章節 | 全民台語聖經全羅經文 | 註釋 |
7:1 | Phoe-phêng Lâng( Lk 6:37-38; 41-42)" M̄-thang phoe-phêng lâng, chiah bián siū lâng phoe-phêng. | 註釋 串珠 康來昌 原文 典藏 |
7:2 | In-ūi lín ēng siáⁿ-mi̍h phiau-chún lâi phoe-phêng lâng, mā ē ánne siū phoe-phêng. Lín ēng siáⁿ-mi̍h niû-khì lâi niû hō͘ lâng, lâng mā ē ánne niû hō͘ lín. | 註釋 串珠 康來昌 原文 典藏 |
7:3 | Lí bô chù-ì tio̍h kakī ba̍k-chiu lāi ê chhâ-kho͘, ná ē kantaⁿ khòaⁿ tio̍h hiaⁿ-tī ba̍k-chiu lāi ê chháu-á-iù? | 註釋 串珠 康來昌 原文 典藏 |
7:4 | Lí kakī ba̍k-chiu lāi ū chhâ-kho͘, ná ē-tàng kā lí ê hiaⁿ-tī kóng, ' Lí ba̍k-chiu lāi ê chháu-á-iù, góa kā lí the̍h chhut-.lâi? ' | 註釋 串珠 康來昌 原文 典藏 |
7:5 | Ké hó ê lâng, seng kā lí kakī ba̍k-chiu lāi ê chhâ-kho͘ the̍h chhut-.lâi, chiah ē-tàng khòaⁿ chheng-chhó, thang kā lí hiaⁿ-tī ba̍k-chiu lāi ê chháu-á-iù the̍h chhut-.lâi. | 註釋 串珠 康來昌 原文 典藏 |
7:6 | M̄-thang ēng sîn-sèng ê mi̍h hiat hō͘ káu chia̍h, khióng-kiaⁿ káu ōe oa̍t kòe-lâi kā lín; mā m̄ thang ēng lín ê chin-chu hiat tī ti ê bīn-chêng, ti ē ēng kha lâi thún-ta̍h. " | 註釋 串珠 康來昌 字典 原文 典藏 |
7:7 | Tio̍h Kiû, Tio̍h Chhōe, Tio̍h Phah Mn̂g( Lk 11: 9-13)" Tio̍h kiû, lín chiū ē tit tio̍h; tio̍h chhōe, lín chiū ē chhōe-.tio̍h; tio̍h phah mn̂g, chiū ē kā lín khui mn̂g. | 註釋 串珠 康來昌 原文 典藏 |
7:8 | In-ūi lâng nā kiû chiū ē tit tio̍h; nā chhōe chiū ē chhōe-.tio̍h; nā phah mn̂g chiū ē kā i khui mn̂g. | 註釋 串珠 康來昌 原文 典藏 |
7:9 | Lín chò lāu-pē ê lâng, lí ê kiáⁿ kā lí thó piáⁿ, lín kám ē the̍h chio̍h-thâu hō͘ i? | 註釋 串珠 康來昌 字典 原文 典藏 |
7:10 | Á-sī kā lí thó hî, lín kám ē lia̍h chôa hō͘ i? | 註釋 串珠 康來昌 字典 原文 典藏 |
7:11 | Lín sûi-jiân sī pháiⁿ, iáu koh ē-hiáu ēng hó mi̍h hō͘ lín ê kiáⁿ-jî, hô-hòng lín ê Thiⁿ-pē, I kám bē ēng hó mi̍h hō͘ tùi I kî-kiû ê lâng? | 註釋 串珠 康來昌 原文 典藏 |
7:12 | Só͘-í, lín ài lâng án-chóaⁿ kā lín khoán-thāi, lín mā tio̍h ánne khoán-thāi lâng, in-ūi che sī lu̍t-hoat kah sian-ti ê kà-sī. " | 註釋 串珠 康來昌 原文 典藏 |
7:13 | E̍h ê Mn̂g( Lk 13: 24)" Lín tio̍h tùi hit-ê e̍h-mn̂g ji̍p-.khì, in-ūi thàu kàu bia̍t-bông ê mn̂g chin khoah, hit tiâu lō͘ chin hó kiâⁿ, tùi hia ji̍p-.khì ê lâng chin chē. | 註釋 串珠 康來昌 字典 原文 典藏 |
7:14 | Thàu kàu éng-seng ê mn̂g chin e̍h, hit tiâu lō͘ chin pháiⁿ-kiâⁿ, chhōe tio̍h ê lâng chin chió. " | 註釋 串珠 康來昌 字典 原文 典藏 |
7:15 | Tùi Kóe-chí Lâi Jīn-bat Chhiū( Lk 6: 43-44)" Tio̍h thê-hông ké sian-ti, in lâi lín chia ê sî, gōa-piáu ké kahná mî-iûⁿ, lāi-sim khiok sī hiong-ok ê chhâi-lông. | 註釋 串珠 康來昌 字典 原文 典藏 |
7:16 | Lín ē-tàng tùi in ê kóe-chí lâi jīn-bat in. Kám ē-tàng tùi chhì-phè bán phû-tô? Kám ē-tàng tùi chi̍t-lê bán bû-hoa-kó? | 註釋 串珠 康來昌 字典 原文 典藏 |
7:17 | Án-ne, hó-chhiū ē kiat hó kóe-chí, pháiⁿ-chhiū ē kiat pháiⁿ kóe-chí; | 註釋 串珠 康來昌 原文 典藏 |
7:18 | Hó-chhiū bē kiat pháiⁿ kóe-chí, pháiⁿ-chhiū mā bē kiat hó kóe-chí. | 註釋 串珠 康來昌 原文 典藏 |
7:19 | Bē kiat hó kóe-chí ê chhiū, chiū kā i chhò khí-.lâi, hiat lo̍h-khì hóe-.ni̍h sio. | 註釋 串珠 康來昌 原文 典藏 |
7:20 | Só͘-í, lín ē-tàng tùi in só͘ kiat ê kóe-chí lâi jīn-bat in. " | 註釋 串珠 康來昌 原文 典藏 |
7:21 | Ji̍p Thian-kok Chi Mn̂g ê Iàu-kiāⁿ( Lk 13: 25-27)" M̄-sī chheng-ho͘ Góa ' Chú ah, Chú ah'ê lâng lóng ē-tàng ji̍p-khì thian-kok; kantaⁿ si̍t-hiān Góa ê Thiⁿ-pē chí-ì ê lâng, chiah ē-tàng ji̍p-.khì. | 註釋 串珠 康來昌 原文 典藏 |
7:22 | Hit ji̍t kàu ê sî, chin chē lâng ē kā góa kóng, ' Chú ah, Chú ah, goán kám m̄-sī ū hōng Lí ê miâ thoân sìn-sit, koh hōng Lí ê miâ kóaⁿ kúi, mā ū hōng Lí ê miâ kiâⁿ chin chē sîn-jiah? ' | 註釋 串珠 康來昌 原文 典藏 |
7:23 | Hit sî, góa ē bêng-pe̍k kā in kóng, ' Góa lóng m̄ bat lín. Lín chiahê chò pháiⁿ ê lâng, tio̍h lī-khui góa. '" | 註釋 串珠 康來昌 原文 典藏 |
7:24 | Nn̄g Khoán Tē-ki( Lk 6:47-49)" Só͘-í, thiaⁿ góa ê ōe ū khì si̍t-hiān ê lâng, ná chhin-chhiūⁿ chi̍t-ê chhong-bêng ê lâng kā i ê chhù khí tòa chio̍h-pôaⁿ téng; | 註釋 串珠 康來昌 字典 原文 典藏 |
7:25 | Tú tio̍h tōa hō͘ phoah, tōa-chúi lâi, tōa hong sàu, chhiong tio̍h hit keng chhù, chhù mā bē tó, in-ūi ū kian-kò͘ ê tē-ki tī chio̍h-pôaⁿ téng. | 註釋 串珠 康來昌 字典 原文 典藏 |
7:26 | Thiaⁿ góa chiahê ōe bô khì si̍t-hiān ê lâng, ná chhin-chhiūⁿ chi̍t-ê gōng lâng kā chhù khí tòa soa á téng; | 註釋 串珠 康來昌 字典 原文 典藏 |
7:27 | Tú tio̍h tōa hō͘ phoah, tōa-chúi lâi, tōa hong sàu, chhiong tio̍h hit keng chhù, chhù chiū tó kah chin giâm-tiōng. " | 註釋 串珠 康來昌 字典 原文 典藏 |
7:28 | Kûn-chiòng ê Hôe-èngI-é-su kóng chiahê ōe liáu-āu, kûn-chiòng hō͘ I ê kà-sī kiaⁿ tio̍h, | 註釋 串珠 康來昌 原文 典藏 |
7:29 | In-ūi I kà-sī lâng chin ū koân-ui kah in ê keng-ha̍k kàu-su bô kāng-khoán. | 註釋 串珠 康來昌 原文 典藏 |