章節 | 全民台語聖經全羅經文 | 註釋 |
27:1 | I-é-lí-miah Phāiⁿ Ka-taⁿIô-tah ông Io-si-iah ê kiáⁿ E-hō͘-iá-kim khí-thâu chē-ūi ê sî, ū chit-ê ōe tùi Siōng-chú lîm-kàu I-é-lí-miah, kóng, | 註釋 串珠 原文 典藏 |
27:2 | " Siōng-chú tùi góa ánne kóng: Lí ūi kakī chò soh-á kah tàⁿ, hē tī lí ê ām-kún, | 註釋 串珠 字典 原文 典藏 |
27:3 | Kau-thok lâi Ê-lú-sa-lèm kìⁿ Iô-tah ông Che-ti-kiah hiahê sù-chiá ê chhiú, hō͘ in tòa hiahê mi̍h lâi-kàu E-tóm ông, Mô͘-ap ông, Am-móng cho̍k ê ông, Tu-lô ông kah Si-tòng ông hia. | 註釋 串珠 原文 典藏 |
27:4 | Koh bēng-lēng sù-chiá tùi in ê chú kóng: Bān-kun ê Siōng-chú — I-su-la-el ê Siōng-tè ánne kóng: Lín tio̍h tùi lín ê chú ánne kóng: | 註釋 串珠 原文 典藏 |
27:5 | Góa ēng Góa ê tōa koân-lêng kah Góa chhun chhut-.khì ê chhiú, chhòng-chō tē kah tē-chiūⁿ ê lâng, í-ki̍p chengseⁿ. Góa kā i siúⁿ-sù Góa só͘ khòaⁿ-chò ha̍p-gî ê. | 註釋 串珠 原文 典藏 |
27:6 | Taⁿ Góa kā chiahê tē lóng kau hō͘ Góa ê lô͘-po̍k Ba-bú-lông ông — Nep-kat-ne-chal ê chhiú, Góa mā kā chhân-iá ê cháu-siù hō͘ i, chò i ê chhe-ēng. | 註釋 串珠 字典 原文 典藏 |
27:7 | Lia̍t kok lóng ē kā i ho̍k-sāi, í-ki̍p i ê kiáⁿ, i ê sun, ti̍t-kàu i pún-kok tú tio̍h pò-èng ê ji̍t kàu. Hit sî, chin chē kok kah tōa kun-ông ē ēng i lâi chò lô͘-po̍k. | 註釋 串珠 原文 典藏 |
27:8 | " Nā ū siáⁿ-mi̍h jîn-bîn, siáⁿ-mi̍h kok m̄-khéng ho̍k-sāi chit-ê Ba-bú-lông ông — Nep-kat-ne-chal, mā m̄-khéng kā ām-kún kòa Ba-bú-lông ông ê ka-taⁿ ê, Góa beh ēng to-kiàm, ēng ki-hng, ēng un-e̍k hêng-hoa̍t hiahê jîn-bîn, it-ti̍t kàu Góa chioh i ê chhiú lâi kā in choân-pō͘ siau-bia̍t. Che sī Siōng-chú kóng ê. | 註釋 串珠 字典 原文 典藏 |
27:9 | Chóng-.sī, lín, lín m̄ thang thiaⁿ lín ê sian-ti, lín ê pok-kòa ê, lín ê oân-bāng ê, lín ê kiâⁿ siâ-su̍t ê, lín ê sai-kong; in ē kā lín kóng, ' Lín bē tì-sú ho̍k-sāi Ba-bú-lông ông. ' | 註釋 串珠 原文 典藏 |
27:10 | In tùi lín ê ī-giân sī pe̍h-chha̍t, sī beh hō͘ lín chhian-sóa lī-khui pún só͘-chāi hn̄g-hn̄g, tì-sú Góa kā lín kóaⁿ chhut-.khì, hō͘ lín bia̍t-bông. | 註釋 串珠 原文 典藏 |
27:11 | To̍k-to̍k nā ū siáⁿ-mi̍h jîn-bîn khéng kā ām-kún kòa Ba-bú-lông ông ê ka-taⁿ, lâi kā i ho̍k-sāi ê, Góa ē hō͘ i iû-goân tòa tī pún só͘-chāi, thang chèng-choh, thang tòa. Che sī Siōng-chú kóng ê. " | 註釋 串珠 字典 原文 典藏 |
27:12 | Góa chiū chiàu chiahê it-chhè ê ōe, tùi Iô-tah ông Che-ti-kiah kóng, " Tio̍h kā lín ê ām-kún kòa Ba-bú-lông ông ê ka-taⁿ, lâi kā i kah i ê jîn-bîn ho̍k-sāi, chiah ē tit tio̍h oa̍h. | 註釋 串珠 字典 原文 典藏 |
27:13 | Lí kah lí ê jîn-bîn ná ē beh in-ūi to-kiàm, in-ūi ki-hng, in-ūi un-e̍k lâi sí, chiàu Siōng-chú lūn-khí m̄-khéng ho̍k-sāi Ba-bú-lông ông hit khoán kok ê ōe? | 註釋 串珠 字典 原文 典藏 |
27:14 | Hiahê sian-ti kā lín kóng, ' Lín bē tì-sú ho̍k-sāi Ba-bú-lông ông', m̄ thang thiaⁿ in, in-ūi in tùi lín só͘ soan-pò͘ ê sī pe̍h-chha̍t. | 註釋 串珠 原文 典藏 |
27:15 | Siōng-chú kóng, ' Góa bô chhe in, chóng-.sī, in thok Góa ê miâ soan-pò͘ pe̍h-chha̍t, tì-sú Góa kā lín kah hiahê tùi lín soan-pò͘ ê sian-ti lóng kóaⁿ chhut-.khì, chò-hóe bia̍t-bông. '" | 註釋 串珠 原文 典藏 |
27:16 | Góa koh tùi chiahê chè-si kah chit kok ê chèng lâng kóng, " Siōng-chú ánne kóng: Lín m̄ thang thiaⁿ hiahê sian-ti tùi lín só͘ ī-giân ê. In kóng, ' Lí khòaⁿ, Siōng-chú ê tiān ê khì-kū bô gōa kú ē tùi Ba-bú-lông tòa tńg-lâi'; kî-si̍t in tùi lín só͘ soan-pò͘ ê sī pe̍h-chha̍t. | 註釋 串珠 字典 原文 典藏 |
27:17 | M̄-thang thiaⁿ in, tio̍h ho̍k-sāi Ba-bú-lông ông, lâi tit tio̍h oa̍h. M̄-bián hō͘ chit-ê siâⁿ piàn-chò pha-hng! | 註釋 串珠 原文 典藏 |
27:18 | In nā kó-jiân sī sian-ti, ū Siōng-chú ê ōe lîm-kàu tī in, in chiū tio̍h kiû bān-kun ê Siōng-chú, hō͘ hiahê tī Siōng-chú ê tiān kah Iô-tah ê ông-kiong, í-ki̍p Ê-lú-sa-lèm chhun lo̍h-.lâi ê khì-kū, bô poaⁿ-khì Ba-bú-lông. " | 註釋 串珠 字典 原文 典藏 |
27:19 | ( In-ūi bān-kun ê Siōng-chú ánne kóng: Kóng tio̍h chiahê tâng-thiāu, tâng-hái, phûn-chō kah lâu tī chit-ê siâⁿ só͘ chhun lo̍h-.lâi ê khì-kū, | 註釋 串珠 字典 原文 典藏 |
27:20 | to̍h-sī Ba-bú-lông ông — Nep-kat-ne-chal lia̍h Iô-tah ông E-hō͘-iá-kim ê kiáⁿ Ia-ko-niah kah Iô-tah Ê-lú-sa-lèm chiahê chun-kùi ê lâng, tùi Ê-lú-sa-lèm kàu Ba-bú-lông ê sî, só͘ bô chhiúⁿ-.khì ê. ) | 註釋 串珠 原文 典藏 |
27:21 | Bān-kun ê Siōng-chú — I-su-la-el ê Siōng-tè si̍t-chāi ánne kóng: Kóng tio̍h lâu tī Siōng-chú ê tiān kah Iô-tah ông-kiong, í-ki̍p Ê-lú-sa-lèm ê khì-kū, | 註釋 串珠 字典 原文 典藏 |
27:22 | hiahê ē poaⁿ khì-kàu Ba-bú-lông, lâu tī hia, kàu Góa chiàu-kò͘ in ê ji̍t móa. Góa chiū beh chhōa in tńg-.lâi, koh kui chit-ê só͘-chāi. Che sī Siōng-chú kóng ê. " | 註釋 串珠 原文 典藏 |