章節 | 全民台語聖經全羅經文 | 註釋 |
8:1 | Chè-kòe Ngó͘-siōng ê Chia̍h-mi̍hKoan-hē chè-kòe ngó͘-siōng ê mi̍h, lán chai lán lóng ū tì-sek. Tì-sek ē hō͘ lâng kiau-ngō͘, m̄ koh, thiàⁿ-sim ē chō-chiū lâng. | 註釋 串珠 原文 典藏 |
8:2 | Lâng nā siūⁿ kóng i ū tì-sek, kî-si̍t i iáu m̄-chai i eng-kai chai ê. | 註釋 串珠 原文 典藏 |
8:3 | Thiàⁿ Siōng-tè ê lô͘-po̍k to̍h-sī Siōng-tè só͘ bat ê lâng. | 註釋 串珠 原文 典藏 |
8:4 | Só͘-í, koan-hē chia̍h chè-kòe ngó͘-siōng ê mi̍h, lán chai sè-kan ê ngó͘-siōng lóng m̄-sī chin ê; lán mā chai Siōng-tè chí ū chi̍t-ê, í-gōa bô pa̍t-ê. | 註釋 串珠 字典 原文 典藏 |
8:5 | Sûi-jiân tī thiⁿ-téng á-.sī tī tē-chiūⁿ ū hō͘ lâng kiò-chò " Sîn-bêng "ê, chhin-chhiūⁿ ū chin chē " Sîn ", chin chē " chú ", | 註釋 串珠 原文 典藏 |
8:6 | M̄ koh lán siong-sìn, lán chí ū chi̍t-ê Siōng-tè, to̍h-sī Thiⁿ-pē, bān-mi̍h lóng sī I chhòng-chō ê, lán mā ūi tio̍h I lâi oa̍h. Lán chí ū chi̍t-ê Chú I-é-su Ki-tok, bān-mi̍h lóng thong-kòe I lâi chhòng-chō, lán mā thong-kòe I lâi seng-chûn. | 註釋 串珠 原文 典藏 |
8:7 | Chóng-.sī, m̄-sī ta̍k lâng lóng ū chit khoán tì-sek. Ū lâng pài ngó͘-siōng koàn-sì, kàu taⁿ chia̍h hit-ê mi̍h ê sî iáu siūⁿ kóng sī teh chia̍h ngó͘-siōng ê mi̍h. In ê liông-sim loán-jio̍k, siūⁿ kóng ánne chiū ē hō͘ hit khoán chia̍h-mi̍h bak tio̍h lahsap. | 註釋 串珠 字典 原文 典藏 |
8:8 | Kî-si̍t chia̍h-mi̍h bē hō͘ lán khah chiap-kīn Siōng-tè; bô chia̍h bô sún-sit, chia̍h mā bô siáⁿ-mi̍h lī-ek. | 註釋 串珠 原文 典藏 |
8:9 | To̍k-to̍k lán tio̍h kín-sīn, m̄ thang in-ūi lín ánne chò, soah chiâⁿ-chò nńg-chiáⁿ ê lâng ê sìn-gióng chó͘-gāi. | 註釋 串珠 原文 典藏 |
8:10 | Nā ū lâng liông-sim nńg-chiáⁿ, khòaⁿ tio̍h lín chiahê ū tì-sek ê lâng chē tī ngó͘-siōng ê biō lāi lim-chia̍h, ánne kám m̄-sī teh kó͘-lē liông-sim nńg-chiáⁿ ê lâng khì chia̍h chè-kòe ngó͘-siōng ê mi̍h? | 註釋 串珠 字典 原文 典藏 |
8:11 | Hitê nńg-chiáⁿ ê sìn-tô͘, mā sī Ki-tok thè i sí ê lâng, ē in-ūi lín ê tì-sek lâi bia̍t-bông. | 註釋 串珠 原文 典藏 |
8:12 | Lín ánne chò, sī tek-chōe lín ê hiaⁿ-tī á-.sī chí-mōe, siong tio̍h in nńg-chiáⁿ ê liông-sim, lín to̍h-sī tek-chōe Ki-tok. | 註釋 串珠 原文 典藏 |
8:13 | Só͘-í, nā chia̍h-mi̍h ē hō͘ góa ê hiaⁿ-tī á-.sī chí-mōe ê sìn-gióng siū chó͘-gāi, góa choa̍t-tùi m̄-chia̍h chè-kòe ngó͘-siōng ê mi̍h, chiah bián hō͘ in tī sìn-gióng siōng poa̍h-tó. | 註釋 串珠 原文 典藏 |