| 章節 | 全民台語聖經全羅經文 | 註釋 |
| 5:1 | " Chè-si, lín tio̍h thiaⁿ chit-ê ōe! I-su-la-el ê chú-bîn, lín tio̍h chù-ì! Ông-chhin, lín tio̍h àⁿ hīⁿ-khang thiaⁿ! In-ūi sím-phòaⁿ koan-hē tī lín, in-ūi lín chò oa̍h-tauh tī Mi-su-peh, chò lô-bāng tiuⁿ tī Tha-bo͘l soaⁿ. | 註釋 串珠 康來昌 字典 原文 典藏 |
| 5:2 | Chiahê pōe-ge̍k ê lâng tōa kiâⁿ thâi lâng, Góa beh kā in chek-hoa̍t. | 註釋 串珠 康來昌 原文 典藏 |
| 5:3 | Góa bat E-hu-laim; I-su-la-el mā bē ún-ba̍t tī Góa. E-hu-laim, taⁿ lí kiâⁿ kan-îm, I-su-la-el bak tio̍h lahsap. " | 註釋 串珠 康來昌 原文 典藏 |
| 5:4 | Hô-se-a Kéng-kò Pài Ngó͘-siōng ê LângIn só͘ chò ê chó͘-tòng in kui tī in ê Siōng-tè; in-ūi îm-loān ê sim tī in lāi-bīn, in mā m̄ bat Siōng-chú. | 註釋 串珠 康來昌 原文 典藏 |
| 5:5 | I-su-la-el ê kiau-ngō͘ tng-bīn kā in kiàn-chèng. Só͘-í, I-su-la-el kah E-hu-laim, ē in-ūi in ê chōe-kò lâi kha that tio̍h; Iô-tah mā ē kah in chò-hóe kha that tio̍h. | 註釋 串珠 康來昌 原文 典藏 |
| 5:6 | In ē tòa gû-kûn, iûⁿ-kûn khì cháu-chhōe Siōng-chú, chóng-.sī, chhōe bē tio̍h; in-ūi I í-keng lī-khui in. | 註釋 串珠 康來昌 字典 原文 典藏 |
| 5:7 | In ǹg Siōng-chú kiâⁿ kúi-chà, thau-seⁿ kiáⁿ. Taⁿ kàu goe̍h ê chhe-it, in kah in ê sán-gia̍p ē siū thun-bia̍t. | 註釋 串珠 康來昌 原文 典藏 |
| 5:8 | Iô-tah Kok kah I-su-la-el Kok ê Chiàn-chengLín tio̍h tī Gi-be-at pûn sàu-kak, tī La̍h-má pûn kó͘-chhoe, tī Bia̍t-a-biân chhut kéng-kò ê siaⁿ, kóng: Biān-iá-mín, tī lí ê āu-bīn ū tùi-te̍k! | C註釋 註釋 串珠 康來昌 字典 原文 典藏 |
| 5:9 | Tī chek-hoa̍t ê ji̍t, E-hu-laim ē pha-hng; góa tī I-su-la-el chiahê chi-cho̍k tiong, hō͘ in chai chiong-lâi it-tēng ē hoat-seng ê tāichì. | 註釋 串珠 康來昌 原文 典藏 |
| 5:10 | Siōng-chú kóng, " Iô-tah ê siú-léng chhin-chhiūⁿ chhian-sóa tē-kài ê lâng, Góa beh kā Góa ê siū-khì piàⁿ tī in ê sin chiūⁿ, chhin-chhiūⁿ teh piàⁿ chúi ánne. | 註釋 串珠 康來昌 字典 原文 典藏 |
| 5:11 | E-hu-laim siū pō-gio̍k, siū sím-phòaⁿ, ap-chè, in-ūi i kam-sim chun-thàn bēng-lēng. | 註釋 串珠 康來昌 原文 典藏 |
| 5:12 | Só͘-í, Góa tùi E-hu-laim chhin-chhiūⁿ chiù-thâng, tùi Iô-tah chhin-chhiūⁿ teh kā i hiú-hoāi ê. | 註釋 串珠 康來昌 字典 原文 典藏 |
| 5:13 | " E-hu-laim khòaⁿ tio̍h kakī ū pēⁿ, Iô-tah khòaⁿ pún-sin ū siong, E-hu-laim chiū khì A-siul, chhe lâng khì kìⁿ Ia-le-buh ông, i bē tàng kā lí i hó, mā bē tàng hō͘ lí ê siong hó khí-.lâi. | C註釋 註釋 串珠 康來昌 原文 典藏 |
| 5:14 | " Góa tùi E-hu-laim beh chhin-chhiūⁿ sai, tùi Iô-tah ke beh chhin-chhiūⁿ ióng ê sai. Góa beh kā in thiah-li̍h chia̍h-.khì, Góa beh kā in kā-khì, bô lâng ē-tàng kiù i. | C註釋 註釋 串珠 康來昌 字典 原文 典藏 |
| 5:15 | " Taⁿ Góa beh khì, tńg-khì Góa ê só͘-chāi, ti̍t-kàu in jīn kakī ê chōe, lâi kiû kìⁿ Góa ê bīn; in tī kip-lān ê sî, ē pek-chhiat cháu-chhōe Góa. " | C註釋 註釋 串珠 康來昌 原文 典藏 |