, lán m̄ sī lú-pī ê kiáⁿ, lán sī chū-iû ê chabó͘ lâng ê kiáⁿ. | 註釋 串珠 原文 典藏 |