章節 | 全民台語聖經全羅經文 | 註釋 |
16:1 | " Góa kā lín kóng chiahê tāichì, sī beh hō͘ lín ê sìn-sim bē iô-tāng. | 註釋 串珠 盧俊義 原文 典藏 |
16:2 | Sè-kan lâng ē kā lín kóaⁿ-chhut hōe-tn̂g. Sî teh beh kàu, hiahê siūⁿ beh thâi lín ê lâng, lóng ē siūⁿ kóng in sī teh ho̍k-sāi Siōng-tè. | 註釋 串珠 盧俊義 字典 原文 典藏 |
16:3 | In ē chò chiahê tāichì, sī in-ūi in m̄ bat Thiⁿ-pē, mā m̄ bat góa. | 註釋 串珠 盧俊義 原文 典藏 |
16:4 | To̍k-to̍k Góa ū kā lín kóng chiahê tāichì, sī beh hō͘ lín kàu-sî thang ē kì-tit, góa bat kā lín kóng. "Sèng Sîn ê Kang-chok" Góa bô tī khí-thâu to̍h kā lín kóng chiahê tāichì, sī in-ūi góa iáu kah lín chò-hóe. | 註釋 串珠 盧俊義 原文 典藏 |
16:5 | Taⁿ góa teh beh tńg-khì chhe-phài góa lâi ê hit ūi hia; lín tiong-kan bô lâng mn̄g góa kóng, ' Lí beh khì tó-ūi? ' | 註釋 串珠 盧俊義 原文 典藏 |
16:6 | Góa kā lín kóng chiahê tāichì liáu-āu, lín soah móa-sim iu-būn. | 註釋 串珠 盧俊義 原文 典藏 |
16:7 | M̄ koh, góa tio̍h kā si̍t-chêng kā lín kóng; góa khì sī tùi lín ū lī-ek; góa nā bô-.khì, hit ūi Pó-hūi-su chiū bē lâi lín chia; góa nā khì, chiū ē chhe I lâi lín chia. | 註釋 串珠 盧俊義 原文 典藏 |
16:8 | Sèng Sîn lâi ê sî, ē chí-chèng sè-kan tùi chōe, tùi gī, tùi sím-phòaⁿ ê chhò-gō͘ koan-liām. | 註釋 串珠 盧俊義 原文 典藏 |
16:9 | Chōe ê hong-bīn, in-ūi in m̄-sìn góa; | 註釋 串珠 盧俊義 原文 典藏 |
16:10 | Gī ê hong-bīn, in-ūi góa teh beh tńg-khì Thiⁿ-pē hia, lín bē koh khòaⁿ tio̍h góa; | 註釋 串珠 盧俊義 原文 典藏 |
16:11 | Sím-phòaⁿ ê hong-bīn, in-ūi chit sè-kan ê thóng-tī-chiá í-keng siū sím-phòaⁿ. | 註釋 串珠 盧俊義 原文 典藏 |
16:12 | " Góa iáu ū chin chē hāng tāichì beh kā lín kóng, to̍k-to̍k lín chitmá iáu bē tàng liáu-kái. | 註釋 串珠 盧俊義 原文 典藏 |
16:13 | Chin-lí ê Sèng Sîn lâi ê sî, I ē chhōa lín liáu-kái it-chhè ê chin-lí. I m̄-sī chiàu kakī ê ì-sù lâi kóng, sī kā I só͘ thiaⁿ-.tio̍h ê lâi kóng, mā ē kā bī-lâi ê tāichì pò lín chai. | 註釋 串珠 盧俊義 原文 典藏 |
16:14 | I ē kā êng-kng kui hō͘ góa, in-ūi I ē kā tùi góa só͘ niá-siū ê thoân-pò hō͘ lín. | 註釋 串珠 盧俊義 原文 典藏 |
16:15 | Thiⁿ-pē só͘-ū ê it-chhè lóng sī góa ê, só͘-í góa chiah kóng, Sèng Sîn ē kā tùi góa só͘ niá-siū ê chin-lí thoân-pò hō͘ lín. " | 註釋 串珠 盧俊義 原文 典藏 |
16:16 | Iu-būn Ē Piàn-chò Hoaⁿ-hí" Koh bô gōa kú, lín chiū bē tàng khòaⁿ tio̍h góa, koh-chài bô gōa kú, lín chiū ē koh khòaⁿ tio̍h góa. " | 註釋 串珠 盧俊義 原文 典藏 |
16:17 | Ū kúi-nā-ê bûn-tô͘ hō͘-siong kóng, " I kā lán kóng, ' Koh bô gōa kú, lín chiū bē tàng khòaⁿ tio̍h góa, koh-chài bô gōa kú, lín chiū ē koh khòaⁿ tio̍h góa. ', koh kóng, ' In-ūi góa teh beh tńg-khì Thiⁿ-pē hia. ' Chiahê ōe sī siáⁿ-mi̍h ì-sù? " | 註釋 串珠 盧俊義 原文 典藏 |
16:18 | Só͘-í, in it-ti̍t mn̄g, " I só͘ kóng ê ' Koh bô gōa kú. ' Sī siáⁿ-mi̍h ì-sù? Lán m̄-chai I teh kóng siáⁿ-mi̍h. " | 註釋 串珠 盧俊義 原文 典藏 |
16:19 | I-é-su chai in ài beh mn̄g I, chiū kā in kóng, " Lín in-ūi góa kóng, ' Koh bô gōa kú, lín chiū bē tàng khòaⁿ tio̍h góa, koh-chài bô gōa kú, lín chiū ē koh khòaⁿ tio̍h góa. ' Teh mn̄g-lâi mn̄g-khì, sī-.bô? | 註釋 串珠 盧俊義 原文 典藏 |
16:20 | Góa si̍t-chāi kā lín kóng, lín ē thî-khàu ai-siong, sè-kan ē hoaⁿ-hí; lín ē iu-būn, m̄ koh, lín ê iu-būn ē piàn-chò hoaⁿ-hí. | 註釋 串珠 盧俊義 原文 典藏 |
16:21 | Hū-jîn lâng beh seⁿ kiáⁿ chiū iu-būn, in-ūi i ê sán-kî kàu à; eⁿ-á chhut-sì liáu-āu, i soah bē kì-tit seⁿ kiáⁿ ê thòng-khó͘, in-ūi i ē hoaⁿ-hí ū eⁿ-á chhut-sì tī sè-kan. | 註釋 串珠 盧俊義 原文 典藏 |
16:22 | Chhin-chhiūⁿ ánne, lín chitmá ū iu-būn, chóng-.sī, góa ē koh kìⁿ tio̍h lín, lín ê sim chiū ē hoaⁿ-hí; bô lâng ē-tàng kā lín ê hoaⁿ-hí chhiúⁿ-.khì. | 註釋 串珠 盧俊義 原文 典藏 |
16:23 | " Kàu hit ji̍t, lín bē koh mn̄g góa siáⁿ-mi̍h. Góa si̍t-chāi kā lín kóng, lín hōng góa ê miâ tùi Thiⁿ-pē só͘ kiû ê, I lóng ē siúⁿ-sù hō͘ lín. | 註釋 串珠 盧俊義 原文 典藏 |
16:24 | Lín kàu taⁿ iáu m̄ bat hōng góa ê miâ kiû siáⁿ-mi̍h; lín tio̍h kiû, chiū ē tit tio̍h, hō͘ lín ê hoaⁿ-hí móa-móa. " | 註釋 串珠 盧俊義 原文 典藏 |
16:25 | Góa Í-keng Iâⁿ Kòe Sè-kan" Chiahê tāichì Góa lóng ēng phì-jū kā lín kóng kòe à. Sî teh beh kàu, Góa bē koh-chài ēng phì-jū kā lín kóng, góa beh bêng-khak tùi lín kóng-khí Thiⁿ-pē ê tāichì. | 註釋 串珠 盧俊義 原文 典藏 |
16:26 | Hitê ji̍t nā kàu, lín tio̍h hōng góa ê miâ kî-kiû. Góa bô kā lín kóng, góa beh thè lín tùi Thiⁿ-pē khún-kiû. | 註釋 串珠 盧俊義 原文 典藏 |
16:27 | Thiⁿ-pē pún-sin to̍h thiàⁿ lín, sī in-ūi lín ū thiàⁿ góa, koh ū sìn góa sī tùi Thiⁿ-pē hia lâi ê. | 註釋 串珠 盧俊義 原文 典藏 |
16:28 | Góa tùi Thiⁿ-pē hia chhut-.lâi, lâi-kàu sè-kan; taⁿ koh beh lī-khui sè-kan, tńg-khì Thiⁿ-pē hia. " | 註釋 串珠 盧俊義 原文 典藏 |
16:29 | Bûn-tô͘ kóng, " Taⁿ Lí bêng-khak tùi goán kóng, m̄-sī ēng phì-jū. | 註釋 串珠 盧俊義 原文 典藏 |
16:30 | Taⁿ goán chai Lí ta̍k hāng tāichì lóng chai, m̄-bián lâng kā Lí mn̄g. In-ūi ánne, goán sìn Lí sī tùi Siōng-tè hia lâi ê. " | 註釋 串珠 盧俊義 原文 典藏 |
16:31 | I-é-su mn̄g kóng, " Taⁿ lín ū sìn bô? | 註釋 串珠 盧俊義 原文 典藏 |
16:32 | Sî teh beh kàu, kî-si̍t í-keng kàu à. Lín ē sì-sòaⁿ, ta̍k lâng tńg-khì kakī ê só͘-chāi, pàng góa kakī chi̍t-ê; chóng-.sī, góa m̄-sī kakī chi̍t-ê, in-ūi ū Thiⁿ-pē kah góa tông-chāi. | 註釋 串珠 盧俊義 原文 典藏 |
16:33 | Góa í-keng kā chiahê tāichì kā lín kóng, sī beh hō͘ lín tī góa ê lāi-bīn ū pêng-an. Lín tī sè-kan ē ū khó͘-lān; to̍k-to̍k lín thang hòng-sim, góa í-keng iâⁿ-kòe sè-kan. " | 註釋 串珠 盧俊義 原文 典藏 |