章節 | 全民台語聖經全羅經文 | 註釋 |
2:1 | Sò͘-chè ê Kui-tēng" Nā ū lâng hiàn sò͘-chè chò lé-mi̍h hō͘ Siōng-chú, tio̍h ēng iù ê mī-hún chò i ê lé-mi̍h, tio̍h thîn iû tī hit téng-bīn, hē jú-hiuⁿ tī hit téng-bīn. | 註釋 串珠 康來昌 字典 原文 典藏 |
2:2 | Tòa kàu A-lông ê kiáⁿ-sun chò chè-si ê hia, i chiū tùi iù ê mī-hún tiong chhú chi̍t pé chhut-.lâi kah tām-po̍h-á iû, í-ki̍p só͘-ū ê jú-hiuⁿ, chè-si chiū kā i sio tī tôaⁿ téng chò kì-liām, sī hiàn hō͘ Siōng-chú chò phang-phang ê hóe-chè. | 註釋 串珠 康來昌 字典 原文 典藏 |
2:3 | Sò͘-chè só͘ chhun lo̍h-.lâi ê, tio̍h kui hō͘ A-lông kah i ê kiáⁿ-sun; che sī hiàn hō͘ Siōng-chú hóe-chè tiong chò chì-sèng ê. | 註釋 串珠 康來昌 原文 典藏 |
2:4 | " Lí nā tòa hóe-lô͘ só͘ piak ê lé-mi̍h chò sò͘-chè, tio̍h ēng iù mī-hún ê bô-kàⁿ piáⁿ, ēng iû tiâu-hô ê á-.sī ēng iû boah ê bô-kàⁿ ê po̍h piáⁿ. | 註釋 串珠 康來昌 字典 原文 典藏 |
2:5 | Nā ēng chian-pôaⁿ chian ê lé-mi̍h chò sò͘-chè, chiū tio̍h ēng tiâu-hô iû ê bô-kàⁿ iù mī-hún. | 註釋 串珠 康來昌 字典 原文 典藏 |
2:6 | Tio̍h peh kui tè, thîn iû tī téng-bīn, che sī sò͘-chè. | 註釋 串珠 康來昌 字典 原文 典藏 |
2:7 | Nā ēng tiáⁿ chú ê lé-mi̍h chò sò͘-chè, chiū tio̍h ēng iû kah iù mī-hún chò. | 註釋 串珠 康來昌 字典 原文 典藏 |
2:8 | Tio̍h kā chiahê mi̍h chò sò͘-chè, tòa kàu Siōng-chú ê bīn-chêng, kau-tài chè-si, hō͘ i tòa kàu tôaⁿ chêng. | 註釋 串珠 康來昌 字典 原文 典藏 |
2:9 | Chè-si tio̍h tùi sò͘-chè tiong the̍h-chhut chò kì-liām ê, sio tī tôaⁿ téng, che sī hiàn hō͘ Siōng-chú chò phang-phang ê hóe-chè. | 註釋 串珠 康來昌 字典 原文 典藏 |
2:10 | Sò͘-chè só͘ chhun lo̍h-.lâi ê tio̍h kui hō͘ A-lông kah i ê kiáⁿ-sun, che sī hiàn hō͘ Siōng-chú ê hóe-chè tiong chò chì-sèng ê. | 註釋 串珠 康來昌 原文 典藏 |
2:11 | " Kiàn-nā lín hiàn hō͘ Siōng-chú ê sò͘-chè, lóng m̄ thang ēng kàⁿ lâi chò, in-ūi kàⁿ kah bi̍t lín lóng m̄ thang sio lâi chò hóe-chè, hiàn hō͘ Siōng-chú. | 註釋 串珠 康來昌 原文 典藏 |
2:12 | Chiahê mi̍h lín tio̍h hiàn hō͘ Siōng-chú, chò khí-thâu se̍k ê lé-mi̍h, chóng-.sī, m̄ thang khǹg tī tôaⁿ téng sio lâi chò phang-bī. | 註釋 串珠 康來昌 字典 原文 典藏 |
2:13 | Kiàn-nā hiàn chò sò͘-chè ê lé-mi̍h, lóng tio̍h ēng iâm tiâu-hô; tī lí sò͘-chè ê téng-bīn m̄ thang khiàm-khoeh lín ê Siōng-tè só͘ li̍p-iok ê iâm. Lí it-chhè ê lé-mi̍h, lóng tio̍h phòe iâm lâi hiàn. | 註釋 串珠 康來昌 原文 典藏 |
2:14 | Nā ēng khí-thâu sêng-se̍k ê mi̍h chò sò͘-chè, hiàn hō͘ Siōng-chú chò lé-mi̍h, tio̍h ēng sin ê sūi, to̍h-sī kòe lún, kòe-hang ê hó ngó͘-kok, hiàn lâi chò lín khí-thâu sêng-se̍k ê sò͘-chè. | 註釋 串珠 康來昌 原文 典藏 |
2:15 | Mā tio̍h thîn iû tī hit téng-bīn, hē jú-hiuⁿ tī hit téng-bīn, che sī sò͘-chè. | 註釋 串珠 康來昌 字典 原文 典藏 |
2:16 | Chè-si tio̍h kā hit tiong-kan chò kì-liām ê, to̍h-sī kòe-lún ê sūi chi̍t hūn kah iû chi̍t hūn, í-ki̍p it-chhè ê jú-hiuⁿ, lóng kā i sio, che sī hiàn hō͘ Siōng-chú ê hóe-chè. | 註釋 串珠 康來昌 字典 原文 典藏 |