| 章節 | 全民台語聖經全羅經文 | 註釋 |
| 41:1 | Chhit-goe̍h kan, E-lí-sia-mah ê sun — Ne-thá-niah ê kiáⁿ I-si-ma-el, i sī ông-chhin, mā sī ông ê tāi-sîn, chhōa cha̍p-ê lâng lâi Mi-su-peh, kìⁿ A-hi-kam ê kiáⁿ Ge-tá-lia̍h. In tī Mi-su-peh chò-hóe chia̍h. | 註釋 串珠 字典 原文 典藏 |
| 41:2 | Ne-thá-niah ê kiáⁿ I-si-ma-el í-ki̍p kah i lâi ê hit cha̍p-ê lâng khí-.lâi, ēng to thâi-sí Sia-hóaⁿ ê sun — A-hi-kam ê kiáⁿ Ge-tá-lia̍h, to̍h-sī Ba-bú-lông só͘ li̍p lâi koán-hat chit-ê tē ê. | 註釋 串珠 字典 原文 典藏 |
| 41:3 | I-si-ma-el koh thâi-sí tī Mi-su-peh hiahê kui-óa Ge-tá-lia̍h só͘-ū ê Iô-tah lâng, í-ki̍p tī hia só͘ tú tio̍h Kal-tí-ah ê kun-peng. | 註釋 串珠 原文 典藏 |
| 41:4 | I thâi-sí Ge-tá-lia̍h liáu-āu, tē-jī ji̍t iáu bô lâng chai. | 註釋 串珠 原文 典藏 |
| 41:5 | Hit sî, ū peh-cha̍p-ê lâng tùi Sī-khiàm, tùi Sī-lô, tùi Sa-má-lī-a lâi, thì chhùi-chhiu, thiah-li̍h saⁿ, kakī koah seng-khu, chhiú the̍h lé-mi̍h kah jú-hiuⁿ, beh kā i tòa kàu Siōng-chú ê tiān. | 註釋 串珠 字典 原文 典藏 |
| 41:6 | Ne-thá-niah ê kiáⁿ I-si-ma-el tùi Mi-su-peh chhut-lâi kā in gêng-chiap, ná kiâⁿ ná khàu; kàu tú tio̍h in, chiū kā in kóng, " Lín khì kìⁿ A-hi-kam ê kiáⁿ Ge-tá-lia̍h. " | 註釋 串珠 原文 典藏 |
| 41:7 | In lâi-kàu siâⁿ tiong, Ne-thá-niah ê kiáⁿ I-si-ma-el kah tòe i ê lâng, chiū kā in thâi-sí, kā in hiat tī ta-chéⁿ. | 註釋 串珠 字典 原文 典藏 |
| 41:8 | In tiong-kan ū cha̍p-ê lâng tùi I-si-ma-el kóng, " M̄-thang kā goán thâi-sí, in-ūi goán ū chin chē sió-be̍h, tōa-be̍h, iû kah bi̍t khǹg tī chhân-.ni̍h. " I chiū thêng chhiú, bô tī in ê hiaⁿ-tī tiong-kan kā in thâi. | 註釋 串珠 字典 原文 典藏 |
| 41:9 | I-si-ma-el tī óa-kīn Ge-tá-lia̍h hia thâi chiahê lâng, kā in ê sin-si hiat tī kó͘-chéⁿ-.ni̍h; chit-kháu chéⁿ sī chá-chêng A-sah ông in-ūi kiaⁿ I-su-la-el ông Ba-siah ê iân-kò͘ só͘ khui ê. Ne-thá-niah ê kiáⁿ I-si-ma-el kā só͘ thâi ê sin-si thūn-móa kó͘-chéⁿ. | 註釋 串珠 字典 原文 典藏 |
| 41:10 | I-si-ma-el lia̍h Mi-su-peh só͘ chhun lo̍h-.lâi ê jîn-bîn, to̍h-sī ông ê chèng chabó͘ kiáⁿ, í-ki̍p iáu tòa tī Mi-su-peh ê jîn-bîn, to̍h-sī sī-ōe-tiúⁿ Ne-bu-cha-la-tàn só͘ kau-tài A-hi-kam ê kiáⁿ Ge-tá-lia̍h ê. Ne-thá-niah ê kiáⁿ I-si-ma-el kā i lia̍h-.khì, beh kòe-khì Am-móng cho̍k hia. | 註釋 串珠 原文 典藏 |
| 41:11 | Ka-le-ah ê kiáⁿ Io-ha-nân í-ki̍p kah i tông-chāi ê chèng kun-tiúⁿ, thiaⁿ tio̍h Ne-thá-niah ê kiáⁿ I-si-ma-el só͘ kiâⁿ it-chhè ê pháiⁿ, | 註釋 串珠 原文 典藏 |
| 41:12 | chiū chhōa kûn-chiòng chìn-chêng khì, beh kah Ne-thá-niah ê kiáⁿ I-si-ma-el kau-chiàn, tī Gi-bóng ê tōa-chúi piⁿ chhōe tio̍h i. | 註釋 串珠 原文 典藏 |
| 41:13 | I-si-ma-el só͘ chhōa-khì hiahê jîn-bîn, khòaⁿ tio̍h khì Ka-le-ah ê kiáⁿ Io-ha-nân, í-ki̍p kah i lâi ê chèng kun-tiúⁿ, chiū lóng hoaⁿ-hí. | 註釋 串珠 原文 典藏 |
| 41:14 | Chiū ánne, I-si-ma-el tùi Mi-su-peh só͘ lia̍h-.khì ê chèng lâng lóng oa̍t tńg-.lâi, kui-óa Ka-le-ah ê kiáⁿ Io-ha-nân. | 註釋 串珠 原文 典藏 |
| 41:15 | Ne-thá-niah ê kiáⁿ I-si-ma-el kah peh ê lâng thoat-lī Io-ha-nân ê chhiú, cháu-khì Am-móng cho̍k hia. | 註釋 串珠 原文 典藏 |
| 41:16 | Āu-lâi, Ka-le-ah ê kiáⁿ Io-ha-nân kah tòe i ê chèng kun-tiúⁿ, kā só͘ chhun lo̍h-.lâi ê jîn-bîn, to̍h-sī Ne-thá-niah ê kiáⁿ I-si-ma-el phah-sí A-hi-kam ê kiáⁿ Ge-tá-lia̍h í-āu, tùi Mi-su-peh só͘ chhōa-khì ê chapo͘ lâng, ióng-sū, chabó͘ lâng, gín'á kah thài-kàm, koh sī i tùi Gi-bóng chhōa-lâi ê. | 註釋 串珠 原文 典藏 |
| 41:17 | In chiū chhut-hoat khì-kàu Bia̍t-lé-hèm piⁿ-á ê Kim-hám ê kheh-tiàm hioh-kha, siūⁿ beh khì Ai-gi̍p. | 註釋 串珠 原文 典藏 |
| 41:18 | Che sī in-ūi Kal-tí-ah lâng ê iân-kò͘, in-ūi Ne-thá-niah ê kiáⁿ I-si-ma-el ū thâi-sí A-hi-kam ê kiáⁿ Ge-tá-lia̍h, to̍h-sī Ba-bú-lông ông só͘ siat-li̍p lâi koán-hat chit-ê thó͘-tē ê, só͘-í in chin kiaⁿ. | 註釋 串珠 原文 典藏 |