章節 | 全民台語聖經全羅經文 | 註釋 |
6:1 | Goán kah Chú tâng-kang, mā kā lín khó͘-khǹg, M̄-thang óng-hùi tùi Siōng-tè niá-siū ê un-tián. | 註釋 串珠 原文 典藏 |
6:2 | Siōng-tè kóng, góa hoaⁿ-hí chiap-la̍p ê sî ū thiaⁿ lí ê kî-kiû, Tī chín-kiù ê ji̍t góa ū pang-chān lí. (chù, ISI 49:8) Lín tio̍h thiaⁿ, chit chūn sī siū chiap-la̍p ê sî, kin-á-ji̍t sī chín-kiù ê ji̍t. | 註釋 串珠 原文 典藏 |
6:3 | Goán bô ài lâng húi-pòng goán ê ho̍k-sāi kang-chok, goán lóng bô chò chó͘-gāi lâng ê tāichì. | 註釋 串珠 原文 典藏 |
6:4 | Goán tian-tò ēng siōng tōa ê jím-nāi, it-chhè lóng thong-kòe hoān-lān, kan-lân kah khùn-khó͘, lâi chèng-bêng goán sī Siōng-tè ê lô͘-po̍k. | 註釋 串珠 原文 典藏 |
6:5 | Goán hông phah, hông koaiⁿ lo̍h kaⁿ, hō͘ pō-bîn jiáu-loān; goán lô-khó͘, bô khùn, bô chia̍h. | 註釋 串珠 字典 原文 典藏 |
6:6 | Goán ēng sûn-kiat, tì-sek, khoan-iông, jîn-chû kah óa-khò Sèng Sîn, ēng chin-sêng ê thiàⁿ-sim, | 註釋 串珠 原文 典藏 |
6:7 | Chin-lí ê sìn-sit kah Siōng-tè ê koân-lêng, lâi piáu-bêng goán sī Siōng-tè ê lô͘-po̍k. Goán ēng chèng-gī chò bú-khì kong-kek tùi-te̍k, pó-hō͘ kakī. | 註釋 串珠 原文 典藏 |
6:8 | Goán siū chun-tiōng mā siū bú-jio̍k, tit tio̍h pháiⁿ miâ-siaⁿ mā tit tio̍h hó miâ-siaⁿ; goán hō͘ lâng khòaⁿ-chò ná pián-sian-á, kî-si̍t goán lóng kóng sêng-si̍t-ōe. | 註釋 串珠 原文 典藏 |
6:9 | Kah-ná bô lâng bat goán, kî-si̍t lâng-lâng lóng bat; hō͘ lâng khòaⁿ-chò kahná sí-.khì, kî-si̍t goán iáu oa̍h-.leh; goán sûi-jiân siū hêng-hoa̍t, mā bô hō͘ lâng thâi-sí. | 註釋 串珠 原文 典藏 |
6:10 | Sûi-jiân ū hoân-ló, kî-si̍t tiāⁿtiāⁿ ū hí-lo̍k; sûi-jiân sànchhiah, kî-si̍t hō͘ chin chē lâng hó-gia̍h; kahná bô pòaⁿ-hāng, kî-si̍t ta̍k hāng lóng ū. | 註釋 串珠 原文 典藏 |
6:11 | Ko-lîn-to ê pêng-iú, goán ê sim-heng í-keng phah-khui, khui chhùi teh tùi lín kóng ōe. | 註釋 串珠 原文 典藏 |
6:12 | Goán m̄ bat tùi lín bô tō͘-liōng, sī lín kakī bô tō͘-liōng. | 註釋 串珠 原文 典藏 |
6:13 | Góa kā lín tòng-chò kakī ê kiáⁿ teh tùi lín kóng, lín tio̍h o̍h goán ê khoán-sit, kā lín ê sim-heng pàng khah khui-khoah. | 註釋 串珠 原文 典藏 |
6:14 | Tio̍h Thê-hông Īⁿ-kàu ê Éng-hióngM̄-thang kah bô sìn ê lâng khan-liân kau-chhap. Gī kah put-gī kám ē-tàng chò-hóe? Kng-bêng kah o͘-àm kám ē-tàng hō͘-siong lâi-óng? | 註釋 串珠 字典 原文 典藏 |
6:15 | Ki-tok kah Mô͘-kúi ná ē-tàng hô-hó? Sìn kah bô sìn ê lâng ū siáⁿ-mi̍h kiōng thong ê só͘-chāi? | 註釋 串珠 原文 典藏 |
6:16 | Siōng-tè ê tiān kah ngó͘-siōng ná ē-tàng pâi chò-hóe? Lán sī éng-oán oa̍h ê Siōng-tè ê tiān. Chiàu Siōng-tè só͘ kóng, góa beh kah Góa ê chú-bîn chò-hóe tòa, tī in tiong-kan kiâⁿ-ta̍h. Góa beh chò in ê Siōng-tè, in mā beh chò Góa ê chú-bîn. (chù, LBK 26:11-12) | 註釋 串珠 字典 原文 典藏 |
6:17 | Só͘-í, Chú kóng, Lín tio̍h tùi in tiong-kan chhut-khì kah in hun-lī. M̄-thang bong bô chheng-khì ê mi̍h, góa chiū ē kā lín chiap-la̍p. (chù, ISI 52:11; ICK 20:34, 41) | 註釋 串珠 原文 典藏 |
6:18 | Góa beh chò lín ê Thiⁿ-pē, Lín beh chò góa ê kiáⁿ-jî. Che sī choân-lêng ê Chú kóng ê. (chù, SMH 7:14) | 註釋 串珠 原文 典藏 |