| 章節 | 全民台語聖經全羅經文 | 註釋 |
| 37:1 | Kok-ông Phèng I-sá-iah Tam-jīm Kò͘-būn( LOH 19: 1-7)Hi-che-kia ông thiaⁿ-.tio̍h, chiū thiah-li̍h i ê saⁿ, chhēng môa-pò͘ ji̍p-khì Siōng-chú ê tiān. | 註釋 串珠 盧俊義 康來昌 字典 原文 典藏 |
| 37:2 | I chhe koán-ke ê E-li-a-kim, su-kì Siap-ná kah chè-si tiong ê ló-pòe ê lóng chhēng môa-pò͘, khì kìⁿ A-mô͘-su ê kiáⁿ — I-sá-iah sian-ti. | 註釋 串珠 盧俊義 康來昌 字典 原文 典藏 |
| 37:3 | In tùi i kóng, " Hi-che-kia ánne kóng, ' Kin-á-ji̍t sī hoān-lān, chek-hoa̍t, lêng-jio̍k ê ji̍t, sī chhin-chhiūⁿ kiáⁿ beh chhut-sì, khiok bô la̍t thang seⁿ chhut-.lâi. | 註釋 串珠 盧俊義 康來昌 原文 典藏 |
| 37:4 | Kiám-chhái Siōng-chú — lí ê Siōng-tè ū thiaⁿ tio̍h Lap-siá-keh ê ōe, to̍h-sī i ê chú A-siul ông chhe i lâi bú-bān éng-oán oa̍h ê Siōng-chú ê ōe, kiámchhái Siōng-chú — lí ê Siōng-tè in-ūi ū thiaⁿ tio̍h chiahê ōe, chiū ē kā i chek-pī. Só͘-í, kiû lí ūi tio̍h iáu chhun lo̍h-.lâi ê jîn-bîn chhut siaⁿ kî-tó. '" | 註釋 串珠 盧俊義 康來昌 原文 典藏 |
| 37:5 | Hi-che-kia ông ê jîn-sîn chiū khì kìⁿ I-sá-iah. | 註釋 串珠 盧俊義 康來昌 原文 典藏 |
| 37:6 | I-sá-iah tùi in kóng, " Tio̍h ánne tùi lín ê chú kóng, Siōng-chú ánne kóng, ' Lí thiaⁿ tio̍h A-siul ông ê lô͘-po̍k siat-to̍k Góa ê ōe, m̄-bián kiaⁿ in. | 註釋 串珠 盧俊義 康來昌 原文 典藏 |
| 37:7 | Lí khòaⁿ, Góa beh ēng chi̍t-ê sîn ji̍p i ê sim, i ē thiaⁿ tio̍h hong-siaⁿ, chiū tò tńg-khì goân-pún ê só͘-chāi, góa ē hō͘ i tī hia tó tī to hā. '" | 註釋 串珠 盧俊義 康來昌 字典 原文 典藏 |
| 37:8 | A-siul Lâng koh Lâi Ui-hia̍p( LOH 19: 8-19)Lap-siá-keh tńg-.khì, tú tio̍h A-siul ông teh phah Lip-nah; i tńg-.khì, sī in-ūi i ū thiaⁿ tio̍h A-siul ông thiat iâⁿ, lī-khui La̍h-ki-sih. | 註釋 串珠 盧俊義 康來昌 原文 典藏 |
| 37:9 | A-siul ông ū thiaⁿ tio̍h hong-siaⁿ kóng: Kú-si̍t ông Te̍k-hap-ka chhut-lâi beh kah lí kau-chiàn. I chi̍t-ē thiaⁿ-.tio̍h, chiū chhe sù-chiá khì kìⁿ Hi-che-kia, kā in hoan-hù, kóng, | 註釋 串珠 盧俊義 康來昌 原文 典藏 |
| 37:10 | " Tio̍h tùi Iô-tah ông Hi-che-kia ánne kóng, ' Lí só͘ óa-khò ê Siōng-chú kóng: Ê-lú-sa-lèm it-tēng bô beh kau tī A-siul ông ê chhiú, lí m̄ thang hō͘ i phiàn-.khì. | 註釋 串珠 盧俊義 康來昌 原文 典藏 |
| 37:11 | Lí khòaⁿ, lí it-tēng ū thiaⁿ-kòe A-siul chiahê ông tùi lia̍t kok só͘ chò ê sī beh kā in choân-pō͘ siau-bia̍t, kám kóng lí iáu ē tit tio̍h kiù? | 註釋 串珠 盧俊義 康來昌 原文 典藏 |
| 37:12 | Góa ê chó͘-sian só͘ húi-bia̍t ê, to̍h-sī Go-chán, Khal-lân, Le-che-hu kah sio̍k The-la-sal ê E-tiân lâng. Chiahê kok ê sîn-bêng kám bat kā i kiù? | 註釋 串珠 盧俊義 康來昌 原文 典藏 |
| 37:13 | Ha-mat ê ông, Al-pat ê ông, Se-hoa-ba-im siâⁿ ê ông, He-ná kah A-boah ê ông, in lóng tī tó-ūi? '" | 註釋 串珠 盧俊義 康來昌 原文 典藏 |
| 37:14 | Hi-che-kia tùi sù-chiá ê chhiú chiap tio̍h phoe, chiū tha̍k. Hi-che-kia chiū chiūⁿ-khì Siōng-chú ê tiān, kā phoe pâi tī Siōng-chú ê bīn-chêng. | 註釋 串珠 盧俊義 康來昌 字典 原文 典藏 |
| 37:15 | Hi-che-kia tùi Siōng-chú kî-tó kóng, | 註釋 串珠 盧俊義 康來昌 原文 典藏 |
| 37:16 | " Chē tī ki-lō͘-peng ê tiong-kan, bān-kun ê Siōng-chú — I-su-la-el ê Siōng-tè ah, to̍k-to̍k Lí chò thian-hā bān-kok ê Siōng-chú, Lí bat chhòng-chō thiⁿ-tē. | 註釋 串珠 盧俊義 康來昌 字典 原文 典藏 |
| 37:17 | Siōng-chú ah, kiû Lí àⁿ hīⁿ-khang lâi thiaⁿ; Siōng-chú ah, kiû Lí khui ba̍k-chiu lâi khòaⁿ. Kiû Lí tio̍h thiaⁿ Se-nah-khe-lip só͘-ū ê ōe; i to̍h-sī chhe sù-chiá lâi bú-bān éng-oán oa̍h ê Siōng-chú ê. | 註釋 串珠 盧俊義 康來昌 原文 典藏 |
| 37:18 | Siōng-chú ah, A-siul chiahê ông kó-jiân hō͘ lia̍t kok kah in ê tē piàn-sêng pha-hng, | 註釋 串珠 盧俊義 康來昌 原文 典藏 |
| 37:19 | Mā kā in ê sîn-bêng hiat tī hóe-.ni̍h; in-ūi in m̄-sī Siōng-tè, sī lâng ê chhiú só͘ chō ê, sī chhâ-ê, chio̍h ê, in chiū kā hiahê sîn-bêng châu-bia̍t. | 註釋 串珠 盧俊義 康來昌 字典 原文 典藏 |
| 37:20 | Siōng-chú — goán ê Siōng-tè ah, taⁿ kiû Lí kiù goán thoat-lī i ê chhiú, hō͘ thiⁿ-ē bān-kok lóng chai: to̍k-to̍k Lí sī Siōng-chú. " | 註釋 串珠 盧俊義 康來昌 原文 典藏 |
| 37:21 | I-sá-iah hō͘ Ông ê Sìn-sit( LOH 19:20-37)A-mô͘-su ê kiáⁿ I-sá-iah chiū chhe lâng khì kìⁿ Hi-che-kia kóng, " Siōng-chú — I-su-la-el ê Siōng-tè ánne kóng, ' Lí kì-jiân in-ūi A-siul ông Se-nah-khe-lip ê iân-kò͘ lâi tùi góa kî-kiû, | 註釋 串珠 盧俊義 康來昌 原文 典藏 |
| 37:22 | Taⁿ kóng tio̍h i, Siōng-chú ū ánne kóng, Si-óng ê chāi-sek-lí biáu-sī lí, kā lí thí-chhiò; Ê-lú-sa-lèm ê chabó͘ gín'á tùi lí iô thâu. | 註釋 串珠 盧俊義 康來昌 原文 典藏 |
| 37:23 | Lí lêng-jio̍k bú-bān siáⁿ lâng? Chhut tōa-siaⁿ, ba̍k-chiu niah koân-koân, sī teh kong-kek siáⁿ lâng? Chiū-sī kong-kek I-su-la-el ê chì-sèng ê. | 註釋 串珠 盧俊義 康來昌 原文 典藏 |
| 37:24 | Lí chhe lí ê lô͘-po̍k lâi bú-bān Siōng-chú kóng: Góa tòa chin chē chiàn-chhia chiūⁿ-kàu soaⁿ koân ê só͘-chāi, kàu Le-ba-nòng ke̍k chhim ê só͘-chāi; góa beh chhò hit-châng koân-tōa ê pek-hiuⁿ chhâ kah siōng hó ê siông chhiū. Góa beh chiūⁿ-kàu ke̍k koân ê só͘-chāi kah hiahê pûi tē ê chhiū-nâ. | 註釋 串珠 盧俊義 康來昌 字典 原文 典藏 |
| 37:25 | Góa í-keng khui chéⁿ teh lim gōa-pang ê chúi, góa ēng kha-chiúⁿ ta̍h Ai-gi̍p só͘-ū ê hô, hō͘ i ta-.khì. ' | 註釋 串珠 盧俊義 康來昌 原文 典藏 |
| 37:26 | " Siōng-chú kóng, ' Lí kám m̄ bat thiaⁿ tio̍h Góa tī goân-khí-thâu só͘ chò ê, tī kó͘-chá só͘ tiāⁿ tio̍h ê? Taⁿ Góa beh kā i oân-sêng, to̍h-sī beh hō͘ lí húi-hoāi kian-kò͘ ê siâⁿ, hō͘ in piàn-chò hòe-hi. | 註釋 串珠 盧俊義 康來昌 字典 原文 典藏 |
| 37:27 | Só͘-í, tòa tī kî-tiong ê jîn-bîn khùi-la̍t chin chió, kiaⁿ-hiâⁿ kiàn-siàu. In chhin-chhiūⁿ khòng-iá ê chháu, chheⁿ-chhùi ê chhài, chhin-chhiūⁿ chhù téng ê chháu, chhin-chhiūⁿ chhân-.ni̍h bē tōa châng ê tiū-á. | 註釋 串珠 盧俊義 康來昌 字典 原文 典藏 |
| 37:28 | " ' Lí chē lo̍h-.khì, lí chhut-.khì, lí ji̍p-.lâi, lí tùi góa ê tōa siū-khì, góa lóng chai. | 註釋 串珠 盧俊義 康來昌 原文 典藏 |
| 37:29 | In-ūi lí tùi Góa tōa siū-khì, koh in-ūi lí kiau-ngō͘ ê ōe thàng-kàu Góa ê hīⁿ-khang, Góa chiū beh ēng Góa ê kau kau lí ê phīⁿ, ēng Góa ê bé-kā-kiuⁿ khòa tī lí ê chhùi, hō͘ lí tùi goân-lō͘ tò tńg-.khì. ' | 註釋 串珠 盧俊義 康來昌 字典 原文 典藏 |
| 37:30 | " Hi-che-kia, chit-ê hō͘ lí chò tiāu-thâu, kin-nî lín ē chia̍h kakī hoat ê mi̍h, mê-nî ē chia̍h tùi hiahê só͘ chhut ê, kàu tē-saⁿ nî, lín tio̍h chèng-choh siu-koah, chai-chèng phû-tô hn̂g, lâi chia̍h i ê kóe-chí. | 註釋 串珠 盧俊義 康來昌 字典 原文 典藏 |
| 37:31 | Iô-tah ke thoat-lī hoān-lān só͘ chhun lo̍h-.lâi ê jîn-bîn iû-goân ē ē-bīn tèng-kin, téng-bīn kiat kóe-chí. | 註釋 串珠 盧俊義 康來昌 原文 典藏 |
| 37:32 | In-ūi ē ū chhun lo̍h-.lâi ê jîn-bîn tùi Ê-lú-sa-lèm chhut-.lâi, ē ū tô-cháu ê lâng tùi Si-óng soaⁿ lâi; bān-kun ê Siōng-chú ê jia̍t-sim ē oân-sêng chit-ê tāichì. | 註釋 串珠 盧俊義 康來昌 原文 典藏 |
| 37:33 | " Só͘-í, Siōng-chú koan-hē A-siul ông kóng: I it-tēng bē kàu chit-ê siâⁿ, mā bē tī chia siā chìⁿ, bē tàng giâ tîn-pâi kàu siâⁿ chêng, mā bē khí thô͘-tui lâi kong-kek siâⁿ. | 註釋 串珠 盧俊義 康來昌 字典 原文 典藏 |
| 37:34 | I tùi hit tiâu lō͘ lâi, ē tùi hit tiâu lō͘ tńg-.khì, bē tàng lâi-kàu chit-ê siâⁿ. Che sī Siōng-chú kóng ê. | 註釋 串珠 盧俊義 康來昌 字典 原文 典藏 |
| 37:35 | In-ūi ūi tio̍h kakī ê iân-kò͘, koh ūi tio̍h góa ê lô͘-po̍k — Ta-bi̍t ê iân-kò͘, góa beh pó-hō͘ chit-ê siâⁿ, lâi kā i chín-kiù. " | 註釋 串珠 盧俊義 康來昌 原文 典藏 |
| 37:36 | Siōng-chú ê sù-chiá chhut-.khì, tī A-siul iâⁿ tiong phah-sí cha̍p-peh bān gō͘-chheng lâng. Kàu thiⁿ-kng chá-khí khí-.lâi ê sî, lí khòaⁿ, lóng sī sí-lâng ê sin-si. | 註釋 串珠 盧俊義 康來昌 原文 典藏 |
| 37:37 | A-siul ông Se-nah-khe-lip chiū lī-khui, tńg-.khì, tòa tī Ni-ne-beh. | 註釋 串珠 盧俊義 康來昌 原文 典藏 |
| 37:38 | Ū chi̍t ji̍t, i tī i ê sîn-bêng Nî-su-lo̍k ê biō kūi-pài ê sî, i ê kiáⁿ — A-to-lam-me-le̍k kah Sia-lé-chel, ēng to kā i thâi-sí, jiân-āu cháu kàu A-la̍h-la̍t ê tē. I ê kiáⁿ —E-sal-ha-tóng sòa-chiap i chò ông. | 註釋 串珠 盧俊義 康來昌 字典 原文 典藏 |