章節 | 全民台語聖經全羅經文 | 註釋 |
13:1 | Thiàⁿ-sim — Phó͘-phiàn ê Sim-lêng Un-sùGóa nā-chún ē-hiáu kóng kok chióng lâng ê ōe-gí, sīm-chì thiⁿ-sài ê im-gí, nā bô thiàⁿ-sim, góa kóng-ōe to̍h bē su teh kòng tōa-lô/, á-.sī teh phah nâ-poa̍h. | 註釋 串珠 字典 原文 典藏 |
13:2 | Góa nā-chún ū thoân hok-im ê un-sù, iū-koh liáu-kái só͘-ū ê ò-pì kah tì-sek, sīm-chì ū kian-kiông ê sìn-sim thang î-san tó-hái, nā bô thiàⁿ-sim, góa chiū lóng bô lō͘-ēng. | 註釋 串珠 原文 典藏 |
13:3 | Góa nā kā só͘-ū ê châi-sán the̍h-lâi chín-chè, á-.sī hiàn seng-khu hō͘ hóe sio, nā bô thiàⁿ-sim, chiahê tāichì tùi góa chiū lóng bô lī-ek. | 註釋 串珠 原文 典藏 |
13:4 | Thiàⁿ-sim sī khoan-iông koh chû-pi, thiàⁿ-sim sī bē oàn-tò͘, bē khoa-kháu, bē kiau-ngō͘, | 註釋 串珠 原文 典藏 |
13:5 | Bē chò kiàn-siàu ê tāichì, bē kiû kakī ê lī-ek, bē khoài siū-khì, bē khioh-hūn, | 註釋 串珠 原文 典藏 |
13:6 | Bē ài put-gī, chí ū ài chin-lí. | 註釋 串珠 原文 典藏 |
13:7 | Thiàⁿ-sim ē pau-iông it-chhè, tùi ta̍k hāng tāichì lóng ū sìn-sim, lóng phō ǹg-bāng, lóng ē-tàng jím-nāi. | 註釋 串珠 原文 典藏 |
13:8 | Thiàⁿ-sim éng-oán chûn-chāi, m̄ koh, thoân-káng sìn-sit ê un-sù sī chiām-sî ê; hiahê kóng kńg-chi̍h-ōe ê châi-tiāu ē bô-.khì, tì-sek mā ē bô-.khì. | 註釋 串珠 原文 典藏 |
13:9 | In-ūi lán ê tì-sek bô oân-choân, thoân-káng Siōng-tè sìn-sit ê châi-tiāu mā bô oân-choân. | 註釋 串珠 原文 典藏 |
13:10 | Oân-choân ê nā kàu, bô oân-choân ê chiū ē siau-sit-.khì. | 註釋 串珠 原文 典藏 |
13:11 | Góa chò gín'á ê sî, kóng-ōe chhin-chhiūⁿ gín'á, sèng-chêng chhin-chhiūⁿ gín'á, ì-kiàn chhin-chhiūⁿ gín'á. Taⁿ góa í-keng tōa-lâng ā, chiū kā gín'á ê tāichì lóng pàng-sak. | 註釋 串珠 原文 典藏 |
13:12 | Lán chitmá sī tùi kiàⁿ teh khòaⁿ, bū-bū bô bêng, m̄ koh, kàu hit sî chiū ē tng-thâu tùi-bīn, khòaⁿ-kah chheng-chheng chhó-chhó. Góa chitmá ê tì-sek bô oân-choân, m̄ koh, kàu hit sî chiū ē oân-choân liáu-kái, chhin-chhiūⁿ Siōng-tè oân-choân liáu-kái góa. | 註釋 串珠 字典 原文 典藏 |
13:13 | Taⁿ sìn, ng3bang7, thiàⁿ saⁿ hāng ē eng2oan2 chun5chai7, ki5tiong siōng tiong7iau3 ê sī thiàⁿ. | 註釋 串珠 原文 典藏 |