章節 | 全民台語聖經全羅經文 | 註釋 |
13:1 | Kiat-bóe ê Kéng-kòChe sī góa tē-saⁿ pái beh khì lín hia. Ta̍k hāng tāichì lóng tio̍h su-iàu nn̄g-ê á-.sī saⁿ-ê chèng-jîn. | 註釋 串珠 原文 典藏 |
13:2 | Tùi hiahê í-chêng hoān chōe ê kah kî-tha só͘-ū ê lâng, góa tī tē-jī pái khì lín hia ê sî ū kā lín kéng-kò kòe. Chit-má góa bô tī lín hia, beh koh chi̍t pái kā lín kéng-kò, āu-pái góa koh khì lín hia ê sî, to̍h bô beh kā lín khoan-iông. | 註釋 串珠 原文 典藏 |
13:3 | Lín ē tit tio̍h lín só͘ su-iàu ê chèng-kì, lâi chèng-bêng Ki-tok thong-kòe góa lâi teh kóng ōe. Ki-tok tùi-thāi lín pēng bē nńg-chiáⁿ, tian-tò ē tī lín tiong-kan hián-chhut tōa koân-lêng. | 註釋 串珠 原文 典藏 |
13:4 | Ki-tok sûi-jiân in-ūi loán-jio̍k lâi siū tèng si̍p-jī-kè, chóng-.sī, I óa-khò Siōng-tè ê koân-lêng lâi teh oa̍h. Chhin-chhiūⁿ ánne, goán kah I kiat-liân piàn-chò loán-jio̍k, chóng-.sī, ūi tio̍h lín, goán óa-khò Siōng-tè ê koân-lêng ē kah Ki-tok chò-hóe oa̍h. | 註釋 串珠 字典 原文 典藏 |
13:5 | Lín tio̍h séng-chhat kakī, khòaⁿ ū chiàu sìn-gióng teh seng-oa̍h á-bô? Lín mā tio̍h khó-giām kakī. Lín it-tēng ē chai ū I-é-su Ki-tok tiàm tī lín lāi-bīn, tû-hui lín bô keng-kòe khó-giām. | 註釋 串珠 原文 典藏 |
13:6 | Góa siong-sìn lín chai goán ū thong-kòe khó-giām. | 註釋 串珠 原文 典藏 |
13:7 | Goán kî-kiû Siōng-tè hō͘ lín bē chò m̄ tio̍h, che m̄-sī beh piáu-sī goán ū thong-kòe khó-giām, sī beh hō͘ lín ū chèng-ti̍t ê hêng-ûi; goán sûi-jiân hō͘ lâng khòaⁿ-chò sī bô thong-kòe khó-giām ê, ánne mā bô iàu-kín. | 註釋 串珠 原文 典藏 |
13:8 | In-ūi goán bē tàng chò ûi-pōe chin-lí ê tāichì, chí ū ióng-hō͘ chin-lí. | 註釋 串珠 原文 典藏 |
13:9 | Goán loán-jio̍k, lín ióng-chòng, goán chiū hoaⁿ-hí; goán só͘ kî-kiû ê to̍h-sī hō͘ lín ē-tàng chiâⁿ-chò oân-choân. | 註釋 串珠 原文 典藏 |
13:10 | In-ūi ánne, thàn góa bô tī lín hia ê sî, góa siá chit tiuⁿ phoe hō͘ lín, chiah bián-tit góa khì-kàu lín hia ê sî, ēng Chú só͘ hō͘ góa ê koân-pèng lâi giâm-lē tùi-thāi lín; chit-ê koân-pèng sī beh khí-chō, m̄-sī beh phò-hoāi. | 註釋 串珠 原文 典藏 |
13:11 | Kiat-bóe ê Chhéng-anHiaⁿ-tī chí-mōe, taⁿ siá kàu chia ûi-chí. Lán tio̍h hoaⁿ-hí, tio̍h tui-kiû oân-choân, tio̍h hō͘-siong bián-lē, tio̍h tâng-sim, tio̍h hô-bo̍k chò-hóe. Goān siúⁿ-sù thiàⁿ-sim kah pêng-an ê Siōng-tè kah lín tông-chāi. | 註釋 串珠 原文 典藏 |
13:12 | Tio̍h ēng sîn-sèng ê lé-gî, lâi hō͘-siong chhéng-an. | 註釋 串珠 原文 典藏 |
13:13 | Só͘-ū ê sìn-tô͘ lóng beh kā lín chhéng-an. | 註釋 串珠 原文 典藏 |
13:14 | Goān Chú I-é-su Ki-tok ê un-tián, Siōng-tè ê thiàⁿ-thàng, Sèng Sîn ê siong-thong kah lín tāi-ke tông-chāi. | 註釋 串珠 原文 典藏 |