章節 | 全民台語聖經全羅經文 | 註釋 |
3:1 | Siōng-tè Tâng-kang ê Tì-hūiHiaⁿ-tī chí-mōe, góa í-chêng kah lín kóng-ōe, bē tàng kā lín tòng-chò sio̍k-lêng ê lâng, sī tòng-chò sio̍k-sè ê lâng; tùi Ki-tok ê sìn-gióng-lâi khòaⁿ, lín sī kahná eⁿ-á. | 註釋 串珠 原文 典藏 |
3:2 | Góa ēng leng kā lín chhī, bô ēng pn̄g; in-ūi lín iáu bē tàng chia̍h pn̄g, kàu chitmá iáu-sī ánne. | 註釋 串珠 原文 典藏 |
3:3 | In-ūi lín iáu koh sī sio̍k-sè ê lâng, lín tiong-kan ū chi̍t-tò͘, ū hun-cheng, ánne kám m̄-sī chèng-bêng lín sī sio̍k-sè ê, chiàu sè-kan lâng ê khoán-sit teh seng-oa̍h? | 註釋 串珠 原文 典藏 |
3:4 | Lín tiong-kan ū lâng kóng, " Góa sio̍k Páu-lô ", mā ū lâng kóng, " Góa sio̍k A-po-lô ". Án-ne, lín kám m̄-sī kah sè-kan lâng kāng-khoán? | 註釋 串珠 原文 典藏 |
3:5 | A-po-lô sǹg siáⁿ? Páu-lô sǹg siáⁿ? Goán put-kò sī Chú ê chhe-ēng, ín-chhōa lín sìn Chú, chiàu Chú só͘ hō͘ goán ê chit-hūn teh chò. | 註釋 串珠 原文 典藏 |
3:6 | Góa iā chéng, A-po-lô ak-chúi, to̍k-to̍k sī Siōng-tè hō͘ i tōa châng. | 註釋 串珠 原文 典藏 |
3:7 | Iā-chéng ê kah ak-chúi ê lóng bô tiōng-iàu, hō͘ i tōa châng ê Siōng-tè chiah tiōng-iàu. | 註釋 串珠 原文 典藏 |
3:8 | Iā-chéng ê kah ak-chúi ê lóng kāng-khoán, Siōng-tè ē chiàu ta̍k lâng ê kang-chok kā in pò-siúⁿ. | 註釋 串珠 原文 典藏 |
3:9 | In-ūi goán sī Siōng-tè ê tâng-kang, lín sī Siōng-tè ê chhân-hn̂g, mā sī Siōng-tè ê kiàn-tio̍k-bu̍t. | 註釋 串珠 原文 典藏 |
3:10 | Chiàu Siōng-tè siúⁿ-sù hō͘ góa ê un-tián, góa chhin-chhiūⁿ chi̍t-ê láu-liān ê sai-hū-thâu, góa phah tē-ki, pa̍t lâng tī hit téng-bīn khí chhù; chóng-.sī, ta̍k lâng tio̍h chù-ì khòaⁿ kakī án-chóaⁿ teh khí-chō. | 註釋 串珠 原文 典藏 |
3:11 | In-ūi Siōng-tè í-keng hē I-é-su Ki-tok chò ûi-it ê tē-ki, í-gōa bô pa̍t-ê tē-ki. | 註釋 串珠 原文 典藏 |
3:12 | Tī chit-ê tē-ki téng-bīn, lâng ēng kim, gîn, pó-chio̍h, chhâ, chháu-á-.sī tiū-kó lâi khí-chō. | 註釋 串珠 字典 原文 典藏 |
3:13 | Ta̍k lâng khí-chō ê kang-hu hó-bái, tī Ki-tok chài-lîm ê ji̍t-chí, ē hō͘ hóe kā i hián-hiān chhut-.lâi, in-ūi hóe ē chhì-giām chhut ta̍k lâng ê kang-hu sī siáⁿ-mi̍h khoán. | 註釋 串珠 原文 典藏 |
3:14 | Lâng só͘ khí-chō ê kang-têng, nā bô hō͘ hóe sio-.khì, chiū ē tit tio̍h pò-siúⁿ. | 註釋 串珠 原文 典藏 |
3:15 | Lâng só͘ khí-chō ê kang-têng nā hō͘ hóe sio-.khì, chiū ē cho-gū chin tōa ê sún-sit; to̍k-to̍k i pún-sin ē tit tio̍h kiù, ná chhin-chhiūⁿ tùi hóe tiong tô-miā chhut-.lâi. | 註釋 串珠 原文 典藏 |
3:16 | Lín kám m̄-chai lín sī Siōng-tè ê tiān, Siōng-tè ê Sèng Sîn tiàm tī lín lāi-bīn? | 註釋 串珠 原文 典藏 |
3:17 | Lâng nā húi-hoāi Siōng-tè ê tiān, Siōng-tè ē kā i húi-bia̍t; in-ūi Siōng-tè ê tiān sī sîn-sèng, lín to̍h-sī hit-ê tiān. | 註釋 串珠 字典 原文 典藏 |
3:18 | Lín m̄ thang khi-phiàn kakī. Lín tiong-kan nā ū lâng ēng sè-kan ê phiau-chún kā kakī khòaⁿ-chò ū tì-hūi, i tian-tò tio̍h chò gû-gōng ê lâng, chiah ē-tàng chiâⁿ-chò chin-chiàⁿ ū tì-hūi. | 註釋 串珠 原文 典藏 |
3:19 | In-ūi chit sè-kan ê tì-hūi chiàu Siōng-tè lâi khòaⁿ sī gû-gōng ê, in-ūi keng-tián ū kì-chài, Hō͘ tì-hūi ê lâng tiòng tio̍h in kakī ê kúi-kè. (chù, IPK 5:13) | 註釋 串珠 原文 典藏 |
3:20 | Keng-tián pa̍t-ê só͘-chāi koh kóng, Chú chai ū tì-hūi ê lâng ê sim-su bô lō͘-ēng. (chù, SPh 94:11) | 註釋 串珠 原文 典藏 |
3:21 | Só͘-í, m̄ thang khoa-kháu lâng ē-tàng chò ê tāichì, in-ūi bān-mi̍h lóng sī lín ê. | 註釋 串珠 原文 典藏 |
3:22 | Bô-lūn Páu-lô, A-po-lô á-.sī Piat-tò͘, chit sè-kài, oa̍h ê á-.sī sí ê, hiān-chāi á-.sī chiong-lâi, che it-chhè lóng sī lín koán-hat ê. | 註釋 串珠 原文 典藏 |
3:23 | Chóng-.sī, lín sī Ki-tok ê, Ki-tok sī Siōng-tè ê. | 註釋 串珠 原文 典藏 |