| 章節 | 全民台語聖經全羅經文 | 註釋 |
| 13:1 | Siōng-chú beh Têng-hoa̍t Ba-bú-lôngA-mô͘-su ê kiáⁿ I-sá-iah só͘ khòaⁿ tio̍h koan-hē Ba-bú-lông ê be̍k-sī. | 註釋 串珠 盧俊義 康來昌 小組 原文 典藏 |
| 13:2 | Lín tio̍h tī kng liu-liu ê soaⁿ khiā tōa kî, tùi in chhut siaⁿ ia̍t chhiú, hō͘ in ji̍p-khì kùi-cho̍k ê mn̂g. | 註釋 串珠 盧俊義 康來昌 小組 字典 原文 典藏 |
| 13:3 | Góa hoan-hù góa só͘ kéng chhut-.lâi ê lâng; góa í-keng ūi tio̍h góa ê siū-khì lâi tiàu góa ê ióng-sū, to̍h-sī hiahê chū-khoa kiau-ngō͘ ê lâng. | 註釋 串珠 盧俊義 康來昌 小組 原文 典藏 |
| 13:4 | Soaⁿ-.ni̍h ū chin chē lâng ê siaⁿ, chhin-chhiūⁿ kui tōa-tīn ê jîn-bîn, ū chin chē kok ê jîn-bîn chū-chi̍p teh hōa-hōa háu ê siaⁿ. Che sī bān-kun ê Siōng-chú tiám-chê kun-tūi teh beh kau-chiàn. | 註釋 串珠 盧俊義 康來昌 小組 原文 典藏 |
| 13:5 | In tùi hn̄g ê só͘-chāi lâi, tùi thiⁿ-piⁿ lâi; Siōng-chú kah chip-hêng I ê siū-khì ê ke-si, teh beh húi-bia̍t chit-ê choân tē. | 註釋 串珠 盧俊義 康來昌 小組 字典 原文 典藏 |
| 13:6 | Lín tio̍h ai-khàu! In-ūi Siōng-chú ê ji̍t-chí kīn là! Chhin-chhiūⁿ húi-bia̍t sī tùi Choân-lêng-.ê lâi! | 註釋 串珠 盧俊義 盧俊義 康來昌 小組 原文 典藏 |
| 13:7 | Só͘-í, só͘-ū ê chhiú ē nńg lo̍h-.khì, kûn-chiòng ê sim ē siau-iûⁿ. | 註釋 串珠 盧俊義 康來昌 小組 原文 典藏 |
| 13:8 | In ē kiaⁿ-hiâⁿ; thàng-thiàⁿ ê kan-khó͘ ē kā in khîⁿ-tiâu; in pak-tó͘ kiáu-ká chhin-chhiūⁿ beh seⁿ kiáⁿ ê chabó͘ lâng. Tāi-ke tio̍h-kiaⁿ kah gāng-khì lâi sio tùi khòaⁿ, bīn ná chhin-chhiūⁿ hóe-iām. | 註釋 串珠 盧俊義 康來昌 小組 原文 典藏 |
| 13:9 | Lí khòaⁿ, Siōng-chú ê ji̍t lîm-kàu; hit ji̍t ē ū chân-jím, thòng-hūn kah tōa siū-khì, hō͘ chit-ê tē pha-hng, koh tùi hit tiong-kan kā ū chōe ê lâng tû-bia̍t. | 註釋 串珠 盧俊義 康來昌 小組 原文 典藏 |
| 13:10 | Thiⁿ téng ê chèng chheⁿ-sîn lóng bô hoat-chhut kng, ji̍t-thâu tú-á chhut-.lâi chiū piàn o͘-àm, goe̍h mā bô hoat-chhut i ê kng. | 註釋 串珠 盧俊義 康來昌 小組 原文 典藏 |
| 13:11 | Siōng-Chú kóng, " Góa beh in-ūi siâ-ok lâi hêng-hoa̍t sè-kài, in-ūi chōe-gia̍t lâi hêng-hoa̍t pháiⁿ lâng; hō͘ kiau-ngō͘ ê lâng ê lāmsám soah-.khì, koh ap-chè kiông-pō ê lâng ê kiau-ngō͘. | 註釋 串珠 盧俊義 康來昌 小組 原文 典藏 |
| 13:12 | Góa beh hō͘ lâng pí sûn-kim khah chió, hō͘ lâng pí O-hui ê kim khah chió. | 註釋 串珠 盧俊義 康來昌 小組 原文 典藏 |
| 13:13 | Só͘-í, góa beh tī bān-kun ê Siōng-chú ê thòng-hūn kah I tōa siū-khì ê ji̍t-chí, hō͘ thiⁿ tín-tāng, koh hō͘ tē iô-tāng lâi lī-khui i ê pún ūi. | 註釋 串珠 盧俊義 康來昌 小組 原文 典藏 |
| 13:14 | In ē chhin-chhiūⁿ siū jiok ê lo̍k, chhin-chhiūⁿ bô lâng chū-chi̍p ê iûⁿ, ta̍k lâng tò tńg-khì pún cho̍k, ta̍k lâng tô-cháu khì-kàu i ê pún só͘-chāi. | 註釋 串珠 盧俊義 康來昌 小組 字典 原文 典藏 |
| 13:15 | Kiàn-nā hông tú-.tio̍h ê ē siū chha̍k thàng-kòe, kiàn-nā hông lia̍h tio̍h ê ē hō͘ to thâi-sí. | 註釋 串珠 盧俊義 康來昌 小組 字典 原文 典藏 |
| 13:16 | In ê eⁿ-á ē tī in ê ba̍k-chiu chêng hō͘ lâng siak-sí, in ê chhù ē hō͘ lâng chhiúⁿ-toa̍t, in ê bó͘ ē hō͘ lâng lêng-jio̍k. | 註釋 串珠 盧俊義 康來昌 小組 原文 典藏 |
| 13:17 | Siōng-Chú kóng," Góa beh kek-tōng Ma-tái lâng lâi kā in kong-kek, in bô koh khòaⁿ-tiōng gîn, mā bô ài ti̍h kim. | 註釋 串珠 盧俊義 康來昌 小組 字典 原文 典藏 |
| 13:18 | In ê kiong ē phah-sí siàu-liân lâng, bô liân-bín chabó͘ lâng ê thai-īn, in ê ba̍k-chiu mā bô khó-liân gín'á. | 註釋 串珠 盧俊義 康來昌 小組 字典 原文 典藏 |
| 13:19 | Ba-bú-lông pêng-sî chò lia̍t kok ê êng-kng, chò Kal-tí-ah lâng kiau-ngō͘ ê táⁿ-pān, ē chhin-chhiūⁿ So͘-tóm kah Am-mo͘-la̍h hō͘ Siōng-chú só͘ húi-hoāi. | 註釋 串珠 盧俊義 康來昌 小組 原文 典藏 |
| 13:20 | I ê lāi-bīn it-tēng ē éng-oán bô lâng tòa, tāi-tāi bô lâng tòa; A-la-puh lâng bô tī hia tah pò͘-pêⁿ, kò͘ iûⁿ ê lâng mā bô hō͘ iûⁿ-kûn tó tī hia. | 註釋 串珠 盧俊義 康來昌 小組 字典 原文 典藏 |
| 13:21 | Chí-ū khòng-iá ê cháu-siù tó tī hia, hm̄-hm̄ háu ê siù-lūi móa chhù-keng; tô-chiáu tiàm tī hia, iá soaⁿ-iûⁿ tī hia thiàu-bú. | 註釋 串珠 盧俊義 康來昌 小組 字典 原文 典藏 |
| 13:22 | Chhâi-lông ē tī iâⁿ-pâng háu, soaⁿ-káu ē tī i iàn-lo̍k ê kiong-tiān háu. Ba-bú-lông tōa chai-lān ê sî kīn là! I ê ji̍t-chí í-keng bô kú-tn̂g! " | 註釋 串珠 盧俊義 康來昌 小組 字典 原文 典藏 |